Read Mofa New Testament Luke 1 Bible Online

Luke 1 - Mofa New Testament bible

Luke 1

¹Thèophile ga! Ndohi kumba ta windeda skwi man a gu a sam nga a hai;

²ara man tenga'a, man ta rka'a a di ta te nhinkaƌ na, a ta nda a ndohi njè ma Zhiklè, a ta ngra nga.

³Ko i ba, i hur amba, aman i winƋè ka skwia staƌ staƌ tèlèba, ara man i junjor te nhinkaƌ na,

⁴a ka da suna, skwi man ta senda ka, a ngu arsa a vava.

⁵Te va man Hérode bi kokwar Judée, ndo mvi skwi a Zhiklè ngiƋè a zhè, nzlembaƋ na Zacharie, te verzi Abia. Ngwoz nenga'a nzlembaƋ na Elisabeth, nte va dalahi Aaron.

⁶Ta cèw ba, ta ndohi nzura'a a sam di Zhiklè, a ta dzodzor ma nkwèr Bi Zhiklè a ma kita nenga'a, ta tawaƋaha ɓai, ko staƋ.

⁷Ta yi kra azɓai. Elisabeth delai. Ta cèw ba ta hala ma.

⁸A pats ngi mizlinè na, Zacharie a ngu mizlinè te gi Zhiklè. Ndohi mvi skwi a Zhiklè ta venu va a mizlinè tenga'a pèc pècèk.

⁹A nenga'a a mdo a gi Zhiklè, a mpeda ɓurdi a vogwa, man vodzok a Ƌüzhè, ara man ndohi Juif ta gia'a pèc pècèk.

¹⁰A pats nasa ndohi tèlèba ta t'uda, a ta tsu rai.

¹¹A gol Bi Zhiklè staƋ a ngudoko na va a dai a Zacharie, a sam mvi skwi a Zhiklè, man vodzok a Ƌüzhè a pa, te civèƋ ri mandai.

¹²Aman Zacharie a rka'a, a gudzai, zlau a dza na.

¹³Gol Zhiklè a ngaƋa na: Ka gu zlau ɓai, Zacharie; aman Zhiklè a ntsena ntsi ri ngaya. Elisabeth, ngwoz ngaya, a da ya ka kra ngura'a, a ka da va na nzlembaƋ na Jean.

¹⁴A gi a kra man ndav ngaya a wuffè langlanga'a a géƋè'a. A ndohi kumba ta da wuffè a géƋ nyi nenga'a.

¹⁵Nenga'a a gi a ndo mbia'a a sam di Bi Zhiklè, a da si zom a skwi man a Ƌè gèƌ azɓai. Ko t'hwad mam na, Mèzhèɓ Zhiklè nkezla'a a n'ndha ndav na.

¹⁶A da ngwodko ndav wuda Israel kumba a sam Bi Zhiklè tenga'a.

¹⁷A nenga'a a Ƌè a ma Bi Zhiklè te Mèzhèɓ a wuƋi Elie, a ngwodko ndav babgihai a sam wud ta, a gi aman ndohi mèƋègèƋ a ta hér ma ndohi nzura'a, a da til ndohi a sam Bi Zhiklè.

¹⁸Zacharie a ngaƋa na gol Zhiklè: l da shinè skwi haha te mè? Aman iyè, i babgai, ngwoz ga ba, nhala ma.

¹⁹A gol Zhiklè a m'mbeƋa na a ma: Iyè Gabriel, man i zlatsa a sam di Zhiklè. Nenga'a a nzlindekayè man i gaƋa ka ma haha. A i ngreda ka ma mbela haha.

²⁰Ani haha ka gi a ndaɓazlam. Ka slaha ka gèƋè azɓai, ha pats man skwi haha tèlèba a ndev na, a géƋ man ka ca ma ga a ndav ngaya ɓai. Aman a da gi ara ma ga a vava.

²¹A ndohi t'uda ta zhèr Zacharie, a ta hur a vata, aman a ngu ndudoh te gi Zhiklè.

²²Mshkè Zacharie auda ma, a slaha a ngèƌè ɓai. A ta suna, skwa a nrka na dai te gi Zhiklè. Nenga'a a geda ri mènè, n'nde na a ndaɓazlam ma.

