Read Mofa New Testament Luke 4 Bible Online

Luke 4 - Mofa New Testament bible

Luke 4

¹A Yèsu, n'ndha a Mèzhèɓ Zhiklè nkezla'a, a mshkè a deɓa te woyam Jourdain. A Mèzhèɓ Zhiklè a nda'a a hèshèkèƋ, m'mèn 40, a bi madzagai a mpeda a wai.

²Te ndev nasaa n'nda skwa ɓai. Te deɓa'a, a mi a nkeƋa'a.

³A bi madzagai a ngaƋa na: Aman ka, ka kra Zhiklè, gaƋa na kwa haha a ngwode va na a movar!

⁴A Yèsu a m'mbeƋa na a ma: Ta windo te Ƌèlèwèr Zhiklè: Ndo a nzi a nshèffè a géƋ movar genè ka ɓai.

⁵A bi madzagai a nda'a a géƋè'a, a n'ngra na kokwar bihi herkeda tèlèba, njiƋè mpcokdai.

⁶A bi madzagai a ngaƋa na: WuƋibi haha tèlèba, a n'njèl nenga'a, i da va ka. Ta te ri ga, a i va na a ndo man i woya'a.

⁷Aman ka kèlèhi a deɓ sak ga, a ka tsi ri a iyè, nenga'a tèlèba a ngaya.

⁸A Yèsu a m'mbeƋa na a ma: Ta windo te Ƌèlèwèr Zhiklè: Sèi ka kèlèhi a deɓ sak Bi Zhiklè ngaya genè, a ka gi mizlinè nenga'a genè.

⁹A bi madzagai a n'nda Yèsu a kokwar Jérusalem, a nda'a a gèƋ gi Zhiklè, a ngaƋa na: Aman ka, ka kra Zhiklè, kalde va ngaya a hai a géƋè'a haha.

¹⁰Aman ta windo te Ƌèlèwèr Zhiklè: Zhiklè a da gaƋa ta golahi nenga'a, aman ta ɓer ka,

¹¹a ta ndaw ka, aman kwa a da tsama ka sak azɓai.

¹²A Yèsu a m'mbeƋa na a ma: Ɗèlèwèr Zhiklè a gaƌa: Ka jkeda Bi Zhiklè ngaya ɓai!

¹³Aman bi madzagai a mpeda Yèsu a wi klèng ma, a njèkaha kètè.

¹⁴A Yèsu a m'men na a deɓa a kokwar Galilée, a wuƋi Mèzhèɓ Zhiklè nkezla'a. A labar ma nenga'a a mdo a ma ma a kokwar kokwar tèlèba.

¹⁵A Yèsu a nsenda ta te gi njèngè ma Zhiklè, tèlèba ta slébèrƋè'a.

¹⁶A Yèsu a mshkè a kokwar Nazareth, a sam man a gra a pa, a ndo a gi njèngè ma Zhiklè a pats nshèk va, ara man a gia pèc pècèk, a nslambaƌa, aman a jèngè ma Zhiklè.

¹⁷A ta va na ƌèlèwèr Esaie. Mwin Ƌèlèwèr, a n'ngots sama'a man ta windo:

¹⁸Mèzhèɓ Bai a géƋ ga; nenga'a a faƋayè mbar a gèƋ, man i njè ta ma mbela'a a ndohi ntawassa'a. A nzlindekayè (man i bid ta ndohi man ndav ta a kuƋai,) a i njè ta ndohi dangai, ta pra ma,

¹⁹a ndohi mandazlai, aman a ta rka dai, a ndohi man ta lèyè, matakwan tenga'a klèng ma, a i njè mvi-Bi man amba.

²⁰Aman a mpizlè Ƌèlèwèr ma, a mva na a deɓa a ri ndo mizlinè, a n'nzahai. A ndohi tèlèba te gi njèngè ma Zhiklè ta pa na dai.

²¹A Yèsu a hüno man a ngaƋa ta: Ma man kin tsena a zlembaƋ kinè, a patsna nrufa tèlèba ma.

²²A ndohi tèlèba ta goƋ ngèƋè a nda nenga'a, a ta rzl ta a géƋ ma man amba man a shkè auda te ma nenga'a. A ta gaƋa: Nengà'a kra Joseph ka ɓi Ƌè?

