Read Mofa New Testament Luke 19 Bible Online

Luke 19 - Mofa New Testament bible

Luke 19

¹A nenga'a a mdo, a mbeza a kokwar Jéricho.

²Na haha, ndo ngiƋè a zhè, nzlembaƋ na Zachée, bi ndohi ncèkèlè skwai, ndo mèshèlè.

³A woya man a rka Yèsu a dai, a slaha ɓai, ndohi rèƋèƋè'a; nenga'a kwolèlè.

⁴A nenga'a a mhau, a nteva wof kslor, aman ta gaƋa Yèsu a di a bizhè a pa, a woya a rka'a.

⁵Aman a shkè a sama'a, Yèsu a nrka'a, a ngaƋa na: Zachée, sulomkaƋahai tsam tsam, aman a patsna i Ƌè a gi ngaya.

⁶A nenga'a a mshkèhi tsam tsam, a nco Yèsu a mwuffè.

⁷Aman ndohi ngiƋè ta rka'a, a ta gu ndav, a ta gaƌa: A ndo a gi ndo mali ngiƌè, aman a nzi a pa.

⁸Aman Zachée nzlatsa, a ngaƋa na Bai: Na haha, Bai, rèta skwi ga, i da va ta ndohi ntawassa'a. Man i co skwi ndo ngiƋè a wuƋai, i menda na a deɓa, a gi faƋ ba.

⁹A Yèsu a ngaƋa na: A patsna skwi m'mbel ndo a shkè a gi haha, aman nenga'a ba, verzi Abraham.

¹⁰Kra-ndo a mshkè, a woya'a, a mbela skwi man a ze na.

¹¹Aman ta tsena ma haha, a ngaƋa ta ngèlègèƋma ngiƋè, te man nenga'a ndul ndul a ma kokwar Jérusalem, a ta huro, kokwar Bi Zhiklè a shkè a nasa nasa.

¹²A ngaƋa: Ndo ngiƋè, ndo mbia'a, a ndo nshèwèlè a kokwar ngiƋè dra, a nƋè, a woya bai. Te deɓa'a a nhur a shkè a deɓa a ngwai.

¹³A mbaba ta ɓèlèlihi nenga'a kula, a mva ta gozhèm kula, a ngaƋa ta: Vagu mizlinè, ha i shkè.

¹⁴Aman ndohi kokwar sa, ta gu shèwa a vna. Ta zlinde ta ndohi sak tenga'a a verzi na, a ta gaƋa: Nga woya nenga'a a bi nga ɓai!

¹⁵A ta fèda a bai, a nenga'a a nshkè na ngwai. A mbaba ta ɓèlèlihi na, man a mva ta suli a rai, a woya a nsun skwi man staƋ staƋ a gau, a ta ngotso a vna.

¹⁶Ndo nshèlèkura'a a mshkè, a ngaƌa: Bai, a suli ngaya, i ngóts gozhèm kula a va'a.

¹⁷A nenga'a a ngaƋa na: Ka gu amba, ka ɓèl nlèɓèslèa! Te man ka lèɓèslè a géƋ skwi nkèshèa; i va ka wuƋi bai a géƋ kokwarhi kula.

¹⁸A ndo ngiƋè a mshkè, a ngaƋa: Bai, a suli ngaya i ngots gozhèm zlam a va'a.

¹⁹A nenga'a a ngaƋa na: A ka, i va ka wuƋai a géƋ kokwarhi zlam.

²⁰A ndo ngiƋè a mshkè, a ngaƋa: Bai, na haha suli ngaya man i ɓür te mpèƌè gèƌ.

²¹I gu zlau, ka ndo mwuƌitpa, ka cè skwi a sam man ka fa a pa ɓai, ka ɓicè skwi a sam man ka zleka a pa ɓai.

²²A nenga'a a ngaƋa na: I gi kita ngaya, a géƋ ma ngaya, ka ɓèl ambaɓia'a! Ka suna, i ndo man wuƋitpa, man i cè skwi a sam man i fa a pa ɓai, i ɓicè skwai a sam man i zleka a pa ɓai.

²³Ka va ta suli a ri a ndohi nhumbèƌè suli ɓi èhèmè? Te deɓa'a, man i shkè, i jhèƌè a deɓa, a i ngècè mpataka a va'a.

