Read Mofa New Testament Matthew 3 Bible Online

Matthew 3 - Mofa New Testament bible

Matthew 3

¹A pats nasa, Jean Baptiste a mshkè, a n'nju ma Zhiklè t'hèshèkèƋ Judée,

²a ngaƋa: Vangwode ndav kinè, aman kokwar-Bi-Zhiklè a zhè ndul ndul.

³Nasa Jean, man Esaie, ndo nhadka ma, a goƋ a géƋè'a: NgèƋè ndo ngiƋè man a bèhè t'hèshèkèƋ: Vatila civèƋ Bi Zhiklè, vaga civèƋ nenga'a sara'a!

⁴Maslaka Jean, ta tsu a gwots zlugumai, a m'mana na gèƋ a hi a hutèƋ. A n'nda dzarai a vongwom.

⁵Kokwar Jérusalem, a kokwar Judée, a kokwarhi tèlèba a sam woyam Jourdain, to do a sam na.

⁶A Jean a n'nga ta baptême te woyam Jourdain, a ta ngreda mali ta auda.

⁷Aman a rka ndohi pharisie a ndohi sadducée ta shkè a sam baptême kumba, a ngaƋa ta: Kinè wud tsebarhai, n'ngreda kinè wa, aman kin slaha kin hi kinè a ndzoan Zhiklè man a di a shkè?

⁸Vangreda auda zura'a, ara man kin ngwode ndav kinè!

⁹Kin hur ɓai, a kin gaƋa, Abraham bab nga! Aman i gaƋa kinè: Zhiklè a slaha a nyoko na wuda a Abraham te kwahi haha.

¹⁰Antanta dzana te verzi wof, a wof staƌ staƌ tèlèba man a yi wuda zura'a azɓai, ta ngélè'a, a ta kalda a vogwa.

¹¹Iyè i ga kinè baptême te iyam, te man kin ngwoda ndav kinè. Aman ndo ngiƋè a di a shkè te deɓ ga, man a fena wuƌi ga, i gi huyokoko'a, i slaha a i gshè kotokoroh nenga'a a ri ɓai. Nenga'a a da ga kinè baptême te Mèzhèɓ Zhiklè nkezla'a, a vogwa.

¹²Kokwi te ri nenga'a. A nenga'a a da pèvè dau a hedak tèlèba. Dau nenga'a a da ɓicè a wov, aman topok dau a fa na vogwa man a mbècè asaɓai.

¹³Te deɓa'a Yèsu a mshkè te kokwar Galilée a ma woyam Jourdain, a sam Jean, aman Jean a ga na baptême.

¹⁴Aman Jean a m'mende va na a deɓa, a ngaƌa: Sèi ka gay baptême ar ka! Anai ka, ka shkè a sam ga Ƌè?

¹⁵Aman Yèsu a m'mbeƋa na a ma: Sèi ka gi ar haha; na haha ambaba nga, aman nga ndeva ngizura'a tèlèba. A Jean a nco.

¹⁶Aman Jean a n'nga na baptême a Yèsu ma, a Yèsu a mshkè auda te iyam, na haha giƋfèk a mwin na, a nrka Mèzhèɓ Zhiklè man a shkèhai a gèƋ na, ara nkuƋhom.

¹⁷Na haha ta tsena ngèƌè te zhiklè te géƌè'a, man a gaƌa: Nenga kra ga man i woya'a a ndav ga. Ndav ga a wuffè kumba a géƋ nenga'a.