Read ახალი ქართულით, Modern Georgian Bible, 1982 რუთი 4 Bible Online

რუთი 4 - ახალი ქართულით, Modern Georgian Bible, 1982 bible

რუთი 4

¹ავიდა ბოყაზი კარიბჭესთან და იქ დაჯდა. აჰა, უნდა ჩაიაროს იმ ნათესავმა კაცმა, ვისზეც ლაპარაკობდა ბოყაზი. დაუძახა: მოდი, სახელით მოუხმო, აქ დაჯექიო. ისიც მივიდა და დაჯდა.

²მოიყვანა ბოყაზმა ათი კაცი ქალაქის უხუცესთაგან და უთხრა:დასხედით აქ. ისინიც დასხდნენ.

³უთხრა ბოყაზმა იმ ნათესავს: ჩვენი მოძმის, ელიმელექის,ყანის ნაკვეთი გაყიდა მოაბის ველებიდან დაბრუნებულმა ნაყომიმ.

⁴ახლა ამას გიცხადებ: იყიდე ყანა აქ მსხდომთა და ხალხისუხუცესთა თანდასწრებით. თუ გსურს ენათესავო, ენათესავე. თუ არა და, მითხარიდა მეცოდინება, რადგან შენზე წინ არავისა აქვს ნათესაობის უფლება. მემხოლოდ შენს შემდეგ ვარ. თქვა: ვუნათესავებ.

⁵თქვა ბოყაზმა: როცა ნაყომისგან ყანას იყიდი, მოაბელირუთისგან, გარდაცვლილის ცოლისგანაც უნდა იყიდო, რომ სახელი აღუდგინო თავისსამკვიდროში გარდაცვლილს.

⁶თქვა ნათესავმა: ვერ ვუნათესავებ. ვაითუ, ჩემი სამკვიდროდავაზარალო. შენ შეასრულე ჩემი უფლება ნათესაობისა, რადგან მე არ შემიძლია,რომ ვუნათესავო.

⁷ასე იქცეოდნენ ძველად ისრაელში სყიდვის, გაცვლის ან რაიმესაქმის დადასტურების დროს: გაიძრობდა ერთი ფეხსამოსს და მეორეს მისცემდა.ეს იყო მოწმობის ნიშანი ისრაელში.

⁸უთხრა იმ ნათესავმა ბოყაზს: შენ იყიდე! და გაიძროფეხსამოსი.

⁹უთხრა ბოყაზმა უხუცესებს და მთელს ხალხს: დღეს თქვენ მოწმენი ხართ, რომ მე ვყიდულობ ნაყომისგან ელიმელექის მთელს საბადებელს, და ქილიონისა და მახლონის მთელს საბადებელს,

¹⁰და ცოლად მიმყავს მოაბელი რუთიც, მახლონის ცოლი, რომსახელი აღვუდგინო გარდაცვლილს თავის სამკვიდროში, რომ არ გაქრესგარდაცვლილის სახელი მის მოძმეთა შორის და იმ უბნის კარიბჭესთან, სადაც ისცხოვრობდა. ამის მოწმენი ხართ დღეს თქვენ.

¹¹უთხრეს კარიბჭესთან მყოფმა ხალხმა და უხუცესობამ: მოწმენი ვართ! ღმერთმა დალოცოს შენს სახლში შემომავალი დედაკაცი რახელივით და ლეასავით, რომლებმაც ააშენეს ისრაელის სახლი. ქმენი სიქველე ეფრათაში და გაითქვი სახელი ბეთლემში.

¹²გახდეს შენი სახლი სახლივით ფერეცისა (რომელიც თამარმაუშვა იუდას) იმ ნაშიერიდან, უფალი რომ მოგცემს ამ ყმაწვილი ქალისაგან.

¹³წაიყვანა ბოყაზმა რუთი და გახდა იგი მისი ცოლი. შევიდამასთან და მისცა მას უფალმა ორსულობა და შვა ვაჟი.

¹⁴უთხრეს დედაკაცებმა ნაყომის: კურთხეულია უფალი, რომელმაცნათესავი არ მოგიშალა დღეს! იხსენებოდეს ისრაელში მისი სახელი!

¹⁵შენი სიბერის ნუგეშად და სასოდ გეყოლოს, რადგან შვა იგიშენმა საყვარელმა რძალმა, რომელიც შვიდ ვაჟიშვილს გირჩევნია.

¹⁶მიირქვა ნაყომიმ ბავშვი, უბეში ჩაისვა და გახდა მისი გამდელი.

¹⁷სახელი მეზობლის ქალებმა დაარქვეს, თქვეს: ვაჟი შეეძინანაყომის! და დაარქვეს სახელად ყობედი. ეს იყო მამა იესესი, დავითის მამისა.

¹⁸აი, ფერეცის შთამომავლობა: ფერეცმა შვა ხეცრონი,

¹⁹ხეცრონმა შვა რამი, რამმა შვა ყამინაბადი,

²⁰ყამინაბადმა შვა ნახშონი, ნახშონმა თქვა სალმონი,

²¹სალმონმა შვა ბოყაზი, ბოყაზმა შვა ყობედი,

²²ყობედმა შვა იესე, იესემ შვა დავითი.