Read Mofa New Testament Mark 4 Bible Online

Mark 4 - Mofa New Testament bible

Mark 4

¹Yèsu a hüno man a senda ta za'a a ma iyam mbia'a. Ndohi rèƋèƋè'a ta ɓücko va a sam na. Yèsu a mdo a wurom a gèƌ iyam. Ndohi rèƋèƋè'a ta zhè a dzah woyam.

²A nsenda ta skwi kumba a ngèlègèƌ ma, a ngaƌa ta te. Njèma na:

³Vatsena'a! Ndo nwush tser skwai a mdo auda, man a wushè tser skwai.

⁴A gu aman a nwushe na, tser faƋkata a wusha a zolom civèƋ, a Ƌiakihi ta shkè a ta ndeda ma.

⁵NgiƋè faƋkata a nwusha a verzi pra, man herkeda az a pa a vata ɓai. Tsam tsam nftsa, aman herkeda az a vata ɓai.

⁶Aman pats a dzai, a halala, a ngwora'a, te man a ntsa zluzlor ɓai.

⁷Ngiƌè faƋkata a nwusha a ndev vatakihai. Vatakihai ta grè, a ta pizlèda pa, a yi wuda azɓai.

⁸NgiƋè faƋkata a nwusha a sam mbela'a, a nyu wuda. A ntsu rai, a grè, a yi wuda, ngiƋè a gi 30, ngiƋè 60, ngiƋè 100 te verzi skwi staƋ.

⁹Te deɓa'a a ngaƋa ta: Ndo man nzlembaƋ na zhè, da tsena'a!

¹⁰Aman Yèsu na gèƋ na ma, tengahi man ta tèuda a pa, a tengahia 12, ta dzhoƋo a géƋ ngèlègèƋma.

¹¹A Yèsu a ngaƋa ta: Skwi man n'nghedate kokwar-Bi Zhiklè a kinè. Aman a tenga'a man ta t'uda, ma a gi a ngèlègèƌma,

¹²a ta rka di ba, aman ta sun ɓai; a ta tsena a zlembaƋ ba, aman ta sun ɓai, a ta woy a ta menkaƋa deɓa a malihi tenga'a mpre ɓai.

¹³A ngaƋa ta: Kin tsena ngèlègèƋma haha ɓi Ƌè? Kin da cinè njèkèƋi ngèlègèƋ mahi a maya mè?

¹⁴Ndo nwush tser skwai a wusbei ma Zhiklè.

¹⁵Tengahi ngiƋè, ta ara zolom civèƋ, man a wusheda ma Zhiklè a pa. A ta tsena ma, aman tsam tsam SaƋan a shkè, a helama ta ma'a man nwusha a ndav ta.

¹⁶Tengahia ngiƋè ta ara verzi pra. Aman ta tsena ma, tsam tsam ta co a mwuffè.

¹⁷Aman ta ngatsa zluzlor te ndav ta ɓai, wuƋi ta azɓai. Aman matakwan a shkè, a ta paraha ta a géƋ ma Zhiklè, a slafaƋama ta sak.

¹⁸Tengahia ngiƋè ta ara nte ndev vatakihai. Nasa tengahi man ta tsena ma,

¹⁹aman ta hér gèƋ. Ntétékè skwi mèshèlè, a skwi kumba, a pe ta a wai tsaƋ tsaƋ, a pizlè na ma a pa, a ta yi wuda azɓai.

²⁰Tengahi ngiƋè ta ara sam mbela'a. Nasa tenga'a man ta tsena ma, ta co, a ta yi wuda, a gi 30, 60, a 100 te verzi skwi staƋ.

²¹A ngaƋa ta a va'a: Ndo a fi vogwa a pitirla, aman a fèda a hwaƋ gaƋagar, man ɓai a hwaƋ sam m'mènè Ƌè? Aman a fí a géƋè'a ka ɓi Ƌè?

²²Aman skwi n'ngheda ɓai, man a di a shinè auda azɓai; skwi man ta pizlèa azɓai, man a da giƋè auda azɓai.

²³Aman ndo man zlembaƋ na zhè, da tsena'a!

²⁴A ngaƋa ta a va'a: Vagu maya a géƋ skwi man kin tsena'a. Ta liva kinè a skwi man kin livè a vna, a ta pa kinè a va'a.

²⁵Aman tava na skwi a ndo man a ngots skwai. A nenga'a man a ngatsa skwi ɓai, ta cèma na skwi man a ngotso ba.

²⁶A ngaƋa ta: Kokwar-Bi Zhiklè lèmèlè me ara ndo ngiƋè man a wusheda tser skwi a herkeda.

²⁷Ko man a nzhuna, ko man a nza a dai, ko a vaƋ ko a pats, tser skwi a fcè, a grè, a senaha azɓai.

²⁸Herkeda a ri na a ftskoƋauda nshèlèkura'a vaha'a, te deɓa'a nshishwiƋè'a, te deɓa'a dau a di ma.

²⁹A pats man dau nsla, ta tsia'a a gwodza, te man tiƋè sam ntsi skwi ma.

³⁰A ngaƋa ta a va'a: Nga lèmƋè kokwar Bi Zhiklè a mè?

³¹Nga da ngreƋè auda a ngelègèƋma mè? Nenga'a ara tser gevda, man ta wushahai a herkeda, nkèshèa nenga'a a tser skwi tèlè man ta zhè t'herkeda.

³²Aman a wushahi ma, a ftskaƌauda, a grè, a nfena vahhi ngiƌè, a tsi ri a vata, man ƌiakihi t'hwaƌ giƌfèk ta slaha a ta gi gi ta a mèzhèɓ nenga'a.

³³A Yèsu a njè ta ma Zhiklè a ngèlègèƋ mahi ar haha, ara man ta slaha a ta cinè'a.

³⁴A ngaƌa ta sèi a ngèlègèƌma genè. A nslebda ta golahi nenga'a te deɓa'a a gèƌ ta.

³⁵A dakwaƋ, man pats nkala ma, Yèsu a ngaƋa ta: Ngodokoya a wud woyam!

³⁶A Yèsu a njèke ta ndohi rèƋèƋè'a, a to do a nda golahi nenga'a a wurom, man nte pa.

³⁷Wuromhi ngiƌè ta zhè a sama'a. A kozlar mbia'a a nslambaƌa, a iyam a ngu tsuvoƌohtsuvoƌoha'a, a bèƋè a wurom, a wurom a woya a ndhè.

³⁸A Yèsu a nzhuna te gerzi wurom, a géƋ skwi nfí gèƋ. A ta piƋèkwuda, a ta gaƋa na: Ndo njèngè ma, ka fa na gèƋ azɓi Ƌè, aman nga zi nga?

³⁹A Yèsu a nslambaƋa, a nguv kozlar, a ngaƋa na woyam mbia'a: Nze tètè, jèkeda! A kozlar a njèkeda, a n'nza géɓitè'a.

⁴⁰Te deɓa'aa ngaƋa ta: Kin ga zlau mè? Kin ca a ndav kinè ɓi Ƌè?

⁴¹Zlau mbia'a a ngs ta, a ta goƋ a va ta: Ndo haha wa, aman ko kozlar, ko iyam mbia'a, ta fí gèƋ a ma nenga'a?