Read Mofa New Testament Matthew 12 Bible Online

Matthew 12 - Mofa New Testament bible

Matthew 12

¹A pats nasa Yèsu a mbeza a ndev gi dau, a pats nshèk va. Ami a nkeƋ ta golahi nenga'a. A ta hüno a ta pèsl dau, a ta ndia'a.

²Aman ndohi pharisie ta rka'a, ta gaƋa na Yèsu: Na haha, golahi ngaya ta gi skwi ambaɓia'a a pats nshèk va.

³Yèsu a ngaƋa ta: Kin jènga ɓi Ƌè, skwi man David a gau, man mi a nkeda'a, a tengahia ba man ta zhè a sam na?

⁴A n'ndo a gi Zhiklè, a n'ndau movar nkezla'a, movar man sèi ndohi mvi skwi a Zhiklè ta ndia genè, David a ndohi nenga ka ɓai.

⁵Kin jènga te ma kita Zhiklè ɓi Ƌè, aman ndohi mvi skwi a Zhiklè ta gi skwi ta a pats nshèk va, mali a sam Zhiklè ka ɓai.

⁶Aman i gaƋa kinè: Na haha skwi a zhè man a fena gi Zhiklè.

⁷Aman agassa kin sun verzi ma haha: Nsi ndo te va a fena mvi skwi a Zhiklè, ar kin fa ta mali a gèƋ a ndohi man mali ta azɓi ɓai.

⁸Aman Kra-ndo, bai, a géƋ pats nshèk va ba.

⁹Aman Yèsu a n'ndo a ma, a n'ndo a gi-njèngè-ma-Zhiklè tenga'a.

¹⁰Na haha, ndo staƋ a zhè te pa, ri nenga'a ngwora. A ta dzhoƋo Yèsu, a ta gaƋa na: Amba aman ta mbel ndo a pats nshèk va Ƌè? Ta hèsh maya, a ta gi ma a géƋ Yèsu.

¹¹A Yèsu a ngaƌa ta: Te ndev kinè, man tambak nenga'a staƋgenè, a pats nshèk va a nkal na a vèvèƋ, nckoƋauda azɓi wa?

¹²Aman ndo a fena tambak azɓi Ƌè? Ani haha amba aman a pats nshèk va ta gi skwi mbela'a.

¹³Te deɓa'a a ngaƋa na ndo matsa: Pelaha ri ngaya! A mpelaha rai, a ntila, a n'nge na ara ri ngiƋè.

¹⁴A ndohi pharisie to do auda, a ta vhè ma a géƋè'a, a ta woya aman ta kéƋè'a.

¹⁵Aman Yèsu a sun skwi haha, a njèkeda sama'a. A ndohi rèdèdèa ta dzodzora, a nenga'a a m'mbel ta tèlèba te matakwan.

¹⁶A Yèsu a mfa ta ma a gèƋ, da ngreda ɓai,

¹⁷aman a gi ara ma Esaie, ndo nhadka ma, man a gaƋa:

¹⁸Na haha, ɓèl ga man i ngotskoƋauda. Ndo man i woya a ndav ga; ndav ga a wuffè kumba a géƋ nenga'a.

¹⁹I da vi Mèzhèɓ ga a gèƋ na, a nenga'a a da njè ta kita ga a ndohi herkeda. Nenga'a. A da virsl ma a ndo azɓai, a bèhè a wuƋi azɓai, a ndo a cinè da'ai nenga'a a dal kokwar azɓai.

²⁰A pèslè pandar ngurɓa'a azɓai, a mbècè vogwa ndüzhèa azɓai, ha skwi nzura'a a gi a ngula'a.

²¹A ndohi herkeda ta da zhèr skwi tèlè a nzlembaƌ nenga'a.

²²Te deɓa'a ta cko ndo madzagai a sam na, ndo'a mandazlai ndaɓazlam. A Yèsu aj m'mbela'a, a gèƋè, a rka dai.

²³A ndohi rèdèdèa tèlèba ta rzl ta, a ta gaƋa: nenga'a kra David ka ɓi Ƌè?

²⁴Ndohi pharisie, aman ta tsena'a, ta gaƋa: nenga'a a jèr madzagihi auda a Béelzèbul, bimadzagai.

²⁵Aman Yèsu a sun skwi man tahur te ndav ta, a ngaƋa ta: Kokwar-Bi man nkezla te va, a géƌèsh na. Te kokwar-Bi staƋ staƋ tèlèba, te gi staƋ staƋ tèlèba, man gèƋ ndohi nkezla, ta nzi azɓai.

²⁶Aman SaƋan a jèr SaƋan auda, a ngi gèƋ a va na. A kokwar-Bi nenga'a a slaha man a nzi ƌè?

²⁷Aman i jèr madzagihi auda a Béelzébul, ndohi kinè ta dzar ta a mè? Gar haha tenga'a ta gi a ndohi kita kinè.

²⁸Aman i jèr madzagihi auda a Mèzhèɓ Zhiklè, nasa kokwar-Bi-Zhiklè nshkè a sam kinè ma.

