Read Mofa New Testament Matthew 2 Bible Online

Matthew 2 - Mofa New Testament bible

Matthew 2

¹Aman Yèsu nya te kokwar Bethléhem ma, te Judée, te va man Hérode bai, na haha ndohi nƋèl bantai te man a civèƋ mvèng pats ta shkè Jérusalem,

²a ta gaƋa: Bi ndohi Juif man ta yau, na tema? Nga rka banti nenga'a te civèƋ mvèng pats, a nga shkè, aman nga slébèrdè'a.

³Aman Hérode a ntsena ma haha, a m'mbeƌa ma na ndav, a nda ndohi kokwar Jérusalem tèlèba.

⁴A mɓic ta ndohi mvi skwi a Zhiklè mbibihia'a, a malamhai, a njunjor te ma tenga'a: Ta yu Kristi tema?

⁵Ta gaƌa na: Te Bethléhem, te kokwar Judée, man ndo nhadka ma a mwindo te ƌèlèwèr Zhiklè:

⁶Ka kokwar Bethléhem, ka nhüƌök genè ka ɓai, aman te ka, bai a di a shkè auda. Nenga'a a da gi a ndo mɓer ndohi Israel ga.

⁷A Hérode a mbaba ta ndohi nƋèl bantai a metsar, a njunjor te ma tenga'a: Kin rka banti a ngèmè?

⁸A nzlinde ta a Bethléhem, a ngaƋa ta: Vodo, a kin jhèƋè ma a géƌ kra'a. Aman kin da ngotso, a i ba a i dè, a i dè slébèrdè'a.

⁹Aman ta tsena ma Hérode ma, to do. Na haha, bantai man ta rka te civèƋ mvèng pats, a nde ta, ha a n'nza a géƋ gai, man kra te pa.

¹⁰Aman ta rka bantai, ta wuffè a vata.

¹¹A to do a gai, a ta ngots kra'a, a Marie mam na, a ta gurɓahai a sam nenga'a, a ta slubordo, a ta va na skwi mèshèlè: guro, mbar ɓurdi a myrrhe.

¹²A nshunè a nkeƌ ta, a ngaƌa ta, aman ta dè a deɓa a sam bi Hérode azɓai. A to do ta a ngwai, a ta beza a civèƌ ngiƌè.

¹³Aman ndohi nƋèl bantai to do ta ma, gol Bi Zhiklè a ngudoko na va a dai a Joseph te nshunè, a ngaƋa na: SlambaƋa, co kra a mam na, a ka hu ngaya a kokwar Egypte, a ka da nza a pa, sèi a di i gaƋa ka; aman Hérode a woy kra, a nkéƋè'a.

¹⁴A Joseph a nslambaƋa, a nco kra a mam na, a vaƋ, a to do ta a kokwar Egypte.

¹⁵A ta nza a pa, ha Hérode a m'mets na ma; a gu ara ma Zhiklè man a goƋ te ma ndo nhadka ma: I baba na kra ga te kokwar Egypte.

¹⁶Aman bi Hérode a rka'a, ndohi nƋèl bantai ta mbeƋda hai, a ngu ndav a vata, a nzlinde ndohai, aman ta bazl ta wud ngurhai te kokwar Bethléhem, a sam man a kwèrè tèlèba. Wudahi man ta yu tok tok, ha a ngu mvi cèw, a Ƌöl te pats man a ntsena te ma ndohi nƋèl bantai.

¹⁷Gar haha a gu ara man Jérémie, ndo nhadka ma, a gaƋa:

¹⁸Ta tsena mbèhè te Rama, kuƋa a wobau mbia'a. Rachel a kuƋi wud na, ndo a slaha a mbidè ɓai, te man wudahi na ta asaɓai.

¹⁹Te deɓa'a, aman Hérode a m'mets na ma, gol Bi Zhiklè a ngudoko na va a dai a Joseph te nshunè, te kokwar Egypte,

²⁰a ngaƋa na: SlambaƋa, co kra a mam na, men ngaya a deɓa a kokwar Israel; aman tengahi man ta woy a ta keƋa kra, ta bazl ta ma.

²¹A Joseph a nslambaƋa, a nco kra a mam na, a ta shkè a kokwar Israel.

²²Aman a tsena'a, Archélaus bai te kokwar Judée, te di man a Hérode, bab na, Joseph a ngu zlau, a nda a pa ɓai. A Zhiklè a n'ngreda na te nshunè, aman a dè a kokwar Galilée.

²³A mdo, a n'nza a kokwar Nazareth, a gu ara man ndohi nhadka ma ta gaƋa: Ta da baba na ndo Nazareth.