Read Mofa New Testament Luke 6 Bible Online

Luke 6 - Mofa New Testament bible

Luke 6

¹Te deɓ nasa n'ngu ar haha: A pats nshèk va, Yèsu a mbeza a ndev gi dau, a golahi nenga'a ta hüno a ta pèsl dau a ta shürtè'a, a ta peƌia'a.

²A ndohi pharisie ngiƋè ta gaƋa ta: Kin gi skwi ambaɓia'a a pats nshèk va èhèmè?

³A Yèsu a m'mbeƋa ta a ma: Kin jènga ɓi Ƌè, skwi man David a ngau, aman mi a nkeda'a, a tengahi man ta zhè a sam na?

⁴A ndo a gi Zhiklè, a n'ndau movar nkezla'a, a mva ta tenga'a ba man ta zhè a sam na, movar man sèi ndohi mvi skwi a Zhiklè ta ndia'a genè?

⁵A ngaƋa ta: Kra-ndo, bai, a géƋ pats nshèk va ba.

⁶Te deɓ nasa, a pats nshèk va ngiƋè, Yèsu a mdo a gi njèngè ma Zhiklè, a nsenda ta ndohai. Ndo staƋ a zhè te pa, ri mandi nenga'a ngwora.

⁷A malamhai, a ndohi pharisie, ta kotè Yèsu, aman ta rka'a: A da mbela, a a pats nshèk va Ƌè? Ta woya aman ta ngècè skwai a ta pinè'a.

⁸Aman Yèsu a sun skwi man ta héréa, a ngaƌa na ndo man ri nenga'a ngwora: Slambaƌa, zlatsa a ndev ndohai! A nenga'a a nslambaƋa, a nzlatsa a pa.

⁹A Yèsu a ngaƋa ta: I woya man i dzhaƋ kinè: M'mbela nangwa; aman ta gi skwi man amba a pats nshèk va Ƌè, Ƌè skwi man ambaɓi Ƌè? Aman ta mbél nshèffè Ƌè, Ƌè aman ta géƌèshè Ƌè?

¹⁰Aman a pi di a ndohi tèlèba, a ngaƋa na ndo matsa: Pelaha ri ngaya! A nenga'a a ngu arsa, a ri nenga'a ntila ma.

¹¹A ndohi ta gu ndav, a ta goƋ a va ta: Nga da ga na Yèsu kè?

¹²Te deɓ nasa a mdo a géƋ za, aman a tsi rai.

¹³A vaƋ tèlèba a n'nza, a ntsi ri a Zhiklè hzlatsagai. Aman sam nciƋa ma, a mbaba ta golahi nenga'a, a mpar ta 12, man a gaƋa, ta ndohi sak ga.

¹⁴Simon, man a baba na Pierre; a An dré, kramam na; a Jacques a Jean, a Philippe a Barthélemy,

¹⁵a Matthieu, a Thomas, a Jacques, kra Alphée; Simon man ta baba na zélote:

¹⁶a Jude, kra Jacques; a Judas Iscariot, nenga'a man a nga na ri a gèƋ Yèsu.

¹⁷Aman ta shkèhi te za ma, a n'nza a nda tenga'a a dala. Golahi nenga'a kumba, a ndohi rèƋèƋèa te kokwar Judée tèlèba, te Jérusalem, te woyam Tyr a Sidon, a ta shkè, aman ta cinè ma nenga'a, a ta mbél ta te ri matakwan tenga'a.

¹⁸A ndohi man mèzhèɓhi ambaɓihia'a a ga ta, ta mbel ta tèlèba.

¹⁹A ndohi rèƋèƋè'a tèlèba ta woy civèƋ, aman ta lama na. A wuƋi a mdo auda te va na, a m'mbel ta tèlèba.

²⁰A Yèsu a mpu di a golahi nenga'a, a ngaƋa: Mwuffè a sam kinè, ndohi ntawassa'a; aman kokwar Bi Zhiklè a kinè!

²¹Mwuffè a sam kinè, man mi a keƋ kinè antanta; aman a di kin da ngézhè. Mwuffè a sam kinè, man kin kuƋi antanta; aman a di kin da ngwèshè.

²²Mwuffè a sam kinè, aman ndohi ta ga kinè shèwa, a ta kwol kinè, a ta phomde kinè, a ta derƋe nzlembaƋ kinè, a géƋ Kra-ndo.

²³A pats nasa vawuffa, vanzevau, aman skwi ntul kinè a gi a mbia'a te zhiklè. Aman lèmèlèmè babhi tenga'a ta gu a sam ndohi nhadka ma.

²⁴Aman woba kinè, ndohi mèshèlè; aman kin ngots skwi ntul kinè klèng ma.

²⁵Woba kinè, aman kin wèl va antanta; aman a di mi a da ked kinè. Woba kinè, aman kin ngwèshè antanta; aman a di ndav kinè a mbeƋ na, a kin kuƋai.

²⁶Wobau, aman ndohi tèlèba ta gèƋ ma man amba a géƋ kinè; aman lèmèlèmè babhi tenga'a ta gau a sam ndohi nhadka ma ncèkèlma.

²⁷Aman kinè, man kin tsena ma ga, i gaƋa kinè: Vawoy ndohi mayamhi kinè a ndav kinè!

²⁸Vaga ta skwi man amba a ndohi man ta ga kinè shèwa! Ndohi man ta phomde kinè, vapshè ta ma! Vatsu rai a géƋ ndohi man ta derƋe kinè.

²⁹Man ndo a tsama ka bazlazlam, ngwoda na civèƋ ngiƋè! Ndo man a cèma ka dawar ngaya, va na nt'hwaƋa'a a va'aî

³⁰Ndo man a jhèƋè skwi a sam ngaya, va na! Ndo man a ngezlama ka skwi ngaya, jèka na!

³¹A skwi man kin woya ndohi ta ga kinè, vaga ta tenga'a lèmèlèmè.

³²Aman kin woy ndohi man ta woy kinè genè, kin fèn ta ndohi ngiƋè a mè? Ko ndohi malihai ta woy tengahia'a man ta woy ta.

³³Aman kin menda ta skwi man amba a deɓa a ndohi man ta ga kinè skwi man amba, kin fèn ta ndohi ngiƋè a mè? Ko ndohi malihai ta gia arsa.

³⁴Aman kin va ta skwai a nslembelom a ndohi man kin hur kin da ngècè skwi kinè a deɓa, kin fèn ta ndohi ngiƋè a mè? Ko ndohi malihai ta vi skwai a nslembelom a ndohi malihai, a ta woy a ta ngècè skwi ta a deɓa.

³⁵Aman vawoy ndohi mayamhi kinè, vagu skwi man amba, vava ta skwi a nslembelom a ndohi man kin hur ɓai, nga ngècè mbia'a a deɓa. A skwi ntul kinè a gi a mbia'a te zhiklè, a ta da baba kinè wudahi Zhiklè