Read Mofa New Testament Luke 18 Bible Online

Luke 18 - Mofa New Testament bible

Luke 18

¹A ngaƋa ta a ngèlègèƋma: Amba aman kin tsi ri pèc pècèk, a kin ngez ɓai!

²A ngaƋa: Ndo kita ngiƋè a zhè te kokwar ngiƋè, man a fi gèƋ a Zhiklè azɓai, man a fi gèƋ a ndo azɓai.

³Ngwoz mazi staƋ a zhè te kokwar matsa, a mshkè a sam na, a ngaƋa: Takahayè a sam mayamhi ga!

⁴Pèc pècèk a woya ɓai. Aman te deɓa'a a huro: Aman i gi zlau Zhiklè azɓai, ko i gi hori ndo azɓai,

⁵i woya man i takaha ngwoz mazi nana, da ngezyè pèc pècèk asaɓai!

⁶A Bai Yèsu a ngaƋa: Vatsena ma man ndo kita nzura'a ka ɓi haha a ngoƌo.

⁷A Zhiklè a takaha ta ndohi man a parka ta, azɓi ƌè, man ta tsi ria'a a pats a vaƋ? A gi ndawali a ntakaha ta Ƌè?

⁸I gaƋa kinè, a takaha ta tsam tsam. Aman Kra-ndo a shkè, a da ngècè ncè-a-ndav t'herkeda Ƌè?

⁹A ngaƋa ta ndohi ngiƋè, man ta hur te ndav: nga ndohi nzura'a, a ta rka ta ndohi ngiƋè ara ndohi ambalai, ngèlègèƋma haha:

¹⁰Ndohi ngiƋè cèw to do a gi Zhiklè, aman ta tsi rai. StaƋ ndo pharisie, ngiƌè ndo ncèkèlè skwai.

¹¹Ndo pharisie a nzlatsa, a ntsu ri arsa: Zhiklè, i shida ka gèƌ, a géƌ man iyè ara ndohi ngiƌè ka ɓai, ara ndohi nkeƌ ndo ka ɓai, ndohi man ta gi zura'a azɓi ka ɓai, ndohi mphömè ka ɓai, ara ndo ncèkèlè skwai haha ka ɓai.

¹²I jèkeda skwi n'ndai t'hwaƌ luma cèw cèw; te va skwi tèlèba man i ngotso, i cè auda staƌ te va kula, a i va na Zhiklè.

¹³A ndo ncèkèlè skwai a nzlatsa dra, a woya a nce gèƌ a zhiklè ɓai, a mpeda ri a ndav, a ngaƌa: Zhiklè, i da se ka te va, i ndo malai!

¹⁴I gaƌa kinè: Nenga'a a n'ndo ngwai a ndo nzura'a, nara ngiƌè ka ɓai. Ndo man a grè gèƌ naari na, ta manda na gèƌ a hai. Ndo man a manda gèƌ na a hai a ri na, ta da slambaƌda na gèƌ.

¹⁵A ta hulkoƋi wudahi a sam na, aman a lama ta. Aman golahi Yèsu ta rka'a, a ta ga ta ndzoan a ndohi nhelka ta wudahai.

¹⁶Aman Yèsu a mbaba ta, a ngaƋa: Vajèk ta wudahai, aman ta shkè a sam ga. Kin gedassa civèƋ tenga"a ɓai! Aman kokwar Bi Zhiklè a ndohi ara tenga'a.

¹⁷A vava, i gaƌa kinè: Ko wawa man a cè kokwar Bi Zhiklè ara kra azɓai, a Ƌè a pa azɓai.

¹⁸A ndo mbia ngiƌè a ndzhoƌo, a ngaƌa: Ndo njèngè ma man amba, i gi be kè, aman i ngècè nshèffè a mèƋèp?

¹⁹Yèsu a ngaƋa na: Ka babayè man amba èhèmè? Ndo man amba azɓai, sèi Zhiklè staƋgenè.