²⁹Ndo a slaha a ndè a gi ndo wuƋai, aman a gi metsar te pa, sèi a ndzawa ndo wuƋi nshèlèkura'a ka ɓi Ƌè? Sèi a dzawa ndo wuƋi nshèlèkura'a dai, te deɓa'a a dè a gi metsar te gi nenga'a.

³⁰Ndo man nga a vna ka ɓai, nenga'a mayam ga. Ndo man nga ɓicè skwi a vna ka ɓai, a ksarda skwi aussa.

³¹Gar haha i gaƋa kinè: Mali tèlèba, ma ndérƋè ndo tèlèba, Zhiklè a da pra ta ndohai. Aman ndo man a dérƋè Mèzhèɓ Zhiklè nkezla'a, mali nenga'a a prè azɓai.

³²Ko wawa man a gi ma a géƋ Kra-ndo, mali na a prè; aman ko wawa man a gi ma a géƋ Mèzhèɓ Zhiklè nkezla'a, mali nenga'a a prè azɓai, ko t'herkeda antanta, ko pats ngiƋè.

³³Kin gaƌa: Wof man amba a da yi wuda man amba. Aman wof ambaɓia'a a da yi wuda ambaɓia'a. Aman te nyi wof ta shin wofa'a.

³⁴Wud tsebarhai! Kinè ambaɓai, kin slaha kin gèƌè ma man amba dè? Aman te skwi n'ndha te ndav, ma a gèƋè'a.

³⁵Ndo man amba a cko skwi man amba auda te ndav nenga'a man amba. Ndo man ambaɓai a cko skwi man amɓaɓai auda te ndav nenga'a man ambaɓai.

³⁶Aman i gaƋa kinè: a géƋ ma ambali staƋ staƋ tèlèba, man ndo a gèƋè'a, ta da jhèƋè ma'a a pats kita.

³⁷A géƋ ma nenga'a ta da gi kita, gar amba, gar ambaɓai.

³⁸Te deɓa'a ndohi pharisie a malamhai cèwkata, ta gaƋa na: Ndo njèngè ma, nga woy a nga rka skwi malwuƋi a sam ngaya.

³⁹Yèsu a m'mbeƋa ta a ma: Ndohi ambaɓihia'a, a ndohi mphoma'a ta jhèƋè skwi malwuƋai. Aman ta ngècè skwi malwuƋi ngiƋò azɓai, sèi skwi malwuƋi Jonas, ndo nhadka ma.

⁴⁰Aman lèmèlèmè ara Jonas a n'nza a hwaƋ klèf mbia'a pats makar, vaƋ makar, lèmèlèmè Kra-ndo a da nzi t'hwaƋ herkeda, pats makar, vaƋ makar.

⁴¹Ndohi te kokwar Ninive ta da slèmbèƋè a sam kita a nda ndohi haha, a ta da fa ta mali a gèƋ; aman tenga'a ta ngwoda ndav ta, a géƌ ma Zhiklè man Jonas a nje ta. Na haha, ndo a zhè man a fena Jonas.

⁴²A bai man ngwoza'a te tsagai a da slèmbèƋè a sam kita a nda ndohi haha, a nenga'a a da fa ta mali a gèƋ; aman nenga'a a mshkè te verzi herkeda, aman a cinè ma maya Salomon. Na haha, ndo a zhè man a fena Salomon.

⁴³Aman mèzhèɓ ambaɓia'a a ndo auda te ndo, a dè nshèwèlè a ɓala, a woya a nshèk va, aman a ngècè nshèk va azɓai.

⁴⁴Te deɓa'a a gaƋa: I woy a i dè a deɓa a gi ga. Man i slambaƋka te pa. Aman a shkè, a ngècè gai, skwa a te pa ɓai, mpatsa, ntila.

⁴⁵Te deɓa'a a dè, a hil mèzhèɓhi ambaɓihia'a tsaraƋ a nda nenga'a, ta ambaɓai, ta fena nenga'a, a ta dè a pa, a ta nzi a pa. Te deɓa'a ndo haha wuƋitpa holhola'a, a fena matsa. A gi lèmèlèmè a sam ndohi ambaɓihia'a t'herkeda haha.

⁴⁶Te va man a gèƌè a ndohi rèdèdè'a, na haha mam na a kramamhi na ta zlatsa t'uda, a ta woy a ta gaƋa na.

⁴⁷A ndo ngiƋè a ngaƋa na Yèsu: Na haha, nda mam ngaya a kramamhi ngaya ta zlatsa t'uda, a ta woy a ta gaƋa ka.

⁴⁸A Yèsu a m'mbeƋa na a ma a ndo ngaƋa na: Mam ga wa, kramamhi ga wa?

⁴⁹A ngeda ri a gèƋ golahi nenga'a tèlèba, a ngaƋa: Na haha, mam ga a kramamhi ga.

⁵⁰Aman ko wawa man a gi skwi man Bab ga te zhiklè a woya'a, nenga'a kramam ga, demam ga, mam ga.