Read Mofa New Testament Matthew 9 Bible Online

Matthew 9 - Mofa New Testament bible

Matthew 9

¹Yèsu nte wurom, a ndo a wud woyam ngiƌè, a mshkè a kokwar na.

²Na haha, ta zuɓkoƌi ndo vedal a sam na, m'mana t'hai a sam m'mènè na. Aman Yèsu a rka'a, ara man ta co a ndav ta, a ngaƋa na ndo vedal: Kra ga, mana ndav ngaya, malihi ngaya ta pra ma!

³Malamhai cèwkata ta hur te ndav ta: Nenga'a a derƋe Zhiklè!

⁴Aman Yèsu a sun skwi man ta huro, a ngaƌa ta: Kin hur skwi ambaɓi ar haha èhèmè?

⁵Mwuƌi a te pa ɓi nangwa: Ngèƌè, malihi ngaya ta pra ma ƌè, ƌè, slambaƌa a ko do ƌè?

⁶A géƌ man a kin shinè'a, wuƌi Kra-ndo a zhè, aman a prè malai a géƌ herkeda, a ngaƌa na ndo vedal: Slambaƌa, co sam m'mènè ngaya, a ko do ngwai!

⁷A nenga'a a nslambaƌa, a nde na ngwai.

⁸Aman ndohi rèdèdèa ta rka'a, ta gu zlau, a ta slubordo Zhiklè, man a va ta wuƌi mbia'a arsa a ri ndohai.

⁹Aman Yèsu a do a ma, a nrka ndo ngiƋè, a n'nza a ma gi duak, nzlembaƋ na Matthieu, a ngaƋa na: Dzadzarkayè! A nenga'a a nslambaƋa, a ndzodzora.

¹⁰Te deɓa'a, aman a nza te gai, a ta ndau skwi n'ndai, ndohi ncèkèllè skwai a ndohi malihai kumba ta nza a nda Yèsu a golahi nenga'a.

¹¹Aman ndohi pharisie ta rka'a, ta gaƌa ta golahi nenga'a: Ndo njèngè ma kinè a ndi skwi a ndohi ncèkèlè skwai a ndohi malihai èhèmè?

¹²Aman Yèsu a ntsena'a, a ngaƌa ta: Ndohi man skwa a dza ta azɓai, ta dè a sam ndo madzaf azɓai; sei ndohi matakwan.

¹³Vodo, vasun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i behè ndohi nzura'a ka ɓai; i shkè, a i behè ndohi malihai.

¹⁴Te deɓa'a golahi Jean ta shkè a sam na, a ta gaƋa: Nga a ndohi pharisie nga jè keda skwi n'ndai pats ngiƋè pats ngiƋè; aman golahi ngaya ta jèkeda skwi n'ndai azɓai èhèmè?

¹⁵Yèsu a ngaƋa ta: A pats man ntsima a zhè, mandalahi nenga'a ta slaha a ta kuƌi ƌè? Sèi pats ngiƌè, man ta ceda ntsim tenga'a a ma ma, te deɓa'a ta da jèkeda skwi n'ndai.

¹⁶Ndo a tsi maslaka m'mova'a a maslaka mɓua'a azɓai; man ɓai maslaka m'mova, a a zlaraha ma na, a kurats na, a fena nshèlèkura'a.

¹⁷Ndo a ɓéjè zom mɓeslɓia'a a duzlakhi man hwaƋa'a n'nda'a, azɓai; man ɓai duzlakhi ta tuw ta, a zom mɓeslɓia'a a mbaƋahai, cèw cèw ta gedas ta. Aman sèi ta ɓéjè zom mɓeslɓia'a a duzlak man hwaƋa'a a n'nde ɓai. Ar haha cèw ba ta nzi dai.

¹⁸Aman a ngaƋa ta ma haha, bi ngiƋè te gi-njèngè-ma-Zhiklè a mshkè a gai, a nkalahai a deɓ sak Yèsu, a ngaƋa na: Dem ga m'metsa, antanta. Aman washkè, a ka fa na ri ngaya a gèƋ, aman a da nzi a nshèffè.

¹⁹A Yèsu a nslambaƋa, a ta dzodzora a golahi nenga'a.

²⁰Na haha, ngwoz staƋ man hwaƋ a va mvi 12, a mshkè te deɓa, a nlama na ma maslakana,

²¹aman a hurte ndav na: Ko man i da lama na maslaka genè ba, i mbél ga.

²²A Yèsu a nturƌo va, a nwora. Aman a rka'a, a ngaƋa na: Dem ga, mana ndav ngaya, ncè-a-ndav ngaya a m'mbel ka ma. A nasa nasa ngwoza mbel na.

²³Aman Yèsu a ndo a gi bigi-njèngè-ma-Zhiklè, a nrka'a, ndohi ta tsi tolom, a ndohi rèdèdè'a ta rubai.

²⁴A nenga'a a ngaƋa ta: Vodo kinè, aman dem haha m'metsa ɓai, a nzhun genè.

²⁵A ta ngwossaha. Aman ta dzar ta ndohi rèdèdè'a auda ma, Yèsu a ndo a gai, a ngso ri dema'a, a dema'a a nslambaƌa.

²⁶A labar ma nenga'a a zlèzlèmè a kokwar tèlèba.

²⁷Aman Yèsu a ndo a ma, ndohi mandazli cèw ta dzodzora, a ta boho a wuƋai, a ta gaƋa: Nga da se ka te va, kra David!

²⁸Aman Yèsu te gi ma, ndohi mandazli ta shkè a sam na, a Yèsu a ngaƋa ta: Kin co a ndav a kin gaƋa, i slaha a i gi skwi haha Ƌè? Ta gaƋa na: Halau, Bai.

²⁹Te deɓa'a a nlama ta di ta, a ngaƋa ta: Ara man kin co a ndav kinè, da gu a sam kinè!

³⁰A di tenga'a a mwin na, a Yèsu a mfa ta ma a gèƋ, a ngaƋa ta: Vagu maya, ndo ngiƋè da sun ɓai!

³¹Aman tenga'a to do, a ta ngreda ma haha te kokwar tèlèba.

³²Aman to do ta ma, na haha, ta cko ndaɓazlam a sam Yèsu, man mèzhèɓ ambaɓia'a a ga na.

³³Aman Yèsu a ndzarda madzagi auda ma, ndaɓazlam a ngoƌ ngèƌè. A ndohi rèdèdè'a ta rzl ta, a ta gaƌa: Nga rka skwi ar haha te kokwar Israel di ɓai.

³⁴A ndohi pharisie ta gaƌa: Nenga'a a jèr madzagihi auda a bimadzagai.

³⁵Yèsu a nsawala te kokwar mbibihia'a, te kokwar nkèshnkèshèhia'a tèlèba, a nsenda ta te gi-njèngè-ma-Zhiklè, a njè ta ma mbela'a man a kokwar-Bi-Zhiklè, a m'mbel ta ndohi te matakwan a skwi ndzi tsaƋ tsaƋ tèlèba.

³⁶Aman a nrka nhèyè ndo, ta su te va, aman ntulè a ked ta, wuƋi ta azɓai, ta ksar ta ara tambakihai, man ta ngatsa ndo mɓer ta ɓai.

³⁷Te deɓa'a a ngaƋa ta golahi nenga'a: A vava skwi nsla'a a zhè a vata; aman ndohi mizlinè ta az a vata ɓai.

³⁸Vatsu ri a bi skwi nsla'a, aman a zlinde ta ndohi mizlinè, a ta ɓicè skwi na.