Read Mofa New Testament Mark 9 Bible Online

Mark 9 - Mofa New Testament bible

Mark 9

¹A ngaƋa ta a va'a: A vava i gaƋa kinè: Ndohi man ta zlatsa a haha, matrhia'a ta da metsi di azɓai, sèi ta rka kokwar Bi Zhiklè man a da shkè dai a wuƋai.

²Te deɓ m'mèn mokwa, Yèsu a to do a Pierre, Jacques a Jean. A Yèsu a nde ta a géƋ ta, a géƋ za mbia'a.

³A n'ngwoda ta va a dai. Maslaka nenga'a n'nge na nslekaƌa kuƌkuƌè'a, a si dai, skwi nslekaƌa arsa azɓai t'herkeda.

⁴A nda Elie a Moise ta gudoko ta va a dai, a ta goƌa a Yèsu.

⁵A Pierre a hüno a ngaƌa na Yèsu: Rabbi, amba aman nga zhè a haha. Ngogokoy gihi makar, staƌ a ngaya, staƌ a Moise, staƌ a Elie.

⁶Aman nenga'a a sun skwi man a gèƌè ɓai, zlau a ndza ta a vata.

⁷A vani staƌ a mshkè, a mva ta mèzhèɓ a géƌ. A ta tsena ngèƌè staƌ te va vanai: Nenga'a kra ga man i woya a ndav ga. Vatsun ma nenga'a!

⁸A nasa nasa golahi Yèsu ta ngul dai. Aman ta rka ndo ngiƌè ɓai, sèi Yèsu staƌ a sam ta genè.

⁹Aman ta shkèhi te za, Yèsu a mfa ta ma a gèƋ, aman ta ngreda na skwi man ta rka a ndo ngiƋè ɓai, sèi te deɓa'a, a pats man Kra-ndo a slambaƋkaƋauda te va ndohi m'metsa'a ma.

¹⁰Ta hur ma haha, a ta dzhoƋo a va ta. NslambaƋkaƋauda te va ndohi m'metsa ara mè?

¹¹A ta dzhoƋo Yèsu: Malamhai ta gaƋa, sèi Elie a shkè nshèlèkura'a dai, èhèmè?

¹²A Yèsu a m'mbeƋa ta a ma: Elie a shkè nshèlèkura'a, a til skwi tèlèba. Te Ƌèlèwèr Zhiklè ta windo a géƋ Kra-ndo, ara man sèi a si matakwan, sèi ta rka ara ndo ambalai, èhèmè?

¹³Aman i gaƋa kinè: Elie a mshkè ma, a ta gu a sam na, ara ndav tenga'a man a woya'a, ara man ta windo te Ƌèlèwèr Zhiklè a géƋ nenga'a.

¹⁴Aman ta shkè a deɓa a sam golahi ngiƋè, ta rka ndohi rèƋèƋèa a vata a sam ta. A malamhai ta versl ma a nda tenga'a.

¹⁵Aman ndohi rèƋèƋèa ta rka Yèsu, ta gu gurts kata, a ta hakaƋai, aman ta ga na mbalai.

¹⁶Yèsu a ndzhaƋ ta malamhai: Kin verslè mè a nda tenga'a?

¹⁷A ndo staƋ te va ndohi rèƋèƋèa a ngaƋa na: Ndo njèngè ma, i cko kra ga a sam ngaya. Mèzhèɓ ambaɓia'a a ga na, a nƋèma na zlembaƋ, a gèƋè azɓai.

¹⁸A sam tèlèba man a gshè'a, a kaldahi a herkeda, maslokof te ma kra, a peƋi zlè'èn, a sal na. I gaƋa ta golahi ngaya, aman ta jèm mèzhèɓ ambaɓia'a auda, aman ta slaha ɓai.

¹⁹A Yèsu a m'mbeƋa ta a ma: Kinè ndohi man kin cè a ndav kinè azɓai; i da nzi a sam kinè gen Ƌè? I da takaha kinè gen Ƌè? VackoƋa a sam ga! A ta cko kra a sam nenga'a.

²⁰A nasa nasa, aman kra a rka Yèsu, mèzhèɓ a n'nga na a vata, a kra a mɓerzl na, a nkalahi a herkeda, a ncéƋè va a maslokof te ma.

²¹A Yèsu a ndzhod baba'a: N'nzi tèkè aman skwi a ga na ar haha?

²²A ga na te kra, a ngaƋa na. Pats ngiƋè, pats ngiƋè mèzhèɓ ambaɓia'a a kalda a vogwa, a kalda a iyam, a woya man a nkeƌa'a. Takaha nga, man ka slaha! Nga da se ka te va!

²³A Yèsu a ngaƋa na: Aman ka slaha ...

²⁴Ndo man a nco a ndav, a slaha tèlèba. Tsam tsam bab kra a mboho: I co! Man i co a ndav ɓai, takahayè!

