Read Mofa New Testament Matthew 25 Bible Online

Matthew 25 - Mofa New Testament bible

Matthew 25

¹Te deɓa'a kokwar-Bi Zhiklè lèmèlèmè ara dalahi kula. Ta hul pitirla ta, aman ta dè zli gèƋ a ntsim ta.

²Aman ta zlam te va tenga'a, maya ta azɓai. Nzlama ngiƋè, maya ta a zhè.

³Dalahi man maya ta azɓai, ta hul pitirla ta, aman ta ca mbar a ri ɓai.

⁴Dalahi m'maya te gèƋ, ta ceda mbar ta a ri te gatsak, a nda pitirla ta.

⁵A ntsima a ngu ndudoh, a dalahi tèlèba ta zhingètè, a ta nzhun ta.

⁶A géƋ vaƋ ta tsena nhèzlèwè mbia'a: Na haha ntsima a shkè! Vowashkè a kin dè zli gèƋ a nda nenga'a!

⁷A dalahi tèlèba ta slambaƋa, a ta til pitirla ta.

⁸Dalahi man maya ta azɓai, tagaƋa ta dalahi m'maya te gèƋ: Vaɓedza nga mbar kinè kètè, pitirla nga ta mbèc ta.

⁹Aman dalahi m'maya te gèƋ ta mbeƋa ta a ma: A'ai! Mbar a gu dè'a man a nga, dè'a man a kinè ɓai. Aman vodo a luma, a kin sum mbar kinè!

¹⁰A to do, aman ta shum mbar, a ntsima a mshkè. A tengahi man ta tila ma, to do a sam ngolala a nda nenga'a. Te deɓa'a a mpizla ntamagai.

¹¹Dalahi man maya ta azɓai, ta shkè, a ta gaƋa: Bai, bai, winè nga!

¹²Aman nenga'a a m'mbeƋa ta a ma: A vava, i gaƋa kinè: I sen kinè ɓai!

¹³Ani haha vanza a dai, aman kin sun patsa'a a sama'a ɓai.

¹⁴Ndo ngiƋè a ndo a nshèwèlè. A mbaba ta golahi nenga'a, a mva ta skwi nenga'a, aman ta ɓere'a.

¹⁵A mpa na gozhèm zlam a ndo staƌ, a mpa na gozhèm cèw a ngiƋè, a gozhèm staƋ a ndo mamakara'a. A mva na ndo staƋ, staƋ, ara wuƋi na. Te deɓa'a a mdo na.

¹⁶A ndo man a ngots gozhèm zlam, a n'ndo, a ngu mizlinè a vna, a n'ngots gozhèm zlam a va'a.

¹⁷Lèmèlèmè nenga'a man a ngots gozhèm cèw, a n'ngots cèw a va'a.

¹⁸Aman ndo man a ngots staƋ, a n'ndo, a n'nghede suli bi na a vèvèƋ.

¹⁹Te deɓa'a bi tenga'a a mshkè ngwai, a mbaba ta ɓèlèlihi nenga'a, aman ta menda na suli nenga'a a deɓa.

²⁰A ndo man a ngots gozhèm zlam a mshkè, a mpa na gozhèm zlam a va'a, a ngaƌa: Bai, ka pay gozhèm zlam, na haha, i gu mizlinè a vna, a i ngots gozhèm zlam a va'a.

²¹Bi na a ngaƋa na: Ka gu amba, ɓèl ga nlèɓèslè'a, man amba. Ka lèɓèsla a géƌ skwi nkèshè'a. Anai i da ge ka a ndo mɓer skwi mbia'a. Do a sam mwuffè bi ngaya!

²²A nenga'a man a ngots gozhèm cèw a mshkè, a ngaƋa: Bai, ka pay gozhem cèw, na haha i ngots gozhèm cèw ngiƌè a vna.

²³Bi na a ngaƌa na: Ka gu amba, ka ɓèl ga nlèbèslè'a man amba. Ka lèɓèsla a géƌ skwi nkèshè'a. I da ga ka a ndo mɓer skwi mbia'a. Do a sam mwuffè bi ngaya!

²⁴Ndo man a ngots gozhèm staƋ, a mshkè a ngaƋa: Bai, i suna, ka ndo mwuƋitpa. Ka tsi dau a sam man ka zleka a pa ɓai. Ka ɓicè skwai a sam man ka ga a pa ɓai.

