Read ახალი ქართულით, Modern Georgian Bible, 1982 პირველი მეფეთა 27 Bible Online

პირველი მეფეთა 27 - ახალი ქართულით, Modern Georgian Bible, 1982 bible

პირველი მეფეთა 27

¹თქვა დავითმა თავის გულში: ერთ დღეს მაინც დავიღუპები საულის ხელით; ამიტომაც მიჯობს, თავი შევაფარო ფილისტიმელთა ქვეყანას, მომეშვება საული და აღარ დამიწყებს ძებნას ისრაელში, და მეც გადავურჩები მას.

²ადგა დავითი და ექვსასი კაცითურთ გადავიდა აქიშთან,მაყოქის ძესთან, გეთის მეფესთან.

³ცხოვრობდა დავითი აქიშთან გეთში, თვითონ და მისი კაცებითავ-თავისი ოჯახებითურთ, დავითი და მისი ორი ცოლი - ახინოყაბი და ქარმელელიაბიგაილი, ნაბალის ქვრივი.

⁴შეატყობინეს საულს, გეთში გაიქცაო დავითი, და მეტი აღარუძებნია იგი.

⁵უთხრა დავითმა აქიშს: თუ მადლი ვპოვე შენს თვალში, მომცენადგილი რომელიმე მცირე ქალაქში და ვიცხოვრებ იქ. რატომ უნდა ცხოვრობდესშენი მორჩილი შენს გვერდით სამეფო ქალაქში?

⁶მისცა აქიშმა იმ დღესვე ციკლაგი; ამიტომაც ეკუთვნისციკლაგი დღემდე იუდას მეფეებს.

⁷ერთი წელი და ოთხი თვე დაჰყო დავითმა ფილისტიმელთამხარეში.

⁸ამხედრდებოდნენ დავითი და მისი კაცები და არბევდნენგეშურელებს, გერიზელებს და ყამალეკელებს. ესენი სახლობდნენ ძველთაგანვე ამქვეყანაში, შურამდე და ეგვიპტემდეც კი.

⁹დაამარცხებდა დავითი მთელს ამ ქვეყანას, ცოცხალს არ დატოვებდა არც კაცს დაარც ქალს, წამოასხამდა ცხვარ-ძროხას, ვირებს და აქლემებს, წამოიღებდასამოსელს და დაბრუნდებოდა აქიშთან.

¹⁰ეტყოდა აქიში: სად არბევდით დღეს? მიუგებდა დავითი აქიშს, იუდას სამხრით,იერახმეელთა სამხრით და კენიელთა სამხრით.

¹¹არც კაცს და არც ქალს ცოცხალს არ ტოვებდა დავითი და არ მოჰყავდა გეთს;ამბობდა, არ ილაპარაკონ ჩვენზე, ასე იქცეოდა დავითი, ეს ჰქონდა წესად, როცაფილისტიმელთა მხარეში ცხოვრობდაო.

¹²მიენდო აქიში დავითს; ფიქრობდა, თავი შეაძულა თავის ერს, ისრაელს, და ჩემი გახდებაო სამუდამოდ.