Read Modern Hebrew Bible, compilation from Westmister (OT) and Salkinson-Ginsburg (NT) אגרת העברים 4 Bible Online

אגרת העברים 4 - Modern Hebrew Bible, compilation from Westmister (OT) and Salkinson-Ginsburg (NT) bible

אגרת העברים 4

¹עַל־כֵּן בְּהִוָּתֵר לָנוּ הַהַבְטָחָה לָבֹא אֶל־מְנוּחָתוֹ נִדְאַג לְנַפְשֵׁנוּ פֶּן־יֵחָשֵׁב אִישׁ מִכֶּם כִּמְאַחֵר לָבֹא שָׁמָּה׃

²כִּי בְשׂרָה טוֹבָה בָּאָה גַּם־אֵלֵינוּ גַּם־אֲלֵיהֶם אַךְ הַדָּבָר אֲשֶׁר שָׁמְעוּ הֵם לֹא־הוֹעִיל לָהֶם כִּי לֹא הִתְעָרַב בֶּאֱמוּנַת לִבָּם׃

³כִּי אֲנַחְנוּ הַמַּאֲמִינִים בָּאִים אֶל־מְנוּחָתוֹ כַּאֲשֶׁר אָמָר אֲשֶׁר־נִשְׁבַּעְתִּי בְאַפִּי אִם־יְבֹאוּן אֶל־מְנוּחָתִי וּמְנוּחָה זוּ הִיא מִן־הַמְּלָאכָה אֲשֶׁר נֶעֶשְׂתָה בְּהִוָּסֵד אֶרֶץ וְשָׁמָיִם׃

⁴כִּי עַל־יוֹם הַשְּׁבִיעִי אֹמֵר בְּמָקוֹם אַחֵר וַיִּשְׁבֹּת אֱלֹהִים בַּיּוֹם הַשְּׁבִיעִי מִכָּל־מְלַאכְתּוֹ׃

⁵וּבַמָּקוֹם הַזֶּה יֹאמַר עוֹד אִם־יְבֹאוּן אֶל־מְנוּחָתִי׃

⁶הַיֹּצֵא לָנוּ מִכָּל־זֶה כִּי יֵשׁ בָּאִים אֶל־הַמְּנוּחָה וְהַשֹּׁמְעִים אֶת־בְּשׂרָה טוֹבָה מֵרֹאשׁ לֹא־בָאוּ מִפְּנֵי חֹסֶר אֱמוּנָתָם׃

⁷וּלְקֵץ יָמִים רַבִּים הוֹסִיף וְיָעַד יוֹם אַחֵר בְּאָמְרוֹ עַל־פִּי דָוִד הַיּוֹם כְּמוֹ שֶׁנֶּאֱמַר הַיּוֹם אִם־בְּקֹלוֹ תִשְׁמָעוּ אַל־תַּקְשׁוּ לְבַבְכֶם׃

⁸כִּי אִלּוּ הֵבִיאָם יְהוֹשֻׁעַ אֶל־הַמְּנוּחָה הַנְּכוֹנָה לֹא הָיָה מְדַבֵּר אַחֲרֵי־כֵן עַל־יוֹם אַחֵר׃

⁹וְלָכֵן עוֹד נִשְׁאַר יוֹם שַׁבָּתוֹן לְעַם אֱלֹהִים׃

¹⁰כִּי הַבָּא אֶל־מְנוּחָתוֹ יִשְׁבֹּת מִמְּלַאכְתּוֹ כַּאֲשֶׁר גַּם־שָׁבַת אֱלֹהִים מִמְּלַאכְתּוֹ שֶׁלּוֹ׃

¹¹לָכֵן נִתְאַמְּצָה לָבֹא אֶל־הַמְּנוּחָה הַהִיא פֶּן־יִכָּשֶׁל אִישׁ בְּלֶכְתּוֹ בְּעִקְּבוֹת הַמַמְרִים׃

¹²כִּי־חַי דְּבַר אֱלֹהִים חָזָק וְחַד מִכָּל־חֶרֶב פִּיפִיּוֹת חֹצֵב וּבֹקֵעַ נֶפֶשׁ וָרוּחַ גַּם־מֹחַ וַעֲצָמוֹת וּבֹחֵן מַחְשְׁבוֹת לֵב וְיִצְרוֹ׃

¹³וְאֵין יְצוּר נֶעְלָם מִלְּפָנָיו אַךְ הַכֹּל חָשׂוּף וְגָלוּי לְעֵינֵי הַהוּא אֲשֶׁר עָלֵינוּ לָתֵת דִּין לְפָנָיו׃

¹⁴וְעַתָּה בִּהְיוֹת־לָנוּ כֹהֵן גָּדוֹל נַעֲלֶה עַד־מְאֹד אֲשֶׁר צָלַח אֶת־הַשָּׁמַיִם יֵשׁוּעַ בֶּן־אֱלֹהִים נִשְׁמְרָה אֶת־הַשְּׁבוּעָה אֲשֶׁר נִשְׁבַּעְנוּ לוֹ׃

¹⁵כִּי אֵין לָנוּ כֹהֵן גָּדוֹל אֲשֶׁר לֹא־יוּכַל לָחוּשׁ לְשִׁבְרֵנוּ אַחֲרֵי אֲשֶׁר גַּם־הוּא נִבְחַן בְּמַסּוֹת כָּמֹנוּ וְחֵטְא לֹא נִמְצָא־בוֹ׃

¹⁶עַל־כֵּן נִגְּשָׁה בְּפֶה מָלֵא אֶל־כִּסֵּא הָרַחֲמִים לָקַחַת חֶסֶד וְלִמְצֹא חֲנִינָה לַעֲזָר־לָנוּ לְעִתּוֹת בַּצָּרָה׃