Read ახალი ქართულით, Modern Georgian Bible, 1982 პირველი მეფეთა 31 Bible Online

პირველი მეფეთა 31 - ახალი ქართულით, Modern Georgian Bible, 1982 bible

პირველი მეფეთა 31

¹გაუმართეს ბრძოლა ფილისტიმელებმა ისრაელს და გაექცნენ ისრაელიანები ფილისტიმელებს; გილბოაყის მთაზე ეცემოდნენ დახოცილნი.

²მიეწივნენ ფილისტიმელები საულს და მის ვაჟებს და დახოცესფილისტიმელებმა იონათანი, აბინადაბი და მალქიშუაყი - საულის შვილები.

³გაუძნელდა ბრძოლა საულს; ნიშანში ამოიღეს იგიმშვილდოსნებმა და მძიმედ დაჭრეს იგი მშვილდოსნებმა.

⁴უთხრა საულმა თავის საჭურველთმტვირთველს: იშიშვლე მახვილიდა გამიყარე, რომ იმ წინდაუცვეთელებმა არ მომკლან და არ შეურაცხმყონ. ვერგაბედა საჭურველთმტვირთველმა, რადგან ძალიან ეშინოდა. მაშინ აიღო საულმამახვილი და ზედ დაეგო.

⁵როცა დაინახა საჭურველთმტვირთველმა, რომ მოკვდა საული,ისიც ზედ დაეგო მახვილს და მოკვდა მასთან ერთად.

⁶ერთ დღეს, ერთად დაიხოცნენ საული და მისი სამი ვაჟიშვილი,მისი საჭურველთმტვირთველი და ყველა მისი თანამებრძოლი.

⁷როცა დაინახეს ტაშირს გაღმა და იორდანეს გაღმითმცხოვრებმა ისრაელიანებმა, რომ უკუიქცნენ ისრაელიანები და რომ დაიხოცნენსაული და მისი ვაჟიშვილები, დააგდეს ქალაქები და თავადაც გაიქცნენ.მივიდნენ ფილისტიმელები და ჩასახლდნენ იქ.

⁸მეორე დღეს მოვიდნენ ფილისტიმელები დახოცილთაგასაძარცვავად, და როცა ნახეს გილბოაყის მთაზე დაცემული საული და მისი სამივაჟიშვილი,

⁹თავები დააჭრეს და საჭურველი აჰყარეს. დაგზავნეს კაცები ფილისტიმელთაქვეყანაში, რათა ეხარებინათ ეს ამბავი საკერპოებისა და ხალხისათვის.

¹⁰დადვეს მისი საჭურველი აშთაროთის ტაძარში, ხოლო მისი გვამი ბეთ-შანისკედელზე მიაჭედეს.

¹¹როცა გაიგეს გალაადის იაბეშელებმა, როგორ მოექცნენ ფილისტიმელები საულს,

¹²ადგა ყველა, ვინც ვაჟკაცი იყო, მთელი ღამე იარეს, წამოიღეს საულისა და მისივაჟიშვილების გვამები, მოიტანეს იაბეშში და დაწვეს.

¹³აკრიფეს ძვლები და დამარხეს იაბეშში იალღუნის ქვეშ, მერე შვიდ დღესმარხულობდნენ.