²⁵A Yèsu aman a rka ta ndohi rèƋèƋèa ta hakaƋai, a nguva mèzhèɓ ambaɓia'a, a ngaƋa na: Mèzhèɓ ambaɓia'a, i gaƋa ka a ma staƋ, do auda te kra, a ka minè a deɓa a va nenga'a azɓai!

²⁶A mdo na auda, a ntsu lalau, kra a mɓerzl na. Kra ara man m'metsa. Aman tengahi ngiƌè kumba ta gaƌa: A m'metsa ma.

²⁷Aman Yèsu a ngso ri nenga'a, a kra a nslambaƋa, a nzlatsa.

²⁸Aman Yèsu a ndo a gai, golahi nenga'a ta dzhoƋo, ta a géƋ ta: Nga slaha nga dzama nenga'a ɓi èhèmè?

²⁹A Yèsu a ngaƋa ta: Skwi haha a slaha man a Ƌè auda azɓai, sèi a ntsi rai (a njèkè skwi n'ndai).

³⁰A ta jèkeda sama'a, a ta beza a ndev Galilée. Yèsu a woya aman ndo ngiƋè a sun ɓai.

³¹A nsenda ta golahi nenga'a, a ngaƋa ta: A di ta gshè Kra-ndo, a ta da fí a ri a ndohai, a ta da keda'a. Man a m'mets na ma, te deɓ m'mèn makar, a da slambaƋkaƋauda.

³²Aman golahi Yèsu ta tsena ma haha ɓai. Ta gu zlau aman ta jhèƋè'a.

³³A ta ndikè Capemaum. Aman a zhè te gai, Yèsu a ndzhaƋ ta: Kin gaƋa a va kinè mè, a civèƋ?

³⁴Aman ta nza tètè. Aman a civèƋ ta gu gèjau: Te va nga nfena ngiƋè wa?

³⁵Te deɓa'a a n'nzahai, a mbaba ta 12, a ngaƋa ta: Ndo man a woya a gi a ndo nshèlèkura'a, nenga'a da ga a'n'ndikèma ndo, da gu ɓèl ndohi tèlèba.

³⁶A mco kra nkèshèa, a nzlatseda a va tenga'a, a nhumbètè'a, a ngaƌa ta:

³⁷Ko wawa man a cè te va wudahi ar haha, a géƌ nzlembaƋ ga, a ciyè. Ko wawa man a ciyè, a ciyè ka ɓai, aman a cè nenga'a man a zlindekayè.

³⁸Jean a ngaƋa na: Ndo njèngè ma, nga rka ndo ngiƋè, aman a jèr madzagihai a nzlembaƋ ngaya, aman a Ƌè a verzi nga azɓai. Nga gedassa skwi nenga'a, a géƋ man a dzadzar nga azɓai.

³⁹A Yèsu a ngaƋa ta: Kin gedassa na skwi nenga'a ɓai! Ndo azɓai, man a gi nrkedi a nzlembaƋ ga, aman tsam tsam te deɓa a da gèƋè ma ambaɓia'a a géƋ ga.

⁴⁰Ndo man ndo mayam nga ka ɓai, nenga'a mandal nga.

⁴¹Ko wawa man a bala kinè iyam a géƌ nzlembaƌ ga, a géƌ man kinè a Kristi, a vava i gaƌa kinè, skwi ntul nenga'a a zi azɓai.

⁴²Aman ko wawa man a slafaƋama na sak a kra nkèshèa ar haha, a géƋ man a nciyè a ndav, dara ta mana na vova a da'ai nenga'a, a ta kalda a drav iyam.

⁴³Man ri ngaya a kalde ka a malai, ngeldaussa! Dara ka Ƌè a sam nshèffè ara ndo vedal, a géƌ man ka zi ngaya a vogwa kita mbia'a a ri cèw

⁴⁴[a sam man meturƋai tenga'a ta metsi azɓai, a sam vogwa man a mbècè azɓai a mèƋèp].

⁴⁵Man sak ngaya a kalde ka a malai, ngeldaussa! Dara ka Ƌè a sam nshèffè ara ndo vedal, a géƋ man ta kalde ka a vogwa kita mbia'a a sak cèw

⁴⁶[a sam man meturƋai tenga'a ta metsi azɓai, a sam vogwa man a mbècè azɓai a mèƋèp].

⁴⁷Man di ngaya a kalde ka a malai, veƋotkoƋauda. Dara ka Ƌè a kokwar Bi Zhiklè a di staƋ, a géƋ man ta kalde ka a vogwa kita mbia'a a di cèw,

⁴⁸a sam man meturƋai tenga'a ta metsi azɓai, a sam vogwa man a mbècè azɓai a mèƋèp.

⁴⁹Ndohi tèlèba ta wèslè'a a vogwa.

⁵⁰Boma skwi mbela'a. Man boma a vrè azɓai, kin vrè'a a mè?

⁵¹Sèi ndav kinè da jèn ara boma, a kin nzi a gumai, ngiƌè a ngiƌè, ngiƌè a ngiƌè.