Read Mofa New Testament Mark 1 Bible Online

Mark 1 - Mofa New Testament bible

Mark 1

¹Nhin ma mbela'a te Yèsu Kristi, kra Zhiklè,

²ara man Esaie, ndo nhadka ma, a windo te ƌèlèwèr nenga'a: Na haha, i zlinƋè bigol ga a ma ngaya, man a da til civèƌ ngaya.

³Nenga'a ngèƋè ndo ngiƋè, man a bèhè t'hèshèkèƋ: Vatila civèƋ Bi Zhiklè, vaga civèƋ nenga'a sara'a!

⁴Jean a mshke, a ngu baptême t'hèshèkèƋ, a nju ma baptême, aman ndohi ta ngwode ndav ta, a mali tenga'a a mpra'a.

⁵A kokwarJudée tèlèba, a ndohi kokwar Jérusalem tèlèba, to do a sam nenga'a, a Jean a n'nga ta baptême te woyam Jourdain, a ta ngrede mali ta.

⁶Maslaka Jean, ta tsu a gwots zlugumai, a m'mana na gèƋ a hai a hutèƋ.

⁷A n'nda dzarai a vongwom. A n'nju ma Zhiklè, a ngaƋa: Nenga'a man a shkè te deɓ ga, wuƋi nenga'a a fena wuƋi ga; i gi huyokoko'a i slaha a i gshè kotokoroh nenga'a a ri ɓai.

⁸Iyè, i ga kinè baptême a iyam; aman nenga'a a da ga kinè baptême te Mèzhèɓ Zhiklè nkezla'a.

⁹A pats nasa, Yèsu a mshkè te Nazareth, te kokwar Galilée, a Jean a n'nga na baptême te woyam Jourdain.

¹⁰Mshkè na auda te iyam, na haha gidfèk a mwina, a Mèzhèɓ Zhiklè a shkèhai a gèƋ nenga'a ara nkuƋhom.

¹¹A ta tsena ngèƋè staƋ te zhiklè te gèƋè'a: Ka kra ga, man i woy ka a ndav ga. Ndav ga a wuffè kumba a gèƋ ngaya.

¹²A nasa nasa Mèzhèɓ Zhiklè a erƌe Yèsu a hèshèkèƋ.

¹³Te pa a ngau m'mèn 40, a SaƋan a mpeda a wai. Yèsu a n'nza te ndev skwi hèshèkèƋ, a golahi Zhiklè ta takaha.

¹⁴Te deɓa man ta gseda Jean a dangi ma, Yèsu a mdo Galilée, a njè ta ma mbela'a te Bi Zhiklè,

¹⁵a ngaƋa ta: TiƋè sama ma, kokwar Bi Zhiklè ndul ndul. Vangwoda ndav kinè, voco ma mbela'a a ndav!

¹⁶Aman a mdo a ma iyam mbia'a te Galilée, a nrka Simon a André, kramam Simon, ta kèlƋè lata a iyam; aman tenga'a ndohi mpèr klèf.

¹⁷A Yèsu a ngaƋa ta: Vadzadzarkayè, a i ndeda kinè a ndohi mpèr ndo.

¹⁸A nasa nasa ta jèkeda latahi ta, a ta dzodzora.

¹⁹Aman a mdo a ma kètè, a nrka Jacques, kra ZèbèƋèe, a Jean, kramam na. Ta te wurom, ta til latahai.

²⁰Tsam tsam a mbaba ta. A ta jèkeda ZèbèƋèe, bab tenga'a, a wurom a nda ndohi mizlinè, a ta dzodzor Yèsu.

²¹To do Capemaum, a pats nshèk va. A nasa nasa Yèsu a ndo a gi njèngè ma Zhiklè, a nsenda ta.

²²A ta rzl ta a géƋ njèma nenga'a, te man nenga'a a nsenda ta ara ndo man a ngots wuƋibai, ara malamhi ka ɓai.

