Read ახალი ქართულით, Modern Georgian Bible, 1982 პირველი მეფეთა 8 Bible Online

პირველი მეფეთა 8 - ახალი ქართულით, Modern Georgian Bible, 1982 bible

პირველი მეფეთა 8

¹როცა მოხუცდა სამუელი, ისრაელის მსაჯულებად თავისი შვილები დაადგინა.

²მის პირმშოს სახელად ერქვა იოველი, ხოლო უმცროსს - აბია;ბეერ-შებაში მსაჯულობდნენ ისინი.

³არ გაჰყვნენ შვილები მამის გზას, ანგარებას მისდევდნენ,ქრთამს იღებდნენ და სამართალს ამრუდებდნენ.

⁴შეიკრიბა ისრაელის უხუცესობა და მივიდა სამუელთან რამათს.

⁵უთხრეს: შენ მოხუცდი, შენი შვილები კი არ მიჰყვებიან შენსგზას. დაგვიდგინე ახლა მეფე, რომ სხვა ხალხების წესისამებრ განგვსჯიდეს.

⁶არ მოეწონა ეს ამბავი სამუელს, როცა თქვეს, მეფე მოგვეციომსაჯულად. მაშინ შეევედრა სამუელი უფალს.

⁷უთხრა უფალმა სამუელს: შეისმინე ხალხის ყოველი სიტყვა,რასაც გეტყვის, რადგან შენ კი არ უარგყვეს, არამედ მე უარმყვეს თავიანთმეფედ.

⁸როგორც იქცეოდნენ იმ დღიდან, როცა ეგვიპტიდანგამოვიყვანე, დღემდე, როცა დამივიწყეს და უცხო ღმერთებს დაემონენ, ასევეგექცევიან შენც.

⁹ახლა შეისმინე მათი სიტყვა, ოღონდ გააფრთხილე და აუხსენი უფლებები მეფისა,რომელმაც მათზე უნდა იმეფოს.

¹⁰უთხრა სამუელმა უფლის სიტყვები ხალხს, მეფეს რომ მოითხოვდნენ მისგან.

¹¹უთხრა: აი, რა უფლებები ექნება მეფეს, რომელიც იმეფებს თქვენზე: წაიყვანსთქვენს შვილებს და თავის ეტლებთან და ცხენებთან დაიყენებს და ირბენენ მისიეტლის წინ.

¹²დანიშნავს მათ ათასისთავებად და ორმოცდაათისთავებად, თავის ყანის მხვნელებად და თავისი სამკალის მოსამკელად, თავისი საბრძოლო საჭურველისა და ეტლების მკეთებლებად.

¹³აიყვანს თქვენს ასულებს მენელსაცხებლებად, მზარეულებად და პურისმცხობლებად.

¹⁴წაგართმევთ საუკეთესო ყანებს, ვენახებსა და ზეთისხილის ბაღებს და თავისმორჩილებს დაურიგებს.

¹⁵მეათედს აიღებს თქვენი ნათესებიდან და ვენახებიდან და თავის კარისკაცებსადა მორჩილებს უწყალობებს.

¹⁶წაგართმევთ საუკეთესო ყმებს, მხევლებს, მსახურ ბიჭებს, სახედრებს და თავისსაქმეზე ამსახურებს.

¹⁷წაიღებს მეათედს თქვენი ფარიდან და თქვენც მისი ყმები გახდებით.

¹⁸მაშინ მოჰყვებით წუწუნს თქვენს არჩეულ მეფეზე, მაგრამ არ მოგისმენთ უფალი.

¹⁹არ დაუჯერა ხალხმა სამუელს. თქვეს: არა და არა, მეფე უნდა გვესვას,

²⁰ჩვენც ისეთები უნდა ვიყოთ, როგორც სხვა ხალხები არიან. ჩვენი მეფეგანგვსჯის ჩვენ, წინ წაგვიძღვება და ჩვენი გულისთვის იბრძოლებს.

²¹მოისმინა სამუელმა ხალხის ნათქვამი და შეატყობინა უფალს.

²²უთხრა უფალმა სამუელს: შეიწყნარე მათი სიტყვა და დაუდგინე მეფე. უთხრასამუელმა ისრაელის კაცებს: წადით თქვენ-თქვენს ქალაქებში.