Read Mofa New Testament Luke 11 Bible Online

Luke 11 - Mofa New Testament bible

Luke 11

¹Pats ngiƋè, Yèsu a ntsu ri a sam ngiƋè. Aman a ndeva ntsi rai, staƋ te va golahi nenga'a a ngaƋa na: Bai, slebda nga ntsi rai, ara man Jean a slebda ta golahi nenga'a!

²A nenga'a a ngaƋa ta: Aman kin tsi rai, vagaƋa: Baba, a woy ta kezla nzlembaƌ ngaya. Kokwar-Bi ngaya da shkè.

³Vaka nga skwi n'ndi nga te di mpatsna ba.

⁴Pra nga mali nga, a nga ba, nga pra mali ndo staƋ staƋ tèlèba, man ta gu mali a sam nga. Ka da nga a sam man a pe nga a wi ɓai!

⁵A ngaƋa ta: Te ndev kinè wa, man mandal na a zhè, a Ƌè a sam na a géƋ vaƋ, a ngaƋa na: Pay movar makar, ka payè a va ga ka ɓai.

⁶Mandal ga a mshkè te nshèwèlè, a i ngatsa skwi n'ndi man i va na ɓai.

⁷A nenga'a te gai a mbeƋka na a ma: Ka geday matakwan ɓai, ntamagi mɓara ma, a wudahi ta nzhuna a sam ga. I slaha a i slèmbèƋè a i pa ka azɓai.

⁸I gaƋa kinè, aman a slèmbèƋè azɓai, a pa na, a géƋ man mandal na, aman a slèmbèƋè, a géƋ man a rzla na va a gèƋ, a da va na skwi man a woya'a.

⁹Aman i gaƋa kinè: VodzhoƋo, a ta va kinè. Vawoya, a kin ngècè'a. Voboho a ntamagai, a ta winè a kinè.

¹⁰Ko wawa man a jhèƋè'a, ta va na. Ko wawa man a woya'a, a ngècè'a. Ko wawa man a bèhè a ntamagai, ta wina na.

¹¹Bab kra te ndev kinè wa, man kra nenga'a a jhèƋè klèf, a nva na züzhok te dia'a;

¹²aman a jhèƋè slaslai, a nva na varadza te dia'a.

¹³Ani haha kinè, ndohi ambaɓihia'a, kin sun nvi skwi man amba a wudahi kinè. Bab kinè te zhiklè a fena'a, aman a va ta Mèzhèɓ Zhiklè nkezla'a a tenga'a man ta jhèƋè'a.

¹⁴A Yèsu a ndzor mèzhèɓ ambaɓia'a ngiƋè auda, man a ndeda ndo ngiƋè a ndaɓazlam. Aman a ndzor madzagi auda ma, ndaɓazlam a ngèƌè, a ndohi rèƋèƋè'a ta rzl ta.

¹⁵Matrhia'a te ndev tenga'a ta gaƌa: A jèr madzagihi auda a Béelzébul, bi madzagihai.

¹⁶A ndohi ngiƋè tajkudo, ta dzhoƋo, aman a ngreda ta skwi malwuƋi te zhiklè.

¹⁷Aman nenga'a a sun skwi man ta huro, a ngaƌa ta: Kokwar-Bi staƌ staƌ tèlèba man nkezla te va, a géƌèsh na. A gi man nkezla te va, gèƋ ndohi nenga'a nkezla'a, a nzi azɓai.

¹⁸Aman SaƋan a ngi gèƋ a va na, kokwar-Bi nenga'a a slaha man a nzi Ƌè? Aman kin gaƋa, ijèr madzagihi auda a Béelzébul.

¹⁹Aman iyè, ijèr madzagihi auda a Béelzébul, ndohi kinè ta dzar ta auda a mè? Gar haha tenga'a ta gi a ndohi kita kinè.

²⁰Aman i jèr madzagihi auda a wuƋi Zhiklè. Gar haha kokwar Bi Zhiklè a mshkè a sam kinè ma.

²¹Aman ndo wuƋai, a skwi var a va, a ɓer gi na, skwi nenga'a a nza a gumai.

²²Aman ndo ngiƋè a shkè, wuƋi nenga'a a fena wuƋi ndo var sa, a gi a ngula'a, a ngézlè skwi var nenga'a tèlèba a ma, man ndo matsa a fu gèƋ a vna, a kezla skwi man a hul a metsar a ndohi ngiƋè.

²³Ndo man nga a vna ka ɓai, ndo mayam ga. A ndo man nga ɓicè skwi a vna ka ɓai, a ksarda skwi aussa.

²⁴Aman mèzhèɓ ambaɓia'a a mdo auda te ndo, a Ƌè nshèwèlè a ɓala, a woya sam nshèk va. Aman a da ngècè azɓai, a gaƋa: I woya a i Ƌè a deɓa a gi ga, man i slambaƋka te pa.

²⁵Aman a shkè, a ngècè gai, mpatsa, ntila.

²⁶Te deɓa'a a Ƌè, a hil mèzhèɓhi ambaɓihia'a tsaraƋ a nda nenga'a, ta ambaɓai ta fena nenga'a, a ta Ƌè a pa, a ta nzi a pa. Te deɓa'a ndo haha wuƌitpa holhola'a, a fena matsa.

²⁷Aman a ngoƋ ma haha, ngwoz ngiƋè te va ndohi rèƋèƋèa a hüno ngèƋè, a ngaƋa na: Mwuffè a sam ngwoz man ka yaka t'hwaƋ na, man ka tseƋka wa na!

