Read Mofa New Testament Mark 15 Bible Online

Mark 15 - Mofa New Testament bible

Mark 15

¹A prèk te gai, ta tsomma, a ndohi mvi skwi a Zhiklè mbibihia'a, a ndohi nhala'a, a malamhai, a ndohi kita tèlèba.

²Aman ta dzawa Yèsu ma, ta da'a, a ta va na a ri a Pilate. Pilate a ndzhoƋo: Ka bi ndohi Juif Ƌè? Yèsu a m'mbeƋa na a ma:

³Ara ngèƌè ngaya. A ndohi mvi skwi a Zhiklè mbibihia'a ta püno a ma tsaƌ tsaƌ.

⁴A Pilate a ndzhoƌo za'a: Ka mbeƌa nga a ma azɓi ƌè?

⁵Tsena, man ta pin ka a ma tsaƌ tsaƌ. A Yèsu a m'mbeƌa ta a ma asaɓi fèt, a Pilate a nrzl na.

⁶A pats ngolala, a pats ngolala, Pilate a mpra ndo dangai staƋ, nenga'a man ndohi ta woya'a.

⁷Te gi dangai ndo ngiƋè a zhè, nzlembaƋ na Barabbas. Ta a golahi nenga'a ta keƋa ndo te va nrubai.

⁸Ndohi rèƋèƋè'a ta shkè, aman ta jhèƌè skwai, ara man Pilate a va ta pèc pècèk.

⁹Pilate a m'mbeƌa ta a ma: Kin woy a i pra kinè bi ndohi Juifƌè?

¹⁰Aman nenga'a a suna, ta gskoƌi Yèsu a srak genè.

¹¹Aman ndohi mvi skwi a Zhiklè mbibihia'a ta poko ta gèƌ auda a ndohi rèƋèƋè'a, dara Pilate a pra ta Barabbas.

¹²A Pilate m'mena na a gèƌ, a m'mbeƌa ta a ma za'a: I gi mè a nenga'á man kin baba na bi ndohi Juif?

¹³A ta boho: Gezlala'a!

¹⁴A Pilate a ngaƌa ta: A ge mali mè? A ta boho holola'a: Gezlala'a!

¹⁵A Pilate a woya aman a ga ta skwi man ambaba ta ndohi, rèƋèƋè'a, a mpra ta Barabbas. Te deɓa'a aman ta ndoho a mènèwèƌ ma, a mva ta Yèsu a rai, a ta gezlala'a.

¹⁶A sojèhi ta co Yèsu, a ta da'a a gala ngomna, a ta baba ta sojèhi tèlèba.

¹⁷A ta va na maslaka vèvèzh a va, ta paƋa na gèƋ a vatak ntsaffa'a.

¹⁸Te deɓa'a ta hüno a ta ga na mbalai: Mbali bi ndohi Juif!

¹⁹A ta tsu géƌè'a a gaƋa, a ta njfa na slèslèɓ a va, a ta gurɓahai a sam na, a ta ngwossaha, a ta kalahai a deɓ sak nenga'a.

²⁰Te deɓ man ta ngwossaha ma, ta cèma na maslaka vèvèzh auda a va, a ta va na maslaka na a va, a ta da'a, aman ta gezlala'a.

²¹A ta fa na a gèƋ a wuƋai a Simon te Cyrène, Bab Alexandre a Rufus, man a shkè te gi dau na, aman a zhüɓ wof ngézlèl Yèsu.

²²A ta da Yèsu a sam man ta baba na Golgotha, ara ngèƋè' Vatasl gèƋ'.

²³A ta va na iyam man a zhkè mbertéktéka'a, aman a nsia'a. Aman nenga'a a nca ɓai.

²⁴A ta gezlala, a ta kezla maslaka nenga'a, a ta gu jimèr, ta woy a ta sun skwi man ndo staƋ staƋ a ngècè'a.

