Read Mofa New Testament Mark 6 Bible Online

Mark 6 - Mofa New Testament bible

Mark 6

¹A Yèsu a mdo na auda te pa, a mdo a kokwar bab na. A golahi nenga'a ta dzodzora.

²A pats nshèk va, a mdo, a hüno a nsenda ta te gi njèngè ma Zhiklè. Ndohi kumba man ta tsena'a, ta rzl ta, a ta gaƋa: A n'ngotsko ma haha tema? Maya haha a n'ngotsko tema? A gi nrkedi ar haha èhèmè?

³Nenga'a ndo mbèzl wof, kra Marie, kramam Jacques a Joses a Jude a Simon ka ɓi Ƌè? Demamhi nenga'a ta a sam nga ka ɓi Ƌè? A skwi haha a nslafaƋama ta sak.

⁴A Yèsu a ngaƋa ta: Ta slébèrƋè ndo nhadka ma, aman te kokwar bab na ka ɓai. A sam gwoli na, te gi nenga'a tèlèba, ta slèbèrƋè'a azɓai.

⁵A nga nrkedi ɓai te pa, sèi a mfa ta ri a gèƌ ndohi matakwan kètè, a m'mbel ta.

⁶A Yèsu a nrzl na, a gèƌ man ta ca a ndav ɓai. A ndo a kokwar, a kokwar, t'hwaƌ kokwar, t'hwaƌ kokwar, a nsenda ta ndohai.

⁷Te deɓa'a a mbaba ta golahi na 12, a hüno a nzlinde ta, cèw, cèw, a mva ta wuƋai á géƋ mèzhèɓhi ambaɓihia'a.

⁸A mfa ta ma a gèƋ, aman ta hil skwa a ri a nshèwèlè azɓai, sèi gaƋa staƌ. Da ceda movar a ri ɓai, gozhèm ka ɓai, suli ka ɓai,

⁹maslaka cèw a va ka ɓai, aman vapeda kotokoroh a sak.

¹⁰A ngaƌa ta: Gi staƌ staƌ man kin Ƌè a pa, vanza a pa, ha pats man kin Ƌè kinè za'a.

¹¹Aman a sam ngiƌè ndohi ta ce kinè azɓai, aman ta tsena ma kinè ɓai, vodo kinè, vatassa lokotor a sak kinè! Aman skwi haha a gi a skwi malwuƌai a sam tenga'a.

¹²A to do, a ta njè ta ma Zhiklè, aman ndohi ta ngwèƋè ndav ta.

¹³Ta dzor madzagihi kumba, a ta faƋa ta mbar a gèƋ a ndohi matakwan kumba, a ta mbel ta.

¹⁴Bi Hérode a ntsena labar ma Yèsu aman nzlembaƋ henga'a kala a géƋè a gèƋ, a ngaƋa: Jean Baptiste a nslambaƌkaƌna te va ndohi m'metsa'a, a géƌ nenga'a a gi nrkedi arsa.

¹⁵Ndohi ngiƋè ta gaƋa: Nasa Elie. Ndohi ngiƋè ta gaƋa: Nasa ndo nhadka ma ngiƋè.

¹⁶Aman Hérode a ntsena'a, a ngaƋa: Nasa Jean, man i ngelama na gèƋ. Nasa nenga'a man a slambaƋkaƋauda.

¹⁷Aman Hérode, nenga'a man a ngso Jean, a ndzawa'a a mfèda a gi dangai, a géƋ Hérodias, ngwoz Philippe, kramam na, man Hérode a mco.

¹⁸Aman Jean a ngaƋa na: Ambaɓai, aman ka co ngwoz kramam ngaya.

¹⁹A Hérodias a ngu ndav a géƌ Jean, a woya man a nkeƌa'a. Aman a slaha ɓai.

²⁰Hérode a gi zlau Jean, a suna, Jean ndo nzura'a, ndo nkezla'a. A Hérode a berè'a. Aman a ntsena ma nenga'a, a sun skwi man a gia ɓai, ma Jean ambaba a vata.

²¹A pats ngiƋè, aman Hérode a hur nyi nenga'a, a ngu skwi n'ndi ngolala a ndohi nenga'a mbibihia'a, a bihi ndohi var, a ndohi mbibihia'a te Galilée.

²²A dem Hérodias a mdo na gai, a ngu wai, ambaba Hérode a ndohi ngolala nenga'a. A bai a ngaƋa na dam: DzhoƋo te ri ga skwi tèlèba man ka woya'a, a i da va ka!

²³A ngoƋ a va'a a mbèƋè: Skwi tèlèba man ka dzhoƋo, i da va ka, ko rèta kokwar-Bi ga.

²⁴Mshkè na auda, dam a ngaƋa na mam na: I jhèƋè mè? Mamna a ngaƋa na: GèƋ Jean Baptiste!

²⁵A dema'a a nvosso va a gai a sam bai, a ndzhoƋo arsa: I woy a ka vay gèƋ Jean Baptiste a kèlèhèrantanta.

²⁶A ndav bai m'mbeƋ na. Aman a géƋ ma m'mbèƋè nenga'a, a gèƋ ndohi ngolala, a slaha man a ngèƋè ɓai: I vi azɓai.

