Read ახალი ქართულით, Modern Georgian Bible, 1982 პირველი მეფეთა 26 Bible Online

პირველი მეფეთა 26 - ახალი ქართულით, Modern Georgian Bible, 1982 bible

პირველი მეფეთა 26

¹მივიდნენ ზიფიელები საულთან გიბყაში და უთხრეს: არ იცი, რომ დავითი ხაქილას გორაკზე იმალება, იეშიმონის გასწვრივ?

²ადგა საული და სამი ათასი რჩეული ისრაელიანითურთ ზიფისუდაბნოსკენ გაემართა, რათა მოეძებნა დავითი ზიფის უდაბნოში.

³დადგა საული ხაქილის გორაკზე, იეშიმონის გასწვრივ, გზისპირას; ხოლო დავითი უდაბნოში იყო და ხედავდა, როგორ მოვიდა მის კვალზესაული უდაბნოში.

⁴გაგზავნა დავითმა მზვერავები და დარწმუნდა, რომ ნამდვილადმოსული იყო საული.

⁵ადგა დავითი და მივიდა იმ ადგილას, სადაც საული იყოგაჩერებული. დაინახა დავითმა ის ადგილი. სადაც ეძინათ საულსა და აბნერს,ნერის ძეს, მის მხედართმთავარს. საული შუაგულ ბანაკში იწვა, ხოლო ხალხი მისირგვლივ იყო განლაგებული.

⁶მიუბრუნდა დავითი ახიმელექ ხეთელს, და აბიშაის, ცერუიასძეს, იოაბის ძმას და უთხრა: ვინ წამომყვება საულთან მის ბანაკში? უთხრააბიშაიმ: მე წამოგყვები.

⁷მივიდნენ ღამით დავითი და აბიშაი ხალხთან და, აჰა,ხედავენ, წევს მძინარე საული შუაგულ ბანაკში, და მისი შუბი სასთუმალთანარის ჩარჭობილი მიწაში. აბნერი და ხალხი მის ირგვლივ წვანან.

⁸უთხრა აბიშაიმ დავითს: ღმერთმა ჩაგაგდებინა დღეს ხელშიშენი მტერი. ახლა ერთი დაკვრით დავაკლავ მიწას, მეორე აღარ დამჭირდება.

⁹უთხრა დავითმა აბიშაის: ნუ დაღუპავ მას, რადგან უფლის ცხებულზე ხელისაღმმართველი დაუსჯელად არ გადარჩება.

¹⁰თქვა დავითმა: უფალს ვფიცავ, თავად უფალი გაანადგურებს მას, ან მისი დღემოაწევს და მოკვდება, ან საბრძოლველად წავა და დაიღუპება.

¹¹უფალმა დამიფაროს, რომ უფლის ცხებულზე ხელი აღვმართო. ახლა აიღე მისი სასთუმლიდან ეგ შუბი და მათარა და წავიდეთ ჩვენთვის.

¹²აიღო დავითმა შუბი და მათარა საულის სასთუმალიდან და წავიდნენ თავისთვის. არვის დაუნახავს, არვის გაუგია, არც არვის გაუღვიძნია, ყველას ეძინა, რადგან უფლისმიერ ძილს მოეცვა ისინი.

¹³გადავიდა დავითი გაღმა და დადგა მთის წვერზე, მოშორებით. დიდი მანძილი იყომათ შორის.

¹⁴გაჰყვირა დავითმა ხალხს და აბნერს, ნერის ძეს: ხმა გამეც, აბნერ! ხმა გასცააბნერმა და უთხრა: ვინა ხარ, რომ ჰყვირი და აწუხებ მეფეს?

¹⁵უთხრა დავითმა აბნერს: ხომ კაცი ხარ შენ? ვინ არის ისრაელში შენი ტოლი.მაშ, რატომ არ დაიფარავ შენს ბატონს, მეფეს? ვიღაც მოსულა მეფის, შენიბატონის მოსაკლავად.

¹⁶ვერ არის კარგი საქმე, რასაც შენ აკეთებ. უფალს ვფიცავ, სიკვდილის ღირსნიხართ, რომ არ იფარავთ თქვენს ბატონს, უფლის ცხებულს. ახლა მიიხედ-მოიხედე,სად არის მეფის შუბი და მათარა, მის სასთუმალთან რომ იყო?

¹⁷იცნო საულმა დავითის ხმა და თქვა: ეს შენი ხმა არის, დავით, შვილო? მიუგოდავითმა: ჩემი ხმაა, მეფევ ბატონო!

¹⁸კვლავ თქვა: რისთვის მდევნის ჩემი ბატონი თავის მორჩილს, რა გავაკეთეისეთი, რა ცოდვა მაწევს.

¹⁹ახლა, ისმინოს მეფე ბატონმა თავისი მორჩილის სიტყვები: თუ უფალმა წაგაქეზაჩემს წინააღმდეგ, სურნელოვანი იყოს ეს მსხვერპლი; თუ ადამიანებმა -წყეულიმც არიან ისინი უფლის წინაშე, რადგან მათ განმდევნეს მე დღეს, რომწილი არ მქონოდა უფლის სამკვიდროში და მითხრეს, წადი, უცხო ღმერთებსემსახურეო.

²⁰არ დაიღვრება ჩემი სისხლი მიწაზე უფლის წინაშე, რადგან ერთიბეწო რწყილისსაძებრად არის გამოსული ისრაელის მეფე, როგორც გნოლებს ედევნებიან ხოლმემთებში.

²¹თქვა საულმა: შევცოდე. დაბრუნდი, შვილო დავით, მეტს აღარ გიბოროტებ, რადგან არ გაიმეტე დღეს ჩემი სიცოცხლე. მე კი უგუნურად ვიქცეოდი და დიდად ვცდებოდი.

²²მიუგო დავითმა და უთხრა: აჰა, მეფის შუბი. გადმოვიდეს ვინმე მსახურთაგანიდა წაიღოს.

²³უფალმა მიუზღოს ყველას მისი სიმამაცისა და ერთგულების წილ. დღეს მომცა შენითავი ხელში უფალმა, მაგრამ არ ვინდომე, უფლის ცხებულზე აღმემართა ხელი.

²⁴აჰა, როგორც არ მემეტებოდა დღეს შენი სიცოცხლე, ასევე არ გაიმეტოს უფალმაჩემი სიცოცხლე და მიხსნას ყოველგვარი გასაჭირისაგან.

²⁵უთხრა საულმა დავითს: კურთხეული იყავი, შვილო დავით! კიდევაც აღასრულებაღსასრულებელს, კიდევაც შესძლებ შესაძლებელს. წავიდა დავითი თავის გზაზე დასაულიც გაბრუნდა თავის ადგილას.