Read ახალი ქართულით, Modern Georgian Bible, 1982 პირველი მეფეთა 4 Bible Online

პირველი მეფეთა 4 - ახალი ქართულით, Modern Georgian Bible, 1982 bible

პირველი მეფეთა 4

¹მოედო სამუელის ამბავი მთელს ისრაელს. გავიდა ისრაელი ფილისტიმელებთან საბრძოლველად და დაიბანაკა ებენ-ყეზერთან; ფილისტიმელები კი აფეკში დაბანაკდნენ.

²დაეწყვნენ ფილისტიმელები ისრაელის პირისპირ; შენივთდაბრძოლა და დამარცხდა ისრაელი ფილისტიმეღებთან; ოთხიათასამდე კაცი დააწვინესბრძოლის ველზე.

³ბანაკში რომ მოვიდა ხალხი, ისრაელის უხუცესებმა თქვეს:რისთვის დაგვამარცხა დღეს უფალმა ფილისტიმელებთან? წამოვიღოთ სილოამიდანუფლის აღთქმის კიდობანი, იაროს ჩვენს შორის და გვიხსნას მტრების ხელიდან.

⁴შეთვალა ხალხმა სილოამში და მოიტანეს ქერუბიმებზე მჯდარიცაბაოთ უფლის აღთქმის კიდობანი; ელის ორი ვაჟი - ხოფნი და ფინხასი ახლდაღვთის აღთქმის კიდობანს.

⁵როცა უფლის აღთქმის კიდობანი ბანაკში მოვიდა, მაღალი ხმითიგრიალა მთელმა ისრაელმა და შეიძრა მიწა.

⁶მოესმათ ფილისტიმელებს გრიალი და თქვეს: ეს რა გრიალიდგას ებრაელთა ბანაკში? შეიტყვეს, რომ უფლის კიდობანი მოსულიყო ბანაკში.

⁷შეეშინდათ ფილისტიმელებს, როცა ითქვა: ღმერთი მოვიდაობანაკში. თქვეს: ვაი ჩვენ, რადგან ასეთი რამე არც გუშინ, არც გუშინწინ არმომხდარა.

⁸ვაი ჩვენ, ვინ გვიხსნის ამ ძლიერი ღმერთებისგან! ეს ისინიარიან, ის ღმერთებია, ეგვიპტელები რომ გვემეს უდაბნოში ყოველგვარისაგვემელით.

⁹გამაგრდით და ვაჟკაცურად იყავით, ფილისტიმელებო, რომ არ დავემონოთ ებრაელებს, როგორც თქვენ გემონებიან. ვაჟკაცურად დადექით და შეებრძოლეთ.

¹⁰შეებრძოლენ ფილისტიმელები და დამარცხდა ისრაელი; გაიქცნენთავ-თავიანთ კარვებში; მეტისმეტად დიდი იყო მარცხი: სამი ათასი ქვეითიდაეცა ისრაელიდან.

¹¹წაიღეს ღვთის კიდობანი, დაიხოცა ელის ორივე ვაჟი - ხოფნი და ფინხასი.

¹²გამოიქცა ერთი ბენიამინელი კაცი ლაშქრიდან და იმავე დღეს მივიდა სილოამს. სამოსელი შემოჰგლეჯოდა და მიწის მტვერი ეყარა თავზე.

¹³მოვიდა და, აჰა, ზის ელი თავის საკარცხულზე გზის პირას დაელოდება, რადგან გული უკრთოდა ღვთის კიდობნის გამო. მოვიდა კაცი ამბისშესატყობინებლად ქალაქში და აკივლდა მთელი ქალაქი.

¹⁴მოესმა კივილის ხმა ელის და თქვა: ეს რა ხმაურია.საჩქაროდ მივიდა ის კაცი და ყველაფერი უამბო ელის.

¹⁵ოთხმოცდათვრამეტი წლისა იყო ელი, თვალისჩინი წართმეულიჰქონდა, ვერ ხედავდა.

¹⁶უთხრა კაცმა ელის: ლაშქრიდან მოვდივარ, დღეს გამოვიქეცი ლაშქრიდან. ჰკითხა ელიმ: რა ამბავი იყო, შვილო?

¹⁷მიუგო მაცნემ და უთხრა: უკუექცა ისრაელი ფილისტიმელებს.სასტიკად დამარცხდა ხალხი, შენი ორი ვაჟიც - ხოფნი და ფინხასი დაიხოცნენ დაღვთის კიდობანიც წაღებულია.

¹⁸როგორც ახსენა მან ღვთის კიდობანი, უკან გადაიქცა ელისაკარცხულიდან კარისკენ, ხერხემალი გადაუტყდა და მოკვდა, რადგან მოხუცებულიიყო და მძიმე. ორმოც წელიწადს მსაჯულობდა იგი ისრაელში.

¹⁹მისი რძალი, ფინხასის ცოლი, მოსალოგინებელი იყო, როცაგაიგო, ღვთის კიდობნის წაღების და თავისი მამამთილისა და ქმრის დახოცვისამბავი, მუხლებზე დავარდა და შვა, რადგან უწია შობის ჟამმა.

²⁰როცა კვდებოდა, ეუბნებოდნენ თავზე მდგომნი: ნუ გეშინია,რადგან ვაჟი გეყოლაო, მაგრამ ქალი არ პასუხობდა, უგრძნობი იყო მისი გული.

²¹დაარქვა ვაჟს სახელად იქაბოდი (უპატიობა), თქვა: განეშორა დიდება ისრაელს, ღვთის კიდობნის წაღების გამო, მისი მამამთილისა და ქმრის გამო.

²²თქვა: განეშორა დიდება ისრაელს, რადგან წაღებულია ღვთის კიდობანი.