²⁷A nasa nasa a nzlündo soje nenga'a staƋ, aman da ckoƋi gèƋ Jean Baptiste.

²⁸A nenga'a a mdo a n'ngulkoƌi gèƌ Jean te gi dangai, a mfokoƋa a kèlèhèr, a mva na dem matsa, a nenga'a a mva na mam na.

²⁹A golahi Jean, aman ta tsena'a, ta shkè, a ta zuɓ nckondo nenga'a, a ta ra'a.

³⁰A ndohi sak Yèsu, man ta ɓicko va a sam na, ta ngreda na ma tèlèba, skwi man ta gau, a ma man ta njè ta ndohai.

³¹A Yèsu a ngaƋa ta: Vowashkè, ngodokoya, aman nga nzi a géƋ nga; vosok va kètè! Aman a haha ndohi ngiƋè ta shkè, ndohi ngiƋè ta shkè kumba, a ta ngatsa ri a n'ndi skwi ɓai.

³²A to do ta a wurom, a ta woy a ta nzi a géƋ ta.

³³Ndohi kumba a ta rka ta, aman ta Ƌè ta, a ta sen ta. Te kokwar tèlèba ta hakaƋi mènè, a ta ha ta a ma, a sam man ta woy a ta Ƌè a pa.

³⁴Aman Yèsu a mshkè auda te wurom, a nrka ndohi rèƋèƋè'a, ta sia te va, aman ta ara tambakihai, man ta ngatsa ndo mɓer ta ɓai. A hüno man a senda ta skwi kumba.

³⁵Aman a pats dakwaƋ, golahi nenga'a ta do a sam na, a ta gaƌa na: A haha hèshèkèd, pats nkala.

³⁶Zlinde ta a deɓa, aman ta Ƌè a kokwar, a ta shum skwi n'ndai.

³⁷Yèsu a m'mbeƋa ta a ma: Vava ta skwi n'ndi te ri kinè! Aman ta gaƋa na: Nga Ƌè a nga shum movar a suli 2.000, a nga va ta skwi n'ndi Ƌè?

³⁸A nenga'a a ngaƋa ta: Movar te ri kinè ngama? Vodo a kin wora! A ta dzhoƋo, a ta menda na: Zlam, a klèf cèw.

³⁹Te deɓa'a a ngaƋa ta, aman ta Ƌaha va, a ta nzahi a kuza.

⁴⁰A ta nzahai, ta Ƌaha va, ngiƋè 100, ngiƋè 50.

⁴¹A Yèsu a nhul movar zlam a klèf cèw, a mpu di a Zhiklè, a mpshè na ma. Te deɓa'a a ntsaka movar, a mva ta golahi nenga'a, aman ta kezla ta tèlèba. A nkezla ta klèf cèw a ndohi tèlèba.

⁴²Tèlèba ta ndau, a ta ngeza'a.

⁴³A ta hul njèkèƌi movar a njèkèƌi klèf, gaƋagar 12, n'ndha'a.

⁴⁴Ndohi man ta ndau movar, ngurhi 5.000.

⁴⁵Tsam tsam te deɓa, Yèsu a mvas ta golahi nenga'a a wurom, aman ta Ƌè a ma nenga'a, a wud woyam, a civèƋ Bethsaida. A nenga'a a nzlinde ta ndohi rèƋèƋèa a deɓa.

⁴⁶Aman a njèke ta, a mdo na za, aman a tsi rai.

⁴⁷A dakwaƋ man pats nkala ma, wurom a zhè te ndev woyam mbia'a, a Yèsu te za a géƋ na.

⁴⁸A nrka aman ta wurr iyam a wuƋai, a kozlar a erƋeka ta a deɓa. Te man a prèk vaƋ a mdo a sam tenga'a, a mdo a géƌ iyam, a woya a ngel ta a pa.

⁴⁹Aman ta rka'a, a Ƌè a gèƌ iyam, ta huro, ta rka mèzhèɓ skwi ngiƋè, a ta tsu lalau.

⁵⁰Ta tèlèba ta rka'a, a ta gu zlau. Tsam tsam Yèsu a ngaƋa ta: Vamana ndav kinè, iyè, kin gu zlau ɓai!

⁵¹Te deɓa'a a ndo a sam ta a wurom, a kozlar a njèkeda. Ta rzl ta, a ta huro a vata,

⁵²aman ta sun nrkedi movar matsa ɓai, ndav ta ngwora.

⁵³Aman ta ndika a wud woyam mbia'a, ta shkè a kokwar Génésareth.

⁵⁴Aman ta jèkeda wurom ma, ndohi ta sun Yèsu langa,

⁵⁵A ta hakaƌai t'hwaƌ kokwar tèlèba, a ta hüno a ta hulkoƌi ndohi matakwan a sam m'mènè ta, a sam tèlèba man ta tsena'a, man na pa.

⁵⁶Ko ahngwa ahngwa, man na pa, te kokwar nkèshè'a, te kokwar mbia'a, te dak, ta hulkoƌi ndohi matakwan, a ta pe ta a luma, a ta tsu ria'a, aman a va ta civèƌ, a ta lama na ko ma maslaka na gen ba. A ko wawa man a lama na, a m'mbel na.