²³Te gi njèngè ma Zhiklè tenga'a, a nkala na gèƌ a ndo man mèzhèɓ ambaɓia'a a ga na. Nenga'a a ntsu lalau:

²⁴Nga gakaƋa a ka mè, Yèsu te Nazareth? Ka shkè a ngéƌèsh nga Ƌè? I sun ngakaƋ ngaya. Ka ndo man Zhiklè a nkezla'a!

²⁵A Yèsu a nguva, a ngaƋa: Nze tètè, do auda te ndo sa!

²⁶A mèzhèɓ ambaɓia'a a n'ndo na auda te ndo sa, a ntsu laîau, a ndo sa a mɓerzl na.

²⁷A ndohi tèlèba ta rzl ta, a ta dzhoƋo a va ta: Naha mè? Njèma mɓua'a a wuƋibai! A gèƋè ma staƌgenè, a mèzhèɓhi ambaɓihia ba ta fi gèƌ a ma nenga'a.

²⁸Labar ma nenga'a a ndo a ma ma te kokwar Galilée tèlèba a nasa nasa.

²⁹Ta shkè auda te gi njèngè ma Zhiklè, a nda Yèsu a to do a Jacques a Jean, a gi Simon a André langa.

³⁰Skwar Simon a m'mana t'hai, vogwa a va. Tsam tsam ta ngra na Yèsu.

³¹A Yèsu a nherda na va, a ngso ri nenga'a, a nslambaƋda, a vogwa a ndal na. Te deɓa'a ngwoz a ntakaha ta.

³²A dakwaƋ man pats nkala ma, ta hulkoƋi ndohi matakwan, a ndohi tsaƋ tsaƋ man mèzhèɓ ambaɓia'a a ga ta a sam nenga'a.

³³Te kokwar tèlèba ta ɓicko va a ntamagia'a.

³⁴A Yèsu a mbel ta ndohi matakwan kumba te skwi ndzi ta tsaƋ tsaƋ, a ndzorko mèzhèɓhi ambaɓihia'a auda a vata, a mva ta civèƋ a mèzhèɓhi ambaɓihia'a azɓai, aman ta gèƋè, a géƋ man ta sun nenga'a.

³⁵A prèk vaƋ a nslambaƋa, a ndo a sam man ndo az a pa ɓai, aman a tsi ri a pa.

³⁶A Simon a tengahi man to do a verzi na, a ta woya'a.

³⁷N'ngècè na, ta gaƋa na: Tèlèba ta has ka.

³⁸Nenga'a a m'mbeƋa ta a ma: Ngo-dokona a kokwarhi ngiƋè, aman te pa ba, i njè ta ma Zhiklè. I shkè a géƋ nenga'a.

³⁹A nenga'a a njè te ma Zhiklè te gi njèngè ma Zhiklè tenga'a, te kokwar Galilée tèlèba, a ndzar ta mèzhèɓhi ambaɓihia'a auda.

⁴⁰A ndo hutsoƋ staƋ a mshkè a sam Yèsu, a nkalahi a deɓ sak nenga'a, a ndzhoƋo: Man ka woya'a, ka slaha ka suƋyè.

⁴¹A nenga'a a nsau Yèsu te va. A ngeda rai, a nlama na, a ngaƋa na: I woya'a, suƋ ngaya!

⁴²A nasa nasa hutsoƋ a ndal na, a nsuƋ na.

⁴³A Yèsu a nzlinda a deɓa langa, a mfa na ma a gèƌ:

⁴⁴Gu maya, ka da gaƋa na ndo ngiƋè ɓai! Do, a ka ngreda na va ngaya a ndo mvi skwi a Zhiklè, a ka va na skwi ara man Moise a gaƋa, a géƋ man ka suƋa ma. A skwi haha a gi a skwi malwuƋi a sam tenga'a.

⁴⁵Aman ndo matsa, nƋè na auda, a hüno a njè ta ma'a a ndohi kumba; a ma haha a ndo a ma ma, aman Yèsu a slaha a nƋè a kokwar a di ndo ɓai. A n'nza a sam man ndo ngiƌè az te pa ɓai. A sam tèlèba ta shkè a sam na.