Read Mofa New Testament Luke 10 Bible Online

Luke 10 - Mofa New Testament bible

Luke 10

¹Te deɓ nasa, Bai Yèsu a mbaba ta ndohi 70 ngiƋè, a nzlinde ta cèw, cèw, a ma na, a sam tèlèba man a woya a nƋè a pa.

²A ngaƋa ta: Skwi nsla'a a zhè a vata, aman ndohi mizlinè ta az a vata ɓai. Vatsu ri a bi skwi nsla'a, aman a zlinde ta ndohi mizlinè, a ta ɓicè skwi na.

³Vodo! Na haha, i zlinde kinè ara tambakihai a ndev kdadidakhai.

⁴Kin helda gozhèm sulai, a gozhèm nhèsh skwai, a kotokoroh a ri ɓai, a kin zlatsahi a civèƋ man kin gi mbali a ndo ɓai!

⁵A gi ko nangwa nangwa man kin Ƌè a pa, vagaƋa ta nshèlèkura'a: Gumi da zhè tegi haha!

⁶Man ndo gumi a zhè te pa, gumi kinè a da nzi a sam na. Man ɓai, gumi kinè a shkè a deba a sam kinè.

⁷Te gi sa, vanza a pa, kin ndi skwai, a kin si skwai, man ta va kinè. Aman ndo mizlinè sèi a ngècè skwi ntul na. A kin do auda te pa tsam tsam ɓai.

⁸A kokwar ko nangwa nangwa man kin Ƌè a pa, a ta woy kinè, vanza a pa, vandau skwai, man ta va kinè,

⁹vambel ta ndohi matakwan te pa, vagaƋa ta: Kokwar Bi Zhiklè a zhè ndul ndul a sam kinè ma.

¹⁰Kokwar ko nangwa nangwa man kin Ƌè a pa, a ta ce kinè azɓai, vodo auda a dala, a kin gaƌa:

¹¹Ko lokotor kokwar kinè man a ga nga a sak, nga tassa'a, a gi a skwi malwuƌi a géƌ kinè. Sèi kin sun skwi haha: Kokwar Bi Zhiklè a zhè ndul ndul a sam kinè ma.

¹²I gaƌa kinè: a pats kita, kita kokwar haha a da fena kita SoƋome.

¹³Woba ka, kokwar Chorazin! Woba ka, kokwar Béthsaida! Aman agassa nrkedi kumba ar haha ta gu te kokwar Tyr a Sidon, ar ndohi te pa ta ngwoda ndav ta te mèrwèc n'nzi a zhè ma.

¹⁴Aman Tyr a Sidon, dara tenga'a a kinè a pats kita.

¹⁵Ka, Capemaum, ka da grè ta zhiklè ƌè? Ta da kalde ka a vogwa kita.

¹⁶Ndo man a tsena ma kinè, a tsena ma ga. Ndo man a kwol kinè, a kwolyè. A ndo man a kwolyè, a kwol nenga'a man a zlindekayè.

¹⁷Ta 70 ta shkè a deɓa a mwuffè, a ta gaƋa: Bai, ko madzagihai ta tsena ma nga, a nzlembaƋ ngaya.

¹⁸A nenga'a a ngaƌa ta: I rka SaƋan man a kalkaƌahai te zhiklè ara ntsi iyam.

¹⁹Na haha, i va kinè wuƌibai, aman kin bècè a géƌ zhuzhokihai, a varadzhai, a i va kinè wuƌai a géƌ ndo mayam kinè, a faha kinè matakwan azɓai.

²⁰Aman kin wuffa ɓai, a géƌ man mèzhèɓhi ambaɓihia'a ta tsena ma kinè; aman vawuffa, a géƌ man nzlembaƌ kinè mwinƋè'a te zhiklè.

²¹A pats nasa Yèsu a wuffè te Mèzhèɓ nenga'a nkezla'a, a ngaƋa: I shida ka gèƋ, Bab ga, Bi zhiklè a Bi herkeda, aman ka nghede skwi haha a sam ndohi maya, a ndohi man ta sun skwi te gèƋ, a ka ngredkodauda a sam ndohi man ta gre di ɓai. Halau, Bab ga, aman arsa ambaba ka.