²⁵I gu zlau, a i do man i nghede suli ngaya a vèvèƋ. Skwi ngaya anai!

²⁶Bi na a m'mbeƋa na a ma: Ka ɓèl ambaɓia'a, ka ndo wudar, ka suna, i tsi dau a sam man i zleka a pa ɓaî, i ɓicè skwi a sam man i ga a pa ɓai.

²⁷Ka va ta suli ga a ri a ndohi nhumbèƋè suli ɓi èhèmè, a i shkè, a i ngècè skwi ga a mpataka te va'a!

²⁸Anai, voco gozhèm te ri nenga'a, a kin va na a va'a a ndo man a ngots gozhèm kula.

²⁹Ndo man a ngots skwai, ta va na a va'a, a skwi nenga'a, a ngeza na, a njèkèƋia'a zhè. Ndo man a ngatsa skwa ɓai, ta cèma na skwi man a ngotso.

³⁰Ɓèl ambalai, vagso, vakalda a ruva! Te pa ta kuƋai a ta peƋi zlè'èn.

³¹Aman Kra-ndo a shkè a n'njèl na, a nda golahi Zhiklè tèlèba, a da nzi a géƋ sam n'nzi bi n'njèl na.

³²A da ɓic ta ndohi herkeda tèlèba a sam nenga'a. A nenga'a a da ngel ta, lèmèlèmè ara ndo mɓer skwai a nkezla tambakai a ɓokwai.

³³Tambakai, aƋa pe ta a civèƋri mandai, ɓokwai a civèƋ ri gula.

³⁴A bai a da gaƋa ta tengahi nte civèƋ ri mandi na: Vowashkè, kinè ndohi man Bab ga a pshè kinè ma. Vandau kokwar-Bi nenga'a, man ntila a géƋ kinè te nhinkaƋ herkeda.

³⁵A pats man mi a keƋyè, kin vay skwi n'ndai. Iyam a dzayè, kin vay iyam nsai. I ndo mbrok, kin fiyè a gai.

³⁶Iyè aƋai, kin vay maslaka a va. I mbelakaɓai, kin ndzarahayè. I te dangai, kin ngelay dai.

³⁷A ndohi nzura'a ta da gaƋa na: Bai, nga rka ka, man mi a keƋe ka, a nga va ka skwi n'ndai, a ngèmè? Iyam a dza ka, a nga va ka iyam nsai a ngèmè?

³⁸Nga rka ka ara ndo mbrok, a nga fe ka a gi a ngèmè? Ka aƋai, a nga va ka maslaka a va a ngèmè?

⁴⁰Bai a ngaƋa ta: A vava i gaƋa kinè, aman kin gu arsa a sam mbelaw ndo staƋ te ndev kramamhi ga haha, kin gay a iyè.

⁴¹Te deɓa'a a da gaƋa ta tengahi ba man ta te civèƋ ri gula: Kinè ndohi mphomda'a, vodo vogwa, man ntila a gèƌ bimadzagai a golahi na, man a mbècè azɓai a mèdèp.

⁴²Aman mi a keƋyè, kin vay skwi n'ndi ɓai. Iyam a dzayè, kin vay iyam nsi ɓai.

⁴³I ndo mbrok, kin fiyè a gi ɓai. Iyè aƋai, kin vay maslaka a va ɓai. I mbelakaɓai, i te gi dangai, kin ndzarahayè ɓai.

⁴⁴Te deɓa'a tenga'a ba ta da gaƋa na: Bai, nga rka ka, man mi a keƋe ka, man iyam a dza ka, man ka ndo mbrok, man ka aƋai, man ka mbelakaɓai, man ka te gi dangai, a nga takaha ka ɓai, a ngèmè?

⁴⁵Te deɓa'a a da gaƋa ta: A vava i gaƋa kinè, aman kin ga arsa ɓai a sam mbelaw ndo staƋ haha, kin gay a iyè ɓi ba.

⁴⁶A tenga'a ta dè matakwan man a ndivè azɓai. Aman ndohi nzura'a ta dè a nshèffè mbia'a man a ndivè azɓai a mèdèp.