Read ახალი ქართულით, Modern Georgian Bible, 1982 პირველი მეფეთა 9 Bible Online

პირველი მეფეთა 9 - ახალი ქართულით, Modern Georgian Bible, 1982 bible

პირველი მეფეთა 9

¹იყო ერთი კაცი ბენიამინის შტოდან, სახელად კიმი, ძე აბიელისა, ცერომის ძისა, შექორათის ძისა, აფიახის ძისა, ბენიამინელი, მაგარი ვაჟკაცი.

²ჰყავდა ვაჟი, გამორჩეული და მშვენიერი, სახელად საული.ისრაელიანთა შორის მასზე უკეთესი არავინ იყო; ერთი თავით მაღალი იყო მთელხალხზე.

³დაეკარგა ხრდალი ვირები კიშს, საულის მამას, და უთხრაკიშმა საულს, თავის შვილს: წაიყვანე ვინმე მსახური ბიჭი, წადი და მოძებნევირები.

⁴გადაიარა ეფრემის მთა, მოიარა შალიშას მხარე, მაგრამ ვერიპოვნეს. მოიარეს შაყალიმის მხარე, არც იქ იყო. მოიარა ბენიამინის მხარე დავერ იპოვეს.

⁵მივიდნენ ცუფის მხარეში და უთხრა საულმა მსახურ ბიჭს, თანრომ ახლდა: წამო, გავბრუნდეთ უკან; დაავიწყდებოდა მამაჩემს ვირები და ახლაჩვენი დარდი ექნება.

⁶მან მიუგო: აი, რას გეტყვი; ღვთისკაცი ცხოვრობს ამქალაქში; პატივდებული კაცი, რასაც იტყვის, ყველაფერი სრულდება. წავიდეთ იქ,ეგებ გვასწავლოს, რა გზას დავადგეთ.

⁷უთხრა საულმა თავის მსახურს: კარგი, წავიდეთ, მაგრამ რამივუტანოთ იმ კაცს? გუდაში პური აღარა გვაქვს, არც საჩუქარი გვაქვს რამე,ღვთის კაცს რომ მივუტანოთ. რა გვაქვს თან?

⁸კვლავ მიუგო მსახურმა საულს და უთხრა: აჰა, მეოთხედიშეკელი ვერცხლი მაქვს ხელში. მივცეთ ღვთისკაცს და გვასწავლის გზას.

⁹უწინ ისრაელში ასე ამბობდა კაცი, ღმერთთან საკითხავად რომ მიდიოდა: მოდი,წავიდეთ მისანთან (რადგან ახლა რომ წინასწარმეტყველია, უწინ მისანიეწოდებოდა).

¹⁰უთხრა საულმა თავის მსახურს: სწორს ამბობ, წამო, წავიდეთ. წავიდნენ ქალაქში, სადაც ღვთისკაცი ცხოვრობდა.

¹¹აიარეს ქალაქის აღმართი და შემოხვდათ წყალზე მიმავალი გოგონები და ჰკითხეს:არის აქ სადმე მისანი?

¹²მიუგეს: აქვეა, ახლოში. ოღონდ იჩქარეთ, დღეს ამოვიდა ქალაქში, რადგან მსხვერპლშეწირვა აქვს ხალხს ბორცვზე.

¹³როგორც კი ქალაქში შეხვალთ, მაშინვე მოძებნეთ იგი, ვიდრე ბორცვზე არ ასულაპურის საჭმელად, რადგან ხალხი მის მისვლამდე არაფერს შეჭამს. მან უნდააკურთხოს საკლავი, მხოლოდ ამის მერე დაიწყებენ ჭამას მიწვეულები. აბა,წადით, რადგან სწორედ ამ დროს შეგეძლებათ მისი ნახვა.

¹⁴ავიდნენ ქალაქში. როცა შუა ქალაქში შევიდნენ, ხედავენ, ეგებება მათგორაკისკენ მიმავალი სამუელი.

¹⁵საულის მოსვლამდე ერთი დღით ადრე გამოეცხადებინა უფალს სამუელისთვის.

¹⁶ხვალ ამდროს კაცს გამოგიგზავნი ბენიამინის მხარიდან და სცხებ მას ჩემიერის, ისრაელის, მეფედ; იგი იხსნის ჩემს ერს ფილისტიმელთაგან, რადგანმოვხედე მე ჩემს ერს, როცა მისმა ღაღადისმა ჩემამდე მოაღწია.

¹⁷დაინახა სამუელმა საული და უფალმაც დაუდასტურა: აჰა, ის კაცი, რომელზეცგელაპარაკე. იგი იმეფებს ჩემს ერზე.

¹⁸შეხვდა ჭიშკართან საული სამუელს და ჰკითხა: მასწავლე, სად არის აქ მისანისსახლი.

¹⁹მიუგო სამუელმა საულს და უთხრა: მე ვარ მისანი. წამომყევი გორაკზე; დღეს ჩემთან ერთად შეჭამთ პურს, ხოლო დილას კი გაგიშვებ. ყველაფერს გეტყვი, რაც გულში გაქვს.

²⁰ნუ გადარდებს ვირები, სამი დღის წინ რომ დაკარგე, რადგან ნაპოვნია ისინი.ვის ეკუთვნის ისრაელის მთელი საუნჯე, თუ არა შენ და მამაშენის მთელს სახლს?

²¹მიუგო საულმა და უთხრა: მე ხომ ბენიამინელი ვარ, ისრაელის უმცირესი ტომისკაცი; ჩემი საგვარეულოც ხომ მცირეა ბენიამინის ტომის საგვარეულოთა შორის?რისთვის მეუბნები ამას?

²²წაიყვანა სამუელმა საული და მისი მსახური, შეიყვანა დარბაზში და ოცდაათიწვეული კაცის თავში დასხა.

²³უთხრა სამუელმა მზარეულს: მომეცი ნაჭერი, რომელიც მოგაბარე და გითხარი,დაიტოვე-მეთქი.

²⁴გამოიტანა მზარეულმა მთელი ბეჭი და წინ დაუდო საულს. უთხრა სამუელმა: ესარის, რაც მორჩა. წინ დაიდე და ჭამე, რადგან იმ დროისთვის გადაგინახე, როცახალხის მოწვევა განვიზრახე. პურობდა საული იმ დღეს სამუელთან ერთად.

²⁵ჩამოვიდნენ ბორცვიდან ქალაქში და სახლის ბანზე ელაპარაკა საულს.

²⁶ადგნენ დილაადრიანად. განთიადისას დაუძახა სამუელმა საულს ბანზე და უთხრა:ადექი, უნდა გაგისტუმრო. ადგა საული და გავიდნენ ორთავენი, ის და სამუელი,გარეთ.

²⁷როცა ქალაქის ბოლოზე ჩავიდნენ, სამუელმა უთხრა საულს: უბრძანე, ჩვენს წინიაროს მსახურმა (ისიც წავიდა წინ); შენ კი მცირეხანს დადექი, რომ ღვთისსიტყვა გამოგიცხადო.