Read ახალი ქართულით, Modern Georgian Bible, 1982 პირველი მეფეთა 30 Bible Online

პირველი მეფეთა 30 - ახალი ქართულით, Modern Georgian Bible, 1982 bible

პირველი მეფეთა 30

¹ვიდრე მესამე დღეს დავითი და მისი კაცები ციკლაგში მივიდოდნენ, ყამალეკელები სამხრეთიდან დაესხნენ ციკლაგს, გაანადგურეს ციკლაგი და გადაწვეს.

²ტყვედ წაასხეს ქალები, ვინც კი იყვნენ, დიდიდანპატარამდე; არვინ მოუკლავთ, მხოლოდ გაიტაცეს და თავისი გზით წავიდნენ:

³მივიდნენ დავითი და მისი კაცები ქალაქში და ხედავენ,გადამწვარია ქალაქი, დედა-წული ტყვედ არის წაყვანილი.

⁴გამართეს მოთქმა დავითმა და მისმა ხალხმა და ტიროდნენვიდრე ძალი შესწევდათ.

⁵ტყვედ იყვნენ წაყვანილნი დავითის ორი ცოლიც - იზრეყელელიახინოყაბი და ქარმელელი ნაბალის ქვრივი.

⁶დამწუხრდა დიდად დავითი, რადგან მისი ჩაქოლვა განიზრახახალხმა; გამწარებული იყო მთელი ხალხი თავიანთი ვაჟებისა და ასულების გამო,მაგრამ უფლის, თავისი ღვთის იმედით გაიმხნევა დავითმა თავი.

⁷უთხრა დავითმა აბიათარ მღვდელს, ახიმელექის ძეს: მომიტანეეფოდი! მიუტანა აბიათარმა ეფოდი დავითს.

⁸დაეკითხა დავითი უფალს: დავედევნო იმ ურდოს? მივეწევი?მიუგო: დაედევნე, რადგან უსათუოდ დაეწევი და წაართმევ ნადავლს.

⁹წავიდა დავითი ექვსასი კაცითურთ და მიადგნენ ბესორის ხევს. ერთი ნაწილიდარჩა.

¹⁰დაედევნა დავითი ოთხასი კაცითურთ; დარჩა ორასი კაცი, რომელთაც დაღლილობისგამო ვერ შეძლეს ბესორის ხევის გადალახვა.

¹¹ნახეს მინდორში ერთი ეგვიპტელი კაცი და მიიყვანეს დავითთან; მისცეს პური და შეჭამა, წყალიც დაალევინეს.

¹²მისცეს ტყლაპის ნაჭერი და ორი მტევანი ჩამიჩი. შეჭამა კაცმა და მოსულიერდა,რადგან სამი დღე და ღამე უჭმელ-უსმელი იყო.

¹³ჰკითხა დავითმა: ვისი ხარ და სადაური ხარ. მიუგო: ეგვიპტელი კაცი ვარ, ერთიყამალეკელის ყმა. მიმატოვა ჩემმა პატრონმა, რადგან ეს მესამე დღეა, რაცავად ვარ.

¹⁴თავს დავესხით ქერეთის სამხრეთს, იუდას, ქალების სამხრეთს და ციკლაგს დაგადავწვით.

¹⁵უთხრა დავითმა: თუ მიმიყვან იმ ურდომდე? მიუგო: ღმერთი დაიფიცე, რომ არმომკლავ და ჩემს პატრონს არ მიმცემ, და ჩაგიყვან იმ ურდომდე.

¹⁶ჩაიყვანა და, აჰა, გაფანტულან მთელს არემარეზე, ჭამენ, სვამენ და ზეიმობენფილისტიმელთა ქვეყნიდან და იუდადან წამოღებული დიდი ნადავლის გამო.

¹⁷მუსრავდა მათ დავითი დილის ბინდიდან მეორე დღის საღამომდე; არვინგადარჩენილა ოთხასი ჭაბუკის გარდა, რომელნიც მოახტნენ აქლემებს დაგაიქცნენ.

¹⁸უკან დაიბრუნა დავითმა ყველაფერი, რაც წაღებული ჰქონდა ყამალეკს; თავისიორი ცოლიც დაიბრუნა დავითმა.

¹⁹არაფერი დაჰკარგვიათ, არც მცირე, არც დიდი, არც ვაჟებიდან და არცასულებიდან. მთელი ნადავლიდან, რაც გატაცებული ჰქონდათ, ყველაფერი დაიბრუნადავითმა.

²⁰წამოასხა დავითმა მთელი ცხვარ-ძროხა; ერეკებოდნენ ამ საქონელს დაამბობდნენ: დავითის ნადავლიაო ეს.

²¹მივიდა დავითი ორას კაცთან, რომელთაც დაეზარათ გაჰყოლოდნენ დავითს და ბესორის ხევთან დარჩნენ. გამოვიდნენ ისინი დავითისა და მასთან მყოფი ხალხის მისაგებებლად. მივიდა დავითი ამ ხალხთან და მოიკითხა.

²²ასე ამბობდა ზოგიერთი ბოროტი და უგვანი კაცი, დავითთან ერთად რომ იყოწასული: რაკი არ წამოგვყვნენ, ნურაფერს გავუნაწილებთ მათ ნადავლიდან, ჩვენრომ დავიბრუნეთო უკან. მხოლოდ თავ-თავისი ცოლშვილი წაასხან და წავიდნენო.

²³თქვა დავითმა: ნუ იზამთ ამას, ძმებო, რადგან უფლის მოცემულია ეს ყველაფერი,მან დაგვიფარა, მან ჩაგვიგდო ხელში ეს ურდო, თავს რომ დაგვესხა.

²⁴ვინ მოგცემთ დასტურს ამ საქმეში? რადგან რა წილიც ნაბრძოლებ კაცს უდევს,იგივე წილი უნდა ხვდეს ბანაკში დარჩენილს, ყველას უნდა ხვდეს წილი.

²⁵ასე იყო ამ დღიდან და მერეც. ეს არის მისგან დადგენილი წესად და რჯულადდღესამომდე.

²⁶მივიდა დავითი ციკლაგში, ჩამოურიგა ნადავლიდან წილი იუდას უხუცესებს, თავისმეგობრებს და შეუთვალა: აჰა, თქვენი მოსაკითხავი უფლის მტრების ნადავლიდან,

²⁷იმათი ბეთილში რომ არიან, სამხრეთ რაბოთში რომ არიან, იათერში რომ არიან;

²⁸იმათი, ყაროყერში რომ არიან, შიმფოთში რომ არიან, ეშთემოყში რომ არიან,

²⁹რაქალში რომ არიან, იერახმეელთა ქალაქებში რომ არიან, კინელთა ქალაქებშირომ არიან,

³⁰ხორმაში რომ არიან, ქორიყაშანში რომ არიან, ყათაქში რომ არიან;

³¹ხებრონში რომ არიან, და ყველგან, სადაც დავითსა და მის კაცებს უვლიათ.