²⁴A nenga'a a ngaƋa ta ndohi man ta zlatsa a pa. Voco suli te ri nenga'a, a kin va na ava'aa ndo man a ngots gozhèm kula.

²⁵A ta gaƌa na: Bai, nenga'a a ngots gozhèm kula ma!

²⁶I gaƋa kinè: A ndo staƋ staƋ tèlèba, man a ngots skwai, ta va na a va'a. Aman a sam ndo man a ngatsa skwa ɓai, ta cèma na, ko skwi man a ngotso ba.

²⁷Aman ndohi mayamhi ga, man ta woy iyè a bi tenga'a ɓai, vahelka ta, vazlama ta da'ai a sam di ga!

²⁸Aman a ngoƋ ma haha a mdo a ma tenga'a a kokwar Jérusalem.

²⁹Aman ndul ndul a kokwar Bethphagé a Béthanie, a der za man ta baba na oliviers, a nzlinde ta golahi nenga'a cèw, a ngaƋa:

³⁰Vodo a kokwar a ma kinè. Aman kin Ƌè a pa, kin ngècè gol kƋèh, m'mana'a, ndo a n'nza a deɓ nenga'a di ɓai. VaprokoƋai, a kin ckoyèî

³¹Aman ndo ngiƋè a dzhaƋ kinè: Kin prokoƋi èhèmè? Kin gaƋa na: Bai a woya'a.

³²A golahi man a zlinde ta, to do, a ta ngotso, ara man a gaƋa ta.

³³Aman ta prokoƋi gol kƋèh, babhi kƋèh ta gaƋa ta: Kin prokoƋi gol kƋèh èhèmè?

³⁴A ta gaƋa: Bai a woya'a.

³⁵A ta ckoƋa a sam Yèsu. A ta va na maslaka ta a deɓ kƋèh, a Yèsu a n'nza a pa.

³⁶Aman a ndo a civèƋ, ndohi ta wuzheda maslaka tenga'a a civèƋ.

³⁷Aman a zhè ndul ndul a der za oliviers, golahi nenga'a rèƋèƋèa tèlèba ta hüno a ta wuffè, a ta slébèrƋè Zhiklè a géƋ nrkedi tèlèba, man ta rka'a, a ta gaƋa:

³⁸Nga slébèrƋè nenga'a man a shkè haha a nzlembaƋ Bi Zhiklè! Gumai a n'njèlè te zhiklè te géƋè'a!

³⁹A ndohi pharisie ngiƋè te ndev ndohi rèƋèƋè'a ta gaƌa na: Ndo njèngè ma, ga ta ndzoan a golahi ngaya!

⁴⁰A nenga'a a m'mbeƌa ta a ma: A vava, i gaƌa kinè, man agassa tengahi ta nze tètè, ar kwahi ta hèzlèwè, a ta gèƌè a wuƋai.

⁴¹Aman a zhè ndul ndul a ma kokwar, a mpu di a kokwar, a kuƌai a gèƌ nenga'a,

⁴²a ngaƌa: A woy ka ba, ka sun skwi man a va ka gumai! Ko a patsna! Aman antanta n'ngheda a sam di ngaya.

⁴³Aman pats a di a shkè, aman mayamhi ngaya ta tèuda ka a pa, ta ƌaka a gèƌ, a ta ndeƌats ka,

⁴⁴a ta ɓazl kinè a nda wudahi ngaya, ko kwa staƌ a nzi a gèƌ ngiƌè azɓai; te man a pats man Zhiklè a ndo a sam ngaya, ka sun ɓai.

⁴⁵Aman a mdo a gi Zhiklè, a hüno a ndzar ta ndohi mprè skwai auda,

⁴⁶a ngaƋa ta: Ta windo te Ƌèlèwèr Zhiklè: gi ga, gi ntsi rai. Aman kinè, kin ndeda a gi ndohi metsar.

⁴⁷A Yèsu a njè ta te gi Zhiklè pèc pècèk, a ndohi mvi skwi a Zhiklè mbibihia'a, a malamhai, a tsuvom ndohai, ta woy a ta keƋa'a.

⁴⁸Aman ta ngatsa maya ɓai. Ndohi tèlèba ta dzodzora, aman ta tsun ma nenga'a.