²³A nenga'a a ngaƋa ta: Kin da gaƋayè a ngèlègèƋma haha: Ndo madzaf, mbela va ngaya a ri ngaya! A kin da gaƋaye: Skwi tèlèba man nga tsena, ka gu te kokwar Capemaum, gu a haha ba, te kokwar bab ngayal

²⁴Aman nenga'a a ngaƋa ta: A vava, i gaƋa kinè, ndo nhadka ma ambaba ta te kokwar bab na ɓai.

²⁵A vava, i gaƋa kinè: Te va man Elie a zhè, ngwozi mazihi kumba ta zhè te kokwar Israel, te va man giƋfèk a mpizl na mvi makar a ki mokwa, a mi mbia'a a ngu a géƋ herkeda tèlèba.

²⁶A Zhiklè a nzIündo Elie a sam ngiƋè ɓai, sèi a sam ngwoz mazai te Sarepta, te Sidon.

²⁷Ndohi hutsoƋ ba kumba ta zhè te kokwar Israel, te va man Elisée a zhè. A ndo ngiƋè a nsuƋ na ɓai, sèi Naaman, ndo Syrie.

²⁸A ndohi tèlèba te gi njèngè ma Zhiklè, man ta tsena ma haha, ta gu ndav a vata.

²⁹A ta slambaƋa, a ta dzardauda te kokwar, a ta da'a a géƋ za, man ta ramda kokwar a géƌèa, a ta woy a ta zukdahai.

³⁰Aman nenga'a a mbeza a ndev tenga'a tèlèba, a mdo na.

³¹A Yèsu a nsulomahai a Capemaum, kokwar ngiƌè te Galilée, a nsenda ta ndohi a pats nshèk va.

³²A ta rzl ta a vata a géƋ njèma nenga'a. Aman ma nenga'a a h'ngots wuƋibai.

³³Ndo ngiƋè a zhè te gi njèngè ma Zhiklè, madzagi a ga na. Nenga'a a ntsu lalau, a ngaƋa:

³⁴Nga gakaƋa a ka mè, Yèsu te Nazareth? Ka shkè a ngedas nga Ƌè? I sun ngakaƋ ngaya: Ka ndo man Zhiklè a nkezla'a!

³⁵A Yèsu a nguva, a ngaƋa: Nze tètè, do auda te ndo sa! Aman madzagai a nkalde ndo matsa a ndev ndohai, a ndo auda te va nenga'a; na te va ɓai.

³⁶A ndohi tèlèba ta rzl ta, a ta goƋ a va ta: Ma haha ma mè? A fa ta ma a gèƋ a mèzhèɓhi ambaɓihia'a a wuƋai, a ta Ƌè auda te va ndohai.

³⁷A labar ma nenga'a a ndo a ma ma a kokwar a kokwar a tsagi Capemaum tèlèba.

³⁸A Yèsu a nslambaƋa te gi njèngè ma Zhiklè, a ndo a gi Simon. Skwar Simon mbelakaɓai, vogwa kumba a va. A ta baba na Yèsu a géƋ nenga'a.

³⁹A Yèsu a nguɓda deɓ a hai a géƋ nenga'a, a nguva vogwa man a va, a vogwa a ndal na. Tsam tsam ngwoz a nslambaƋa, a ntakaha ta.

⁴⁰A dakwaƋ, ta hulkoƋi ndohi matakwan a ndohi man skwa a dza ta tèlèba a sam na. A nenga'a a mfa ta ri a gèƋ, a m'mbel ta.

⁴¹Madzagihi ngiƋè íö do auda te ndev ndohai, a ta tsu lalau, a ta gaƋa: Ka kra Zhiklè! A nenga'a a nguv ta, a mva ta civèƋ aman ta gèƋè ɓai. Aman ta suna, nenga'a Kristi.

⁴²Aman sam nciƋa ta ma, a ndo a sam ngiƋè a géƋ na. A ndohi rèƋèƋèa ta woya'a, a ta shkè a sam na, a ta zlatska na ma, a ta woya man a njèke ta ɓai.

⁴³Aman Yèsu a ngaƋa ta: Sèi i Ƌè a kokwar mbia'a ngiƋè ba, aman i njè ta ma mbela'a man a kökwar Bi Zhiklè. Aman Zhiklè a nzlindekayè a géƌ nenga'a.

⁴⁴A Yèsu a njè ta ma te gi njèngè ma Zhiklè te Judée.