Read Mofa New Testament Luke 21 Bible Online

Luke 21 - Mofa New Testament bible

Luke 21

¹A Yèsu a mpu dai, a nrka ta ndo hi mèshèlè, ta pi skwi man ta va na Zhiklè a koti sulai.

²A nrka ngwoz mazai ntawassa ngiƋè, a mpeda sissi cèw a pa.

³A Yèsu a ngaƋa: A vava, i gaƋa kinè, ngwoz mazi ntawassa'a haha a mpau, a fena ndohi ngiƋè tèlèba.

⁴Aman ndohi ngiƋè tèlèba ta va na Zhiklè njèkèƋia'a te skwi man a ngeza ta ma; aman nenga'a a mpau skwi tèlèba man a ngotso a gèƌ skwi n'ndai.

⁵Aman ndohi ngiƋè te gi Zhiklè ta gaƋa: Gi Zhiklè ndertsatsa amba, ntila a kwa mbela'a. A Yèsu a ngaƋa:

⁶Skwi man kin rka haha pats a di a shkè, aman ko kwa staƋ a nzi a géƋ ngiƋè azɓai, a da mbeƋ na tèlèba.

⁷A ta dzhoƋo; Ndo njèngè ma, skwi haha a da gi a ngèmè? GaƋa nga, nga da shinè íe mè, amari a da gi ar haha?

⁸A nenga'a a ngaƋa: Vagu maya, ndo da pèkètèd kinè ɓai! Aman ta kumba ta da shkè a nzlembaƋ ga, a ta gaƋa: I nenga'a, a patsa a zhè ndul ndul. Kin dzodzor ma tenga'a ɓai!

⁹Aman kin tsena ma var, a nrubi var, kin gu zlau ɓai! Skwi ar haha sèi a gi nshèlèkura'a dai. Aman n'ndikèma skwi a shkè tsam tsam di azɓai.

¹⁰Te deɓa'a a ngaƋa ta: Ndohi herkeda ngiƋè ta da slèmbèƋè a ta gi var a ndohi herkeda ngiƋè; kokwar-Bi ngiƋè a da síambaƋa na va a kokwar-Bi ngiƋè;

¹¹herkeda a da gudzi a sam tsaƋ tsaƋ, a mi a gi a herkeda, a matakwan ambaɓia'a tsaƋ tsaƋ. Zlau mbia'a, a skwihi n'ngreda skwi mbia'a ta shkè te zhiklè.

¹²Aman nshèlèkura'a ta da fi ri a kinè. Ta da paraha kinè, ta de kinè a gi njèngè ma Zhiklè, a gi dangai, ta de kinè a sam bihai, a sam ngomna, a géƌ nzlembaƌ ga.

¹³A skwi haha a gi a skwi malwuƌi kinè.

¹⁴Kin hur ɓai, ara man kin woy a kin tsoko gèƌ kinè auda.

¹⁵Aman i da va kinè ma a maya, aman ndohi mayamhi kinè ta slaha ta mbeƌa kinè a ma ɓai, a ta shèl va a sam kinè azɓai.

¹⁶Aman ko bab a mam kinè, a kramamhi kinè, a gwoli kinè, a mandalahi kinè, ta da gs kinè, a matrhia'a te ndev kinè ta da bazl ta.

¹⁷Tèlèba ta da gi shèwa a kinè, a géƋ nzlembaƋ ga.

¹⁸Aman ko gwots gèƋ kinè staƋ a zi azɓai.

¹⁹Aman kin manandav kinè a kin Ƌè a ma ma, kin da mbél nshèffè kinè.

²⁰Aman kin rka Jérusalem, man ndohi var ta tèuda a pa, vahuro, skwi ngedassa'a a zhè ndul ndul.

²¹Te deɓa'a ndohi man ta zhè te Judée, da hu a za, a ndohi te ndev kokwar Jérusalem, da wuc ta, a ndohi te dak do do a kokwar ɓai.

²²Aman nasa pats ndzoan Zhiklè, skwi tèlèba a di a gia'a, ara man ta wjndo te Ƌèlèwèr Zhiklè.

²³A pats nasa woba ngwozi man ta a hwaƋ, a ngwozi man a wuda a rai. Matakwan mbia'a a da zhè te kokwar, a ndzoan Zhiklè mbia'a a géƋ ndohai.

²⁴A ta bazl ta a tsakwal, a ta hel ta, ndzawa'a, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha n'ndikèma wuƌi ndohi nte deɓa.

²⁵Te va pats, a kia, a bantihai, skwi ngiƋè a rkè, a ndohi a géƋ herkeda ta da gi zlau, a ta sun man ta gia ɓai. Woyam mbia'a a da hubètè, a gi tskuƋuftskuƋufa'a,

²⁶a ndohi ta gi sawa'a a zlau, a ta zhèr skwi man a di a shkè a géƋ herkeda; a wuƌihi nte zhiklè te gèƌé'a ta wurƌko va.

²⁷Te deɓa'a ta rka Kra-ndo man a shkè te va vanai, a wuƌai a n'njèlè mbia'a.

²⁸Aman skwihi haha ta hinè a ta gia'a, vazlatseda va, vaceda gèƌ a zhiklè, aman skwi m'mbel kinè a herdeka kinè va.

²⁹A ngaäa ta a ngèlègèƋma: Varka wof tèngètè, a wofhi tèlèba.

³⁰Man kin rka vah tenga'a ta Ƌai, vi ndul ndul ma.

³¹Lèmèlèmè kinè ba, aman kin rka skwi haha a shkè, vasuna, kokwar Bi Zhiklè a zhè ndul ndul.

³²I gaƋa kinè a vava, ndohi man a géƋ herkeda antanta, ta da metsi azɓai, sèi skwi haha a gi dai.

³³GiƋfèk a herkeda ta ndiv ta. Aman ma ga a ndivè azɓai.

³⁴Aman kinè, vagu maya a géƌ va kinè, ndav kinè da ndha ɓai a ntétékè skwi n'ndai, a zom, a zlau a géƋ nshèffè kinè t'herkeda, a pats nasa a shkè a géƋ kinè tsam tsam,

³⁵n'nga'a a sam ndohi herkeda tèlèba ara ɓalai.

³⁶Anai vanza a dai, vatsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam Kra-ndo.

³⁷A pats, Yèsu a nsenda ta te gi Zhiklè. A vaƋ a mdo auda, a m'mana a géƌ za oliviers.

³⁸A prèk, ndohi tèlèba ta shkè a gi Zhiklè, aman ta tsena ma nenga'a.