Read ახალი ქართულით, Modern Georgian Bible, 1982 პირველი მეფეთა 29 Bible Online

პირველი მეფეთა 29 - ახალი ქართულით, Modern Georgian Bible, 1982 bible

პირველი მეფეთა 29

¹ამასობაში ფილისტიმელებმა შეკრიბეს მთელი თავიანთი ლაშქარი აფეკში. ხოლო ისრაელი წყაროსთან იყო დაბანაკებული, იზრეყელში.

²ფილისტიმელთა წინამძღოლნი თავ-თავიანთი ასეულებითა დაათასეულებითურთ ვიდოდნენ. დავითი და მისი ხალხი უკან მოდიოდნენ აქიშთანერთად.

³თქვეს ფილისტიმელთა სარდლებმა: რა უნდათ ამ ებრაელებს?მიუგო აქიშმა ფილისტიმელ მთავრებს: ეს ხომ დავითია, საულ ისრაელის მეფისმორჩილი. რამდენიმე წელია ჩემთან არის და ცუდი არაფერი შემინიშნავს მისთვისდღიდან მისი გამოქცევისა დღემდე.

⁴გაუბრაზდნენ მას ფილისტიმელი მთავრები და უთხრესფილისტიმელმა მთავრებმა: უკანვე გაისტუმრე ეგ კაცი, დაბრუნდეს თავისადგილას, სადაც გაგიწესებია; ნუ წამოვა ჩვენთან ერთად საბრძოლველად, რათაომის დროს მტრად არ გვექცეს. რითი მოიგებს თავის ბატონის გულს, თუ არაჩვენი კაცების თავებით?

⁵ეს ხომ ის დავითია, რომელზეც მღეროდნენ მროკველები: მოსრასაულმა თავის ათასი, ხოლო დავითმა ათიათასიო?

⁶უხმო აქიშმა დავითს და უთხრა: ცხოველ არს უფალი! რიგიანიკაცი ხარ და მახარებს შენი მისვლა-მოსვლა, ჩემს ბანაკში. რადგან ცუდიარაფერა შემინიშნავს შენთვის დღიდან შენი მოსვლისა ჩემთან. მაგრამწინამძღოლებს არ მოუდიხარ თვალში.

⁷ახლა მშვიდობით გაბრუნდი უკან და ისეთი არაფერი გააკეთო,რაც თვალში არ მოსდით ფილისტიმელ წინამძღოლებს.

⁸უთხრა დავითმა აქიშს: რა გავაკეთე ან რა შენიშნე ისეთიშენს მორჩილს დღიდან შენთან მოსვლისა, რომ ამეკრძალოს ჩემი ბატონი მეფისმტრების წინააღმდეგ ბრძოლა?

⁹მიუგო აქიშმა და უთხრა დავითს: ვიცი, რომ ანგელოზივით ხარ ჩემს თვალში,მაგრამ ფილისტიმელი მთავრები ამბობენ, არ წამოგვყვესო საბრძოლველად.

¹⁰ადექით დილაადრიანად შენ და შენი ბატონის მორჩილნი, შენ რომ მოგყვნენ,ადექი დილაადრიანად და როცა ინათებს, გაბრუნდით უკან.

¹¹ადგნენ დავითი და მისი კაცები, რათა წასულიყვნენ დილით და გაბრუნებულიყვნენფილისტიმელთა ქვეყანაში. ხოლო ფილისტიმელები იზრეყელისკენ ავიდნენ.