Read ახალი ქართულით, Modern Georgian Bible, 1982 პირველი მეფეთა 11 Bible Online

პირველი მეფეთა 11 - ახალი ქართულით, Modern Georgian Bible, 1982 bible

პირველი მეფეთა 11

¹წამოვიდა ნახაშ ყამონელი და შემოადგა გალაადის იაბეშს. უთხრეს იაბეშელებმა ნახაშს: შეკარი კავშირი ჩვენთან და დაგემორჩილებით.

²უთხრა ნახაშ ყამონელმა: ჯერ ყველას მარჯვენა თვალებსდაგთხრით, რომ სირცხვილი ვაჭამო მთელს ისრაელს, და მერე შევკრავ თქვენთანკავშირს.

³უთხრეს იაბეშის უხუცესებმა: შვიდი დღე გვაცალე, რომმოციქულები დავგზავნოთ მთელს ისრაელში, და თუ არავინ შეგვეწია, გამოვალთთქვენს წინააღმდეგ.

⁴მივიდნენ მოციქულები საულის გიბყაში და გამოუცხადეს ესამბავი ხალხს. ახმაურდა ხალხი და მორთო ტირილი.

⁵აჰა, საულიც მოდის, ხარებს მოჰყვება ყანიდან. იკითხასაულმა: რა ატირებს ხალხს? ამცნეს იაბეშელთა ნათქვამი.

⁶ამ სიტყვების გაგონებისას ღვთის სული გადმოვიდა საულზე დაძლიერ განრისხდა იგი.

⁷ადგა და აკუწა ორივე ხარი და მოციქულების ხელით დაგზავნამთელს ისრაელში, შეუთვალა: ვინც საულს და სამუელს არ გაჰყვება, ასე მოუვამის ხარებს. უფლის შიში დაეცა ხალხს და გამოვიდნენ როგორც ერთი კაცი.

⁸აღრიცხა ისინი ბეზეკში: ისრაელიანი სამასი ათასი იყო,იუდას ხალხი - ოცდაათი ათასი.

⁹უთხრეს მოსულ მოციქულებს: ასე უთხარით გალაადის იაბეშის ხალხს: ხვალ, მზე რომ დააცხუნებს, მოგევლინებათ ხსნა. მივიდნენ მოციქულები და შეატყობინეს იაბეშელებს. მათაც გაიხარეს.

¹⁰შეუთვალეს იაბეშელებმა ყამონელებს: ხვალ გამოვალთ თქვენს წინააღმდეგ დაგვიყავით, რაც გენებოთ.

¹¹მეორე დღეს სამ რაზმად გაჰყო საულმა ხალხი. დილის სახმილავზე შევიდნენშუაგულ ბანაკში და შუადღის პაპანაქებამდე გაწყვიტეს ყამონელები.გადარჩენილნი კი ისე დაიფანტნენ, რომ ორს ერთად ვერ ნახავდა კაცი.

¹²უთხრა ხალხმა სამუელს: ვინ ამბობდა, ნუთუ საულმა უნდა იმეფოსო ჩვენზე? მოგვეცი ის ხალხი, რომ დავხოცოთ.

¹³უთხრა საულმა: ერთი კაციც არ მოკვდება დღეს, რადგან ხსნა მოავლინა უფალმადღეს ისრაელში.

¹⁴უთხრა სამუელმა ხალხს: წამოდით, წავიდეთ გილგალში და განვაახლოთ იქ მეფობა.

¹⁵წავიდა მთელი ხალხი გილგალს და გაამეფეს საული უფლის წინაშე იქ, გილგალში.შესწირეს იქ სამადლობელი მსხვერპლი უფლის წინაშე და ძლიერ გაიხარეს იქსაულმა და ყველა ისრაელიანმა.