²⁵Man ta gezlala, gol pats.

²⁶Mali man a metsa a géƋè'a, ta windeda a deɓ wof: Bi ndohi Juif.

²⁷A ta gezlala a nda ndohi metsarhi cèw, staƋ te ri mandai, ngiƋè te ri gula.

²⁸(A gau, ara man ta windo te Ƌèlèwèr Zhiklè. Ta fèda a ndev ndohi malihai).

²⁹Ndohi man ta beza a pa, ta durƋo, a ta giƋè gèƋ kwotakwota'a, a ta gaƋa: Ɗakwa, ka, ka gaƋa: i mbeƋda gi Zhiklè aussa, a i rèmè'a te m'mèn makar,

³⁰mbela va ngaya a ri ngaya, sulomkaƌahai a wof ngèzlèlè!

³¹A ndohi mvi skwi a Zhiklè mbibihia'a ba, a malamhai ta goƌ a va ta: A m'mbel ta ndohi ngiƌè, va na a slaha a m'mbela ɓi ƌè?

³²Aman nenga'a Kristi, bi Israel, da sulomkaƌahai a wof ngézlèl na haha antanta. A nga rka'a, nga da cè a ndav nga! Tengahi man ta gezlal ta a nda nenga'a ba, ta durƌo.

³³A géƌ pats, ruva a ngau a géƋ herkeda tèlèba, ha pats tsafkata. A pats tsafkata Yèsu a mboho a wuƋai:

³⁴EJoi, Eloi, lama sabachthani? ara ngèƋè:

³⁵Zhiklè ga, Zhiklè ga, ka jèkyè èhèmè? Tengahi ngiƋè man ta nza a pa, ta tsena'a, a ta gaƋa: Na haha, a baba na Elie.

³⁶A ndo staƋ a nkalda maslaka a iyam mbertéktéka'a, a m'manda a gaƋa, a ntkwo na ma, a ngaƋa: KazlaƋai, nga rka, aman Elie a shkè, a nckoƌahai!

³⁷Aman Yèsu a mboho a wuƋai a vata, a m'mets na.

³⁸Tegi Zhiklè, maslaka mbia'aa nkurats na te va, te géƋè'a a nshkèhi a goƋok.

³⁹Bi sojè, man a zlatsa zura'a a Yèsu, a rka'a, man a mets na ar haha, a ngaƋa: Ndo haha a vava kra Zhiklè.

⁴⁰A ngwozi ba ta zhè, aman ta pi di dra. Te va tenga'a Marie Magdala, Marie mam Jacques nkèshèa a Joses, a Salomé,

⁴¹man ta dzodzora, a ta takaha, te va man a zhè te Galilée dai, a tengahi ngiƋè tsaƌ tsaƌ man ta shkè a Jérusalem a verzi nenga'a.

⁴²A dakwad man pats nkala ma, nciƋ sama'a pats nshek va, aman ta til patsa'a ma,

⁴³Joseph te Arimathée, ndo ncèmma mbia'a, a mshkè; nenga'a ba a zhèr kokwar Bi Zhiklè. Nenga'a a n'nga zlau ɓai, aman a ndo a sam Pilate, a njhèƋè va Yèsu.

⁴⁴Pilate a nhuro a vata, aman Yèsu a m'mets na tsam tsam aranta. A mbaba na bi sojè, a njunjoro, aman a mets na n'nzi a zhè.

⁴⁵Aman a ntsena zura'a a sam bi sojè, a mva na nckondo Yèsu a Joseph.

⁴⁶A Joseph a nsum maslaka, a mproko Yèsu a hai a wof ngèzlèl na, a mpaƋda maslaka, a mfeda a gi dzavi te za, a ta gudumbala na ngezlambar kwa mbia'a a ma gi dzavai.

⁴⁷A Marie Magdala, a Marie mam Joses ta rka sam man ta feda Yèsu a pa.