²⁸A nenga'a a ngaƋa: Mwuffè mbia'a holhola'a a vava a sam ndohi man ta tsena ma Zhiklè, a ta ɓerè te ndav ta.

²⁹Aman ndohi rèƋèƋèa ta haya a vata, a hüno a ngaƋa ta: Ndohi man a géƋ herkeda antanta, ndohi ambaɓihia'a, tajhèƋè skwi malwuƋai. A ta ngècè skwi malwuƋi azɓai, sèi skwi malwuƋi Jonas.

³⁰Lèmèlèmè ara Jonas skwi malwuƌi a sam ndohi Ninive, lèmèlèmè Kra-ndo a sam ndohi herkeda haha.

³¹Bai man ngwoza'a te tsagai, a da slèmbèƌè a sam kita, a nda ndohi haha, a da fa ta mali a gèƋ. Aman nenga'a a mshkè te verzi herkeda, aman a cinè ma maya Salomon.

³²A na haha, ndo a zhè, man a fena Salomon. A ndohi te Ninive ta da slèmbèƋè a sam kita a nda ndohi haha, a ta da fa ta mali a gèƋ. Aman ta ngwoda ndav ta a géƋ njèma Zhiklè man Jonas a njè ta. Na haha, ndo a zhè, man a fena Jonas.

³³Ndo man a fèda vogwa a pitirla, a nghéƋè azɓai, a tuzloma na kokwi a gèƋ azɓai; aman a fèda a géƌ sam nfí pitirla, a ndohi man ta shkè a gai, ta rka vogwa pitirla.

³⁴Di ngaya, ara pitirla va ngaya. Aman di ngaya amba, va ngaya tèlèba nhela. Aman di ngaya di n'ngwèƋè ndo, va ngaya tèlèba nara ruva.

³⁵Gu maya, a woy skwi nhél sam nte va ngaya, ruva ka ɓai!

³⁶Aman va ngaya tèlèba nhela, sam ruva az a pa ɓai, nhela tèlèba, lèmèlèmè ara pitirla, man a hél va ngaya a vogwa nenga'a.

³⁷Aman a ngoƋ ma haha, ndo pharisie ngiƋè staƋ a ndzhoƋo, áman a Ƌè a ndi skwi n'ndai a sam na. A Yèsu a mdo, a ndau skwi a vna.

³⁸Aman ndo pharisie a rka'a, a nhur a vata, a géƌ man a mpana ri ɓai, ga a ndi skwi n'ndai.

³⁹A Bai a ngaƋa na: Anai, kinè ndohi pharisie, kin pènè deɓ kokwi a gandaf; aman ndav kinè n'ndha a skwi metsar a malai.

⁴⁰Ndohi nrzla'a! Ndo n'nga deɓ skwai, a gu ga deɓa'a a hwaƋa'a ka ɓi Ƌè?

⁴¹Nshèlèkura'a vava na skwi a Zhiklè, te skwi man kin ngotso. A na haha, skwi tèlèba a nga'a a skwi mpana'a a sam kinè.

⁴²Aman woba kinè, ndohi pharisie! Kin vi skwi staƋ te va kula, te skwi nkèshèa; aman kin fa na gèƋ a ma kita a mwoy-ndo Zhiklè ɓai. Aman ar agassa sèi kin gr skwi haha, a kin jèkaha ngiƋè azɓai.

⁴³Woba kinè, ndohi pharisie! Aman kin woya sam n'nzi a ma te gi njèngè ma Zhiklè, a kin woy a ta ga kinè mbalai a luma.

⁴⁴Woba kinè! Aman kinè lèmèlèmè ara gi dzavihai, a ndohi man ta beza a pa, ta sun a ta gaƌa: Gi dzavi ɓai.

⁴⁵A ndo njèngè ma kita staƋ a m'mbeƋa na a ma: Ndo njèngè ma, aman ka gèƋ ma haha, ka derƋe nga ba.

⁴⁶A Yèsu a ngaƋa: Woba kinè ba, ndohi njèngè ma kita! Aman kin va ta skwi mwuƋitpa a gèƋ a ndohai, man ta zhüɓè'a, aman kin takaha ta azɓai, ko kèshkata.

⁴⁷Woba kinè! Aman kin rèm gi dzavi ndohi nhadka ma, man bababhi kinè ta bazl ta.

⁴⁸Gar haha kin ngreda skwi babhi kinè, a kin mba a mizlinè a nda babhi kinè. Tenga'a ta mbozlo, a kin wuffè a géƋè'a, a kinè nrèm gi dzavi tenga'a.

⁴⁹Gar haha Zhiklè a ngoƋ te maya na: I da zlinde ta ndohi nhadka ma a ndohi sak. A matrhia'a te va tenga'a ta da bazl ta, a ta da paraha ta.

⁵⁰Aman pombaz ndohi nhadka ma tèlèba, man ta bazl ta, te nhinkad herkeda,

⁵¹ta jhèƋè'a te ri ndohi herkeda haha, a hüno a sam pombaz Abel, ha nƋè a pombaz Zacharie, man ta keƋa a sam mvi skwi a Zhiklè, a ma gi Zhiklè. A vava, i gaƌa kinè, ta jhèƌè'a, te ri ndohi haha.

⁵²Woba kinè, ndohi njèngè ma kita! Aman skwi mwinè maya, kin ceda ma; aman kinè ba kin Ƌè a pa azɓai, a kin gedassa civèƋ ndohi man ta woy a ta Ƌè a pa.

⁵³Aman a ndo auda te gai, malamhai a ndohi pharisieta hüno a ta jénjèrè'a, a ta jhèƋè skwi kumba.

⁵⁴A ta pa na di a ma, ta woy a ta pinè a géƋè'a.