²²A ngaƋa ta golahi nenga'a; Skwi tèlèba Bab ga a mvay a rai. Ndo ngiƌè a sun kra ɓai sèi bab na a suna a vava. A ndo ngiƋè a sun Bab kra ɓai, sèi kra na a suna a vava, a ndo man kra a ngreda na.

²³A ngaƋa ta golahi nenga'a, ta a géƋ ta: Mwuffè mbia'a a sam dihai, man ta rka skwi man kin rka'a.

²⁴Aman i gaƋa kinè: Ndohi nhadka ma, a bihi kumba, ta woy a ta rka skwi man kin rka'a, aman ta rka ɓai; a ta woy a ta tsena ma man kin tsena'a, aman ta tsena ɓai.

²⁵Na haha, ndo njèngè ma kita ngiƋè staƋ a nslambaƋa, a mpeda Yèsu a wai, a ngaƋa: Ndo njèngè ma, i gi be kè, aman i ngècè nshèffè a mèƋèp?

²⁶A Yèsu a ngaƋa na: Ta windo mè te ma kita Zhiklè? Ka jèngè mè?

²⁷A nenga'a a m'mbeƋa na a ma: Woy Bi Zhiklè ngaya, a ndav ngaya tèlèba, a nshèffè ngaya tèlèba, a wuƋi ngaya tèlèba, a nhér gèƋ ngaya tèlèba, woy ndo ngaya, ara man ka woy nshèffè ngaya.

²⁸A Yèsu a ngaƌa na: Ka mendayè zura'a. Gu ar haha, a ka nzi a nshèffè.

²⁹A ndo njèngè ma a nzevi na auda, a ngaƌa na Yèsu: Ndo ga wa? A Yèsu a ngaƌa na:

³⁰Ndo ngiƌè a njèkeda kokwar Jérusalem, a mdo Jéricho, a nkala a ndev metsarhai. Ta suƋama na maslaka auda a va, ta keƋa'a, a ta jèkeda pa, te ndav te ndav.

³¹A ndo mvi skwi a Zhiklè a mbeza a civèƋ matsa. Aman a rka'a, a mdo na.

³²Lèmèlèmè ndo Lévite, man a shkè a sama'a, a nrka'a, a mdo na.

³³Te deɓa'a ndo Samarie a mbeza a civèƋè'a. Aman a rka'a, a sia te va,

³⁴a mdo a sam na, a m'mana na mblè nenga'a a mbar a barassa, a zuɓkoƋa a deɓ kƋèh nenga'a, a nda'a a barki, a nwara na dai.

³⁵Te mangoslèma'a, a nco gozhèm, a mva na bab barki, a ngaƋa na: I va ka suli haha, wara na di mbelembela. Aman ka va na skwi a va'a, i da pela ka a pats man i shkè a deɓa.

³⁶Ka hur kè? Te va tengahi makar, ndo ndo man a kala a ndev metsarhi, na wa?

³⁷A nenga'a a ngaƋa: Nenga'a man ndo a sia te va. A Yèsu a ngaƋa na: Ani haha do, a ka gu arsa!

³⁸Te deɓa'a to do a ma a civèƋ, a ta shkè a kokwar ngiƋè. Ngwoz ngiƋè a zhè, nzlembaƋ na Marthe, man a nceda a gi na.

³⁹Demam ngwoza'a a zhè, nzlembaƌ na Marie. Nenga'a a n'nzahai a sam Bi Yèsu, a ntsena ma nenga'a.

⁴⁰A Marthe, mizlinè tsaƋ tsaƋ a ngsedahai. A nherda na va a Yèsu, a ngaƋa: Bai, ka rka ɓi Ƌè, aman demam ga a jèkay mizlinè a gèƋ tèlèba? Anai sèi ka gaƋa na, aman a takahayè.

⁴¹A Bai a m'mbeƋa na a ma: Marthe, Marthe! Ka ngeza a skwi kumba, a mizlinè a ngso ndav ngaya.

⁴²Gso va a skwi staƌgenèî Marie a nco skwi man amba, a ta cè nenga'a te ri na azɓai.