Read Mofa New Testament Matthew 11 Bible Online

Matthew 11 - Mofa New Testament bible

Matthew 11

¹Aman Yèsu a n'ndeva ma nenga'a haha a sam golahi na ma, a ndo na, a nsenda ta ma, a njè ta ma Zhiklè te kokwarhi tenga'a.

²Aman Jean te gi dangai a ntsena ma a géƌ mizlinè Kristi, a nzlinde ta golahi nenga'a, man ta gaƌa na:

³Ka nenga'a man ta gaƌa a da shkè ƌè, ƌè nga zhèr ndo ngiƋè di äè?

⁴Yèsu a m'mbeƋa ta a ma: Vodo a kin menda na Jean skwi man kin tsena'a a kin rka'a:

⁵mandazlihi ta rka dai, ndohi vedal ta dè a sak ta, ndohi hutsoƋ ta suƋ ta, ndaɓazlamhai ta tsena zlembaƋ, ndohi m'metsa'a ta slambaƋ ta. Ma mbela'a, ta njè a sam ndohi ntawassa'a.

⁶Mwuffè a sam ndo man sak nenga'a a slèfèƋè azɓai a géƋ ga!

⁷Aman to do ta ma, Yèsu a nhüno a ngaƋa ta ndohi rèdèdèa ma a géƋ Jean: Kin do a hèshèkèƋ, a kin da war mè? Pandar man kozlar a gidè Ƌè?

⁸Kos kin do a kin da war mè? Ndo man maslaka mbela'a a va Ƌè? Na haha, ndohi man ta fèda maslaka mbela'a a va, ta te gi bihai.

⁹Kin do, a kin da war mè? Ndo nhadka ma Ƌè? I gaƋa kinè: nenga'a a fena ndo nhadka ma.

¹⁰Nenga'a ndo man ta windeda Ƌèlèwèr Zhiklè: Na haha, i zlindè gol ga a ma ngaya, a ntil civèƌ a ma ngaya.

¹¹I gaƋa kinè a vava: te va ndohi man ngwozi ta yau, ndo nfena Jean Baptiste azɓai. Aman ndo man ta sla na ndo nkèshèa te kokwar-Bi-Zhiklè, mba nenga'a a Jean.

¹²A hüno te Jean Baptiste, ha patsna, ta woy kokwar-Bi-Zhiklè a wuƋai, a ndohi wuƋai ta woya n'ngèzlè'a.

¹³Ko ndohi nhadka ma, ko ma kita, ta hodko ma, ha nshkè Jean.

¹⁴Aman kin woy a kin cè'a, nenga'a Elie man ta gaƌa a di a shkè.

¹⁵Ndo man zlembaƌ na a zhè, da tsena'a!

¹⁶I lèmdè ndohi a géƋ herkeda haha a mè? Ta lèmèlèmè ara wudahai man ta nza a luma, a ta baba ta mandalahi tenga'a, a ta gaƋa:

¹⁷Nga voƋ shingelèk, a kin gatsa ɓai. Nga tsu nguzlah, a kin ga wobu ɓai.

¹⁸Jean a mshkè, a n'nda skwa ɓai, a nsa skwa ɓai, a ta gaƋa: madzagi a ga na.

¹⁹Kra-ndo a mshkè, a ndi skwai, a si skwai, a kin gaƋa: Na haha, ndo n'ndi skwi hamhama'a, ndo zom, mandal ndohi ncèkèlè skwai, a ndohi malihai! Maya a ngrédè auda te skwi man maya a gia'a.

²⁰Te deɓa'a a nhüno man a gi ndzoan a géƋ kokwarhi mbibihia'a, man a gu nrkedi holhola'a te pa, aman ndohi ta ngwoda ndav ɓai.

²¹Woba ka, kokwar Chorazin! Woba ka, kokwar Bethsaida! Aman agassa ta gu nrkedihi te kokwar Tyr a Sidon, ara man ta gu a sam ngaya, ar ndohi te pa, ta ngwoda ndav ta te mèrwec n'nzi a zhè ma.

²²Aman i gaƋa kinè: Kokwar Tyr a Sidon, dara tenga'a a kinè a pats kita.

²³Ka Capemaum, ka da grè ta zhiklè Ƌè? A'ai! Ta da kalde ka a vogwa kita. Aman agassa ta gu nrkedihi te kokwar SoƋome, ara man ta gu a sam ngaya, ar kokwar SoƋome a nzi dai, ha nshkè na ma mpatsna.

²⁴Aman i gaƌa kinè: Kokwar SoƋome dara nenga'a a kinè a pats kita.

²⁵A pats nasa Yèsu a nhüno a ngaƋa: I shida ka gèƋ, Bab ga, Bi zhiklè a Bi herkeda, aman ka nghede skwi haha a sam ndohi maya, a ndohi man ta sun skwi te gèƋ; ka ngredkoƋauda a sam ndohi man ta gre di ɓai.

²⁶Halau, Bab ga, aman arsa ambaba ka.

²⁷Skwi tèlèba Bab ga a mvay a rai. Ndo ngiƋè a sun kra ɓai, sèi Bab kra a suna a vava. Ndo ngiƋè a sun bab kra ɓai, sèi kra a suna a vava, a ndohi man kra a ngreda ta.

²⁸Vowashkè a sam ga, kin tèlèba man ntulè a keƋ kinè, man skwi mwuƋitpa a ga kinè, a i da va kinè nshèk va.

²⁹Vakelawda wof nte da'ai ga a da'ai kinè, vaslebau a sam ga! Aman iyè, i ndo man ndav lüɓekwa'a, a i manda gèƋ ga a hi a sam tèlèba; a ndav kinè a ngècè nshèk va.

³⁰Aman wof nte da'ai ga, wuƋi a te pa ɓai; a skwi ga man kin zhüɓa'a, a nzala kinè azɓai.