Read ახალი ქართულით, Modern Georgian Bible, 1982 პირველი მეფეთა 10 Bible Online

პირველი მეფეთა 10 - ახალი ქართულით, Modern Georgian Bible, 1982 bible

პირველი მეფეთა 10

¹აიღო სამუელმა ზეთით სავსე ქილა, თავზე დაასხა, აკოცა და უთხრა: აჰა, გცხო უფალმა თავისი სამკვიდროს მთავრად.

²დღესვე, როცა ჩემგან წახვალ, ორ კაცს შეხვდები რახელისსაფლავთან, ბენიამინის საზღვარზე ცელცახში; გეტყვიან: ნაპოვნია ვირები,რომელთა საძებრადაც წამოხვედი. აჰა, დაავიწყდა მამაშენს თავისი ვირები დათქვენზე დარდობს: რა ვუყო ჩემს შვილსო?

³გასცდები ამ ადგილს და მიხვალ თაბორის მუხნართან დაშეხვდები ბეთელისკენ სალოცავად მიმავალს სამ კაცს. ერთს სამი თიკანიმიჰყავს, მეორეს სამი პური მიაქვს, მესამეს ტიკით ღვინო.

⁴მშვიდობით მოგიკითხავენ და ორ პურს მოგცემენ, შენცგამოართმევ.

⁵შემდგომ ამისა ღვთის ბორცვზე ახვალ, სადაც ფილისტიმელთასადარაჯოებია. ქალაქში შესვლისას შეხვდები გორაკიდან ჩამომავალ ქადაგთაგუნდს, რომელთაც წინ მიუძღვებიან ქნარით, დაფდაფით, სტვირითა და ებნით.თავად კი ქადაგებენ.

⁶ღვთის სული გადმოვა შენზე და მათთან ერთად აქადაგდები,სხვა კაცად გარდაიქმნები.

⁷როცა ყოველივე ეს აგიცხადდება, როგორც მოგიხდეს, ისემოიქეცი, რადგან ღმერთი იქნება შენთან.

⁸ჩემზე წინ ჩახვალ გილგალში და მეც მალე მოვალ შენთან,რათა შევწირო აღსავლენი და სამადლობელი მსხვერპლი. შვიდ დღეს მელოდე, ვიდრეარ მოვალ შენთან და არ გასწავლი, რა უნდა გააკეთო.

⁹როგორც კი გატრიალდა საული წასასვლელად სამუელისგან, სხვა გული ჩაუდგა მასღმერთმა და ყველა ნიში აუცხადდა იმ დღეს.

¹⁰ავიდნენ გორაკზე და, აჰა, მოდის მისკენ ქადაგთა გუნდი. გადმოვიდა მასზე ღვთის სული და ისიც მათთან ერთად აქადაგდა.

¹¹ყველანი, ვინც მანამდე იცნობდნენ მას, ხედავდნენ ქადაგებთან ერთადგაქადაგებულს და ლაპარაკობდნენ ერთმანეთში: რა დაემართა კიშის ძეს? ნუთუსაულიც გაქადაგდა?

¹²თქვა პასუხად ერთმა იქაურმა კაცმა: ვინ არის მათი მამა? ასე წარმოიშვა ანდაზა: ნუთუ საულიც გაქადაგდაო?

¹³მორჩა ქადაგებას და ავიდა გორაკზე.

¹⁴უთხრა საულის ბიძამ საულსა და მის მსახურს: სად იარეთ? მიუგო: ვირებსვეძებდით და როცა ვერსად ვიპოვეთ, სამუელთან წავედით.

¹⁵უთხრა საულს ბიძამ: მომიყევი, რა გითხრათ სამუელმა.

¹⁶უთხრა საულმა ბიძას: გამოგვიცხადა, ნაპოვნიაო ვირები. ხოლო მეფობის ამბავი,რაც სამუელმა უთხრა, არ გაუმხელია მისთვის.

¹⁷მოუხმო სამუელმა ხალხს უფალთან მიცფაში.

¹⁸უთხრა ისრაელიანებს: ასე ამბობს უფალი, ღმერთი ისრაელისა: მე გამოვიყვანეისრაელი ეგვიპტიდან, მე გიხსენით თქვენ ეგვიპტელთაგან და ყველა სამეფოსგან,რომელიც კი გავიწროებდათ.

¹⁹ახლა უარყოფთ თქვენს ღმერთს, რომელმაც გიხსნათ ძნელბედობასა და გასაჭირში, რადგან ეუბნებით: მეფე დაგვიდგინეო. აბა, წარუდექით უფალს თქვენთქვენი ტომისა და გვარეულობის მიხედვით.

²⁰სათითაოდ მიიყვანა სამუელმა ისრაელის ყველა ტომი და ბენიამინის ტომს ხვდაწილი.

²¹მიიყვანა ბენიამინის ტომი საგვარეულოებისდა მიხედვით და მატრის საგვარეულოსხვდა წილი. მერე საულს, კიშის ძეს, ხვდა წილი. დაუწყეს ძებნა და ვერსადიპოვეს.

²²კვლავ შეეკითხნენ უფალს: თუ კიდევ არის აქ ვინმე მიმსვლელი? თქვა უფალმა:აჰა, ჭურჭლებს არის ამოფარებული.

²³გაიქცნენ და გამოიყვანეს იქიდან. ჩადგა ხალხში და ერთი თავით ყველაზემაღალი გამოჩნდა.

²⁴უთხრა სამუელმა მთელს ხალხს: ხომ ხედავთ, ვინ აირჩია უფალმა? რადგან მთელსხალხში არავინაა მისი მსგავსი. იხუვლა ხალხმა და თქვა: დღეგრძელი იყოსმეფე!

²⁵გამოუცხადა სამუელმა ერს მეფობის უფლებანი, წიგნში ჩაწერა და უფლის წინაშედადო. მერე დაითხოვა სამუელმა ხალხი და წავიდ-წამოვიდნენ თავ-თავისსახლებში.

²⁶საულიც გაემართა თავისი სახლისკენ, გიბყაში. თან გაჰყვა მამაცი ხალხი,რომელთა გულებს ღმერთი შეეხო.

²⁷უგვანი ხალხი ამბობდა: ეგ ჩვენ როგორ გვიხსნისო, და შეიძულეს იგი და ძღვენიარ მიართვეს. მას კი არაფერი უთქვამს.