²⁰Ka sun ma nkwèr Zhiklè: Kagu mphömèɓai, kakuƋndoɓai, kagu metsar ɓai, ka gu malwuƋi ncèkèlma ɓai, slubordo bab ngaya a mam ngaya!

²¹A nenga'a a ngaƋa na: I goko skwi haha tèlèba daga kra.

²²A Yèsu a ntsena ma nenga'a, a ngaƋa na: Njèka'a a sam ngaya skwi staƋ: Preda skwi ngaya tèlèba a ma, kezla ta ndohi ntawassa'a, a ka ngècè skwi mèshèlè te zhiklè te gèƋè'a; a ka shkè, dzadzarkayè!

²³Aman a ntsena ma haha, a ndza na a ndav kumba, aman skwi nenga'a a a zhè a vata.

²⁴Aman Yèsu a rka'a, ndav nenga'a a kuƋai, a ngaƋa: WuƋitpa a ndohi man skwi tenga'a a zhè a vata, man ta Ƌè a kokwar Bi Zhiklè.

²⁵Dara zlugumai a bizhè a vèvèƋ lèpèr, a gèƋ ndo mèshèlè man a Ƌè a kokwar Bi Zhiklè.

²⁶A ndohi man ta tsena'a, ta gaƋa: Nslaha man a mbèl wa?

²⁷A nenga'a a ngaƋa ta: Skwi man ndohi ta slaha ɓai, Zhiklè a slaha.

²⁸A Pierre a ngaƋa: Na haha, nga jèkeda skwi nga tèlèba, a nga dzadzar ka.

²⁹Yèsu a ngaƌa ta: A vava, i gaƌa kinè, ndo azɓai, man a njèkeda gi na, a bab na, a mam na, a kramamhi na, a ngwoz na, a wudahi na, a gèƋ kokwar Bi Zhiklè,

³⁰man a ngècè skwi kumba a deɓa azɓai, t'herkeda antanta, te deɓa'a a pats man a di a shkè, nshèffè a mèƋèp.

³¹Te deɓa'a a nhel ta 12 a sam na, a ngaƌa ta: Na haha, nga Ƌè a kokwar Jèrusalem, a skwi tèlèba man ndohi nhadka ma ta windo a géƌ Kra-ndo, a da gai.

³²Aman ta da va na a ri a ndohi herkeda, ta da ngwossaha kiƌèkiƌè'a, a ta dirƌè'a, a ta jfa na slèslèɓ a dai;

³³ta nƋèha'a a mènèwèd, te deɓa'a ta da keda'a. Aman a pats mamakara'a a da slambaƋkaƋauda te m'metsai.

³⁴A golahi nenga'a ta tsena na haha ɓai. Ma haha n'ngheda a sam ta, a ta tsena ngèƋè nenga'a ɓai.

³⁵Te deɓ nasa, Yèsu a mdo a kokwar Jèricho. A ndo mandazlai ngiƋè a n'nza a civèƋ, aman a jhèƋè skwai.

³⁶Aman a tsena ndohi rèƋèƋèa, man ta beza a pa, a ndzhoƋo: Mbeza a haha wa?

³⁷A ta gaƋa na: Yèsu, ndo Nazareth a bizhè a pa.

³⁸A nenga'a a ngaƋa: Yèsu, kra David, i da se ka te va!

³⁹A ndohi ngiƋè ta ga na ndzoan, aman a nzi tètè. Aman nenga'a a mboho a wuƋi holhola'a: Kra David, i da se ka te va!

⁴⁰A Yèsu a nzlatsa a pa, a ngoƋa, aman ta ckoƋa a sam na. Aman a herda na va,

⁴¹a ndzhoƋo: Ka woya man a i ga ka mè? Bai, i woya man i ngècè di ga, a i rka'a.

⁴²A Yèsu a ngaƋa na: Di ngaya da rka! Aman ncè-a-ndav ngaya a mbel ka ma!

⁴³A nasa nasa a n'ngots di na, a rka dai, a ndzodzor Yèsu, a nslubordo Zhiklè. A ndohi tèlèba man ta rka'a, ta shida na gèƋ a Zhiklè.