Read ახალი ქართულით, Modern Georgian Bible, 1982 პირველი მეფეთა 1 Bible Online

პირველი მეფეთა 1 - ახალი ქართულით, Modern Georgian Bible, 1982 bible

პირველი მეფეთა 1

¹იყო ერთი კაცი რამათაიმ-ცოფიმიდან, ეფრემის მთიდან, და სახელად ერქვა ელკანა, ძე იეროხამისა, ელიჰუს ძისა, თოხუს ძისა, ცუფის ძისა, ეფრათელი.

²ორი ცოლი ესვა: ერთს ერქვა ხანა, მეორეს - ფენინა. ფენინას შვილები ჰყავდა, ხანა კი უშვილო იყო.

³ყოველ წელიწადს ადიოდა ეს კაცი თავისი ქალაქიდან ცაბაოთუფლისათვის თაყვანის საცემად და მსხვერპლის შესაწირავად სილოამში, სადაცელის ორი ვაჟი ხოფნი და ფინხასი, უფლის მღვდლები იყვნენ.

⁴შესწირავდა მსხვერპლს ელკანა და მისცემდა ხოლმე წილსფენინას, თავის ცოლს და მის ვაჟებსა და ასულებს.

⁵ხანას კი ზედმეტ წილს აძლევდა, რადგან უყვარდა ხანა,თუმცა საშო დაეხშო მისთვის უფალს.

⁶მისი მეტოქე კიდევ უფრო აჭირვებდა მას, აწუხებდა იმისგამო, რომ საშო დაუხშო უფალმა.

⁷ასე იქცეოდა კაცი ყოველწლიურად, როცა კი ხანა უფლისსახლში ადიოდა; და ფენინა აწუხებდა მას, ის კი ტიროდა და არაფერს ჭამდა.

⁸ელკანა, მისი ქმარი, ეუბნებოდა: ხანა, რატომ ტირი? რატომარაფერს ჭამ? გული რატომ გაქვს დამწუხრებული? განა ათ შვილს არგირჩევნივარ?

⁹ადგა ერთხელ ხანა სმა-ჭამის შემდეგ სილოამში. ელი მღვდელი კი საკარცხულზე იჯდა უფლის სახლის წირთხლთან.

¹⁰სულგამწარებულმა ქალმა დაუწყო ვედრება უფალს და ცხარედტიროდა.

¹¹აღუთქვამდა და ეუბნებოდა: ცაბაოთ უფალო, თუ მიხედავ შენი მხევლის ტანჯვას, თუ გამიხსენებ და არ დაივიწყებ შენს მხევალს, და მისცემ შენს მხევალს ვაჟიშვილს, უფალს დავუთმობ მას. ვიდრე ცოცხალი იქნება, დანა არ შეეხება მის თავს.

¹²დიდხანს ლოცულობდა ქალი უფლის წინაშე, ხოლო ელი მის ბაგეებს აკვირდებოდა.

¹³რაკი ხანა გულში ლაპარაკობდა, ბაგეებს ამოძრვებდა, ხმა კიარ ისმოდა, მთვრალიაო, იფიქრა ელიმ.

¹⁴უთხრა ელიმ: რამდენ ხანს უნდა იყო მთვრალი? გამოიფხიზლეღვინისგან.

¹⁵მიუგო ხანამ და უთხრა: არა, ჩემო ბატონო. ერთი დაჩაგრულიქალი ვარ. ღვინო და მაგარი სასმელი არ დამილევია. უფლის წინაშე ვღვრი ჩემსსულს.

¹⁶უგვანი დედაკაცი ნუ გეგონება შენი მორჩილი. მხოლოდ დიდი მწუხარებისა და სიმწრის გამო ვლაპარაკობდი ამდენხანს.

¹⁷მიუგო ელიმ და უთხრა: წადი მშვიდობით და ისრაელის ღმერთიაგისრულებს სათხოვარს, რასაც მოითხოვ მისგან.

¹⁸თქვა ქალმა: ნეტავ მადლი პოვოს შენმა მორჩილმა შენსთვალში. და წავიდა ქალი თავისი გზით. საჭმელი ჭამა და აღარ დამწუხრებიასახე.

¹⁹ადგნენ დილაადრიანად და თაყვანი სცეს უფალს. როცადაბრუნდნენ რამათს და მივიდნენ თავიანთ სახლში, მეიცნო ელკანამ ხანა,თავისი ცოლი, და გაიხსენა იგი უფალმა.

²⁰ერთი წლის შემდეგ დაორსულდა ხანა, შვა ვაჟი და დაარქვასახელად სამუელი, რადგან: უფალს გამოვთხოვეო იგი.

²¹წავიდა კაცი ელკანა მთელი თავისი სახლითურთ უფლისათვის ყოველწლიური მსხვერპლის შესაწირად და თავისი აღთქმის აღსასრულებლად.

²²ხანა არ წასულა, უთხრა ქმარს: როცა ძუძუს მოსწყდება,მაშინ წავიყვან. გამოცხადდება უფლის წინაშე და სამუდამოდ იქ დარჩება.

²³უთხრა ელკანამ, მისმა ქმარმა: ისე მოიქეცი, როგორცგერჩიოს. დარჩი, ვიდრე ძუძუს მოსწყვეტდე. იღონდ აგვისრულოს უფალმა თავისინათქვამი. დარჩა ცოლი და ძუძუს აწოვებდა ბავშვს, სანამ არ მოსწყვიტა.

²⁴როცა გამოზარდა, წაიყვანა იგი უფლის სახლში, სილოამში.თან სამი კურატი, ერთი ეფა ფქვილი და ერთი ტიკი ღვინო წაიტანა. ჯერ კიდევჩვილი იყო ყმაწვილი.

²⁵დაკლეს კურატი და ელის მიუყვანეს ყმაწვილი.

²⁶თქვა ქალმა: იცოცხლე, ჩემო ბატონო! მე ის ქალი ვარ, აქრომ ვიდექი, შენს ახლოს, და უფალს ვევედბებოდი.

²⁷ამ ყმაწვილის გამო ვევედრებოდი და, აჰა, ამისრულა უფალმასათხოვარი, რასაც ვთხოვდი.

²⁸ამიტომაც უფლისათვის მიმიბარებია იგი. ვიდრე ცოცხალია,უფლისთვის იქნება მიბარებული. და თაყვანი სცა იქ უფალს.