Read ახალი ქართულით, Modern Georgian Bible, 1982 პირველი მეფეთა 23 Bible Online

პირველი მეფეთა 23 - ახალი ქართულით, Modern Georgian Bible, 1982 bible

პირველი მეფეთა 23

¹შეატყობინეს დავითს: აჰა, ფილისტიმელები დასხმიან თავს კეყილს და კალოებს აჩანაგებენ.

²დაეკითხა დავითი უფალს: თუ წავედი, დავამარცხებ ამფილისტიმელებს? მიუგო უფალმა დავითს: წადი და დაამარცხებ ფილისტიმელებს დაიხსნი კეყილს.

³უთხრეს დავითს მისმა კაცებმა: ჩვენ აქ, იუდაშიც შიშითაღარა ვართ და კეყილში როგორღა წავიდეთ ფილისტიმელთა მხედრობის წინააღმდეგ?

⁴კვლავ დაეკითხა დავითი უფალს და მიუგო მას უფალმა დაუთხრა: ადექი და ჩადი კეყილში, რადგან ხელში ჩაგიგდებ ფილისტიმელებს.

⁵წავიდნენ დავითი და მისი კაცები კეყილს და შეებრძოლნენფილისტიმელებს; გამოირეკეს მათი საქონელი და სასტიკად დაამარცხეს. ასეიხსნა დავითმა კეყილის მკვიდრნი.

⁶როცა დავითთან გამოიქცა აბიათარი, ახიმელექის ძე, თანეფოდი წამოიღო.

⁷აცნობეს საულს, რომ კეყილში იყო დავითი მისული, და თქვასაულმა: ხელში ჩამიგდო იგი ღმერთმა, რადგან კარიბჭეებიან და ურდულებიანქალაქში შესვლით თვითონვე გამოიკეტა თავი.

⁸საომრად შეჰყარა საულმა მთელი ხალხი, რათა ჩასულიყვნენკეყილში და ალყაში მოექციათ დავითი და მისი კაცები.

⁹შეიტყო დავითმა, ავს რომ უპირებდა მას საული, და უთხრა აბიათარ მღვდელს:მოიტანე ეფოდი!

¹⁰თქვა დავითმა: უფალო, ღმერთო ისრაელისა! ნამდვილად იცის შენმა მორჩილმა,რომ კეყილისკენ მოდის საული, რათა ჩემს გამო გაანადგუროს ქალაქი.

¹¹თუ მიმცემენ მათ ხელში კეყილელნი? თუ ჩამოვა სული, როგორც შეიტყო შენმა მორჩილმა? უფალო, ღმერთო ისრაელისა! გაუცხადე შენს მორჩილს! მიუგო უფალმა: ჩამოვა.

¹²თქვა დავითმა: თუ მიგვცემენ კეყილელნი მე და ჩემს ხალხს საულს ხელში? თქვა უფალმა: მიგცემენ.

¹³აიყარნენ დავითი და მისი კაცები, ექვსასამდე კაცი, და გავიდნენ კეყილიდან.დადიოდნენ, სადაც კი შეიძლებოდა სიარული. ხოლო საულს ამცნეს, რომ გაიქცადავითი კეყილიდან, და აღარ გამოვიდა საბრძოლველად.

¹⁴ჩერდებოდა დავითი უდაბნოში, მიუვალ ადგილებში და მთაში, ზიფის უდაბნოში.მთელი დღეები ეძებდა მას საული, მაგრამ უფალმა ხელში არ ჩაუგდო იგი.

¹⁵დაინახა დავითმა, რომ გამოვიდა საული მის მოსაკლავად, და დარჩა ზიფისუდაბნოში, ხორშაში.

¹⁶ადგა იონათანი, საულის ძე, და მივიდა დავითთან ხორშაში, და გაამხნევა ღვთისსახელით.

¹⁷უთხრა: ნუ გეშინია, ვერ მოგწვდება მამაჩემის, საულის ხელი. შენ იმეფებისრაელზე, ხოლო მე შენს შემდეგ მეორე კაცი ვიქნები. მამაჩემმა საულმაც კიიცის ეს.

¹⁸შეკრეს კავშირი ორმა უფლის წინაშე. დარჩა დავითი ხორშაში, ხოლო იონათანიშინ დაბრუნდა.

¹⁹მივიდნენ ზიფელები საულთან გიბყაში და უთხრეს: აჰა, ჩვენთან იმალებადავითი, მიუვალ ადგილებში, ხორშაში, ხაქიელის გორაზე, იეშიმონისხელმარცხნივ.

²⁰ახლა, შენს ნებაზეა, მეფეო, წახვალ თუ არა. ჩვენი ვალი კი ის არის, რომმეფეს ჩავუგდოთ იგი ხელში.

²¹თქვა საულმა: უფალიმც გაკურთხებთ, რომ შემიბრალეთ!

²²წადით, ერთხელ კიდევ დაიბეჯითეთ და მიათვალ-მოათვალიერეთ ის ადგილები,სადაც კი ფეხი დაუდგამს, ან თუ ვინმეს უნახავს იქ, რადგან მითხრეს,ფრთხილად იქცევაო.

²³ეძებეთ და დაჩხრიკეთ ყველა სამალავი, სადაც კი შეიძლება იმალებოდეს, დამართალი პასუხი მომიტანეთ, მხოლოდ ამის მერე წამოგყვებით. თუ ჩვენსქვეყანაში არის სადმე, იუდას ყველა სამთავროში დავუწყებ ძებნას.

²⁴ადგნენ და წავიდნენ საულისგან ზიფში. ხოლო დავითი და მისი ხალხი ამ დროსმაყონის უდაბნოში იყვნენ, ვაკეზე, იეშიმონის მარცხნივ.

²⁵წავიდა საული საძებრად თავისი კაცებითურთ. შეატყობინეს დავითს და მივიდაიგი კლდესთან და დადგა მაყონის უდაბნოში. შეიტყო ეს საულმა და დაედევნადავითს მაყონის უდაბნოში.

²⁶მიდიოდა საული მთის ერთ მხარეს, ხოლო დავითი თავისი კაცებითურთ მთის მეორემხარეს. გამალებით გაურბოდა დავითი საულს, ხოლო საული და მისი ხალხიცდილობდნენ გზა მოეჭრათ დავითისა და მისი ხალხისთვის და შეეპყროთ ისინი.

²⁷ამ დროს მაცნე მოვიდა საულთან და მოახსენა: იჩქარე, რადგან ფილისტიმელებიდაესხნენ ქვეყანას.

²⁸მიანება თავი დავითის დევნას საულმა და გაემართა ფილისტიმელებთანშესახვედრად. ამიტომ უწოდეს ამ ადგილს სელა ჰამახალკოთ (კლდე გაყრათა).