Read ახალი ქართულით, Modern Georgian Bible, 1982 პირველი მეფეთა 21 Bible Online

პირველი მეფეთა 21 - ახალი ქართულით, Modern Georgian Bible, 1982 bible

პირველი მეფეთა 21

¹ადგა და წავიდა იონათანი, და მივიდა ქალაქს.

²ხოლო დავითი ნომბაში წავიდა ახიმელექ მღვდელთან. შიშითგამოეგება ახიმელექი დავითს და ჰკითხა: მარტო რატომ ხარ? რატომ არავინგახლავს?

³მიუგო დავითმა ახიმელექ მღვდელს: საქმე დამავალა მეფემ დამითხრა: არავინ იცოდეს, რა საქმეა, რაზედაც გგზავნი და რასაც გავალებ.ამიტომაც ამა და ამ ადგილს დავიბარე მსახურები.

⁴ახლა, რა გექნება სახელდახელოდ? მომეცი ხუთი პური ან რაცმოგეძევება.

⁵მიუგო მღვდელმა დავითს და უთხრა: სადაგი პური არა მაქვსახლა, მხოლოდ ნაკურთხი პური მაქვს. ოღონდ ცოლებს ხომ არ გაჰკარებიან შენიმსახურები?

⁶მიუგო დავითმა მღვდელს და უთხრა: ცოლებთან არ მივსულვართარც გუშინ და არც გუშინწინ, იმ დროდან, რაც გზას ვადგავარ. ჩემი მსახურებისჭურჭლები წმიდაა; ეგ პურიც სადაგად ჩაითვლება, რადგან დღეს ხომ ახალი უნდაიკურთხოს ჭურჭელში.

⁷მისცა მას მღვდელმა ნაკურთხი პური, რადგან არ იყო იქ სხვაპური, გარდა საუფლო პურისა, რომელსაც იღებენ ხოლმე უფლის ტაბლიდან, რომ მისნაცვლად ახალი პური დააწყონ.

⁸იყო იქ იმ დღეს უფლის წინაშე ერთი კაცი, საულისმორჩილთაგანი, სახელად დოეგი, ედომელი, საულის მწყემსების უფროსი.

⁹უთხრა დავითმა ახიმელექს: ხომ არ გაქვს სადმე შუბი ან მახვილი, რადგან არც მახვილი წამომიღია და არც სხვა რამ საჭურველი, ისე სასწრაფო იყო სამეფო საქმე.

¹⁰უთხრა მღვდელმა: იმ ფილისტიმელი გოლიათის მახვილია აქ, მუხნარის ველზე რომდაამარცხე; აგერ დევს, ეფოდის უკან, მოსასხამში გახვეული. თუ წაღება გინდა,წაიღე, რადგან მის გარდა სხვა არაფერი გვაქვს. თქვა დავითმა: არაფერია ამისმსგავსი. მომეცი.

¹¹ადგა დავითი და გაიქცა იმ დღეს საულისგან, და მოვიდა აქიშთან, გათისმეფესთან.

¹²უთხრეს აქიშს მისმა მორჩილებმა: ეს დავითი არ არის ქვეყნის მეფე? მას არ უმღეროდნენ როკვისას: საულმა სძლია ათასს, დავითმა ათი ათასსო?

¹³გულში ჩაიდო დავითმა ეს სიტყვები და ძლიერ ეშინოდა აქიშისა, გათის მეფისა.

¹⁴გონება შეიშალა დავითმა მათ თვალში, თავი მოიგიჟიანა, ხაზებს ავლებდაჭიშკრის კარებზე და წვერებზე დორბლი ჩამოსდიოდა.

¹⁵უთხრა აქიშმა თავის მორჩილთ: ხომ ხედავთ, რომ შეშლილია ეს კაცი. რისთვისმოიყვანეთ ჩემთან?

¹⁶შეშლილებიღა მაკლდნენ, რომ მოგიყვანიათ და გიჟობს ჩემს წინაშე? ეს უნდაშემოსულიყო ჩემს სახლში?