²³Aman mizlinè nenga'a klèng ma, a ndo na ngwai.

²⁴Te deɓa'a Elisabeth, ngwoz na, a ngu a hwaƌ, a n'ngheda va na ki zlam, a ngaƌa:

²⁵Bi Zhiklè a vay pombai arsa, te man a héryè te ndav na, a cay hori auda a dai.

²⁶Te mamokwa kia, Bi Zhiklèa nzlündo Gabriel, gol nenga'a, a kokwar Nazareth, te Galilee,

²⁷a sam bidali ngiƋè, medemi Joseph, te verzi David. NzlembaƋ dema'a, Marie.

²⁸A gol Zhiklè a mdo a gai a sam na, a ngaƋa na: Mwuffè a sam ngaya, ka man Zhiklè a mva ka pombai! Bi Zhiklè a zhè a nda ka!

²⁹Aman dema'a a ntsena ngèƋè haha, a gudzai, a nhuro: Mabali haha nkèkèkè?

³⁰A gol Zhiklè a ngaƌa na: Ka gu zlau ɓai, Marie! Ka ngots pombai a sam Zhiklè!

³¹Na haha, ka da gi a hwaƌ, ka da yi kra ngura'a, a ka da baba na Yèsu.

³²Nenga'a a da gi a mbia'a, a ta da baba na kra Zhiklè te géƌè'a. Bi Zhiklè a da va na sam n'nzi bi David, bab na.

³³A nenga'a a da gi bai a géƋ gi Jacob a mèƋèp, a kokwar-Bi nenga'a a ndivè azɓai.

³⁴A Marie a ngaƋa na gol Zhiklè: Skwi haha a da gi a nkèkèkè? I sun baki ɓai.

³⁵A gol Zhiklè a m'mbeƋa na a ma: Mèzhèɓ Zhiklè nkezla'a a di a shkè a géƋ ngaya, a wuƋi Zhiklè te géƋè'a a da nzi a géƋ ngaya. Gar haha kra man ka da yia'a, nkezla'a, ta da baba na kra Zhiklè.

³⁶Na haha, ko Elisabeth, dem bab ngaya, man ta baba na delai, kra t'hwad ma, ko nhala ma. Ki nenga'a mokwa antanta.

³⁷Skwi man Zhiklè a slaha ɓi ba, azɓai.

³⁸A Marie a ngaƋa: Na haha, i ɓèl Bi Zhiklè. Da gu a sam ga, ara man Zhiklè a gaƋa. A gol Zhiklè a mdo na.

³⁹A pats nasa Marie a nslambaƌa, a mdo tsam tsam va a za ngiƌè te kokwar Judée.

⁴⁰A ndo a gi Zacharie, a n'nga na mbalai a Elisabeth.

⁴¹Aman Elisabeth a ntsena mbali Marie, kra t'hwaƋ a giƋè va, a Mèzhèɓ nkezla'a a n'ndha ndav Elisabeth.

⁴²A Elisabeth a mboho a wuƋai: Te ndev ngwozai, Zhiklè a mpshè ka ma, kinè a kra nt'hwaƋ ngaya!

⁴³I wa, a mam Bi ga a shkè a sam ga?

⁴⁴Na haha, man i tsena mbali ngaya te zlembaƋ ga, ambaha kra nt'hwaƋ ga, a wuffè, a giƋè va.

⁴⁵Mwuffè a sam ngaya, man ka co a ndav; a gi ara man Bi Zhiklè a gaƋa ka!

⁴⁶A Marie a ngaƋa: Ndav ga a slébèrƋè Bi Zhiklè!

⁴⁷Mèzhèɓ ga a wuffè te Bi Zhiklè, Bi m'mbelyè!

⁴⁸Nenga'a a nrkayè, i ɓèl nenga'a nkèshè'a. Na haha, anai verzi ndohi tèlèba ta da gaƋayè: Mwuffè a sam ngaya!

⁴⁹Aman Zhiklè wuƋi tèlèba a ngu skwi mbia'a a sam ga. NzlembaƋ nenga'a nkezla.

⁵⁰A verzi, verzi ndohi man ta gi zlaua'a, ta sia te va.

⁵¹Ri nenga'a a ngu skwi mbia'a. A nksar ta ndohi nfí va aussa.

⁵²A nhelka ta ndohi mbibihia'a auda a sam n'nzi bi ta, a nslambaƋda ta gèƋ a ndohi man ta manda gèƋ ta a hai.

⁵³Ndohi man mi a keƋ ta, a n'ngez ta a skwi man amba a vata; aman ndohi mèshèlè a menda ta a deɓa, skwa a te ri ɓai.

⁵⁴Nenga'a a ntakaha Israel, ɓèl na.

⁵⁵Abraham a wud na ta sia te va a mèƋèp, ara man a gaƌa ta bababhi nga.

⁵⁶A Marie a n'nza a sam nenga'a, ki makar. Te deɓa'a a ndo na a deɓa a ngwai.

⁵⁷A pats nyi kra Elisabeth, a myu kra ngura'a.

⁵⁸A nslamagihi na, a gwoli na ta tsena, a msau Bi Zhiklè te va, a ta wuffè a nda nenga'a.

⁵⁹M'mèn matsamakaƋa'a a ta shkè, aman ta ngél ngwon kra, a ta woy a ta va na nzlembaƋ bab na, Zacharie.

⁶⁰A mam nenga'a a ngaƋa ta: Azɓai, sèi ta baba na Jean!

⁶¹A ta gaƋa na: Te va gwoli ngaya ndo man a ngots nzlembaƋ ar haha, ngiƋè a zhi Ƌè?

⁶²A ta kutèka na ri a bab na, a woy a ta baba na kra wa?

⁶³A nenga'a a ndzhoƋo wof, a mwindeda pa: NzlembaƋ na Jean. Ta tèlèba ta rzl ta.

⁶⁴A nasa nasa ma nenga'a a mwin na, a nè'èn nenga'a a mpre na, a ngèƋè, a nslubordo Zhiklè.

⁶⁵A zlau a ndza ta nslamagihi ta. Te za Judée tèlèba ta goƋ ma haha.

⁶⁶A ndohi tèlèba man ta tsena'a, ta hérè'a a ta gaƋa: Kra haha a da gi a kra mè? Aman Bi Zhiklè a zhè a nda nenga'a.

⁶⁷A Mèzhèɓ Zhiklè nkezla'a a n'ndha ndav Zacharie, bab kra. A Zacharie a nhodko ma, a ngaƋa:

⁶⁸Vaslubordo Bai, Zhiklè Israel, aman nenga'a a mshkè a sam ndohi na, a mpreka ta auda.

⁶⁹A mva nga ndo m'mbel ndo man wuƋi na zhè, te verzi David, ɓèl na,

⁷⁰ara man a hodko ma te ma ndohi nhadka ma nkezlahia'a hala'a,

⁷¹ara man a gaƌa, a mbel nga te ri ndohi mayamhi nga, te ri ndohi shèwa nga tèlèba.

⁷²Bababhi nga ta sia te va, a hér nderzlèma nenga'a nkezla'a,

⁷³a m'mbèƋè man a mbaƋa na Abraham, bab nga.

⁷⁴Aman te deɓa'a, aman nga mbel nga te ri ndohi mayamhi nga ma, a gi aman nga gi mizlinè nenga'a a zlau ka ɓai,

⁷⁵zura'a, a ndav nkezla'a, a sam di nenga'a, a pats nshèffè nga tèlèba.

⁷⁶Ka ba, kra ga, ta da baba ka ndo nhadka ma Bi Zhiklè te géƋè'a, a ka Ƌè a ma ma a sam di Bi Zhiklè, aman ka tila na civèƋ,

⁷⁷a ka winè ta dai a ndohi na, aman ta rka skwi m'mbel tenga'a, a mali tenga'a mpra'a;

⁷⁸a géƋ man nga si Zhiklè te va. Te nenga'a skwi man a vangka te géƋè'a a mshkè a sam nga,

⁷⁹aman a hela ta sam a ndohai, man ta te ruva, man ta te mèzhèɓ m'metsai, a da pa nga sak a civèƋ gumai.

⁸⁰A kra a grè a grè, a n'ngots wuƋai te Mèzhèɓ Zhiklè, a n'nza te ndev hèshèkèƌ, ha pats man a ngreda ta va na auda a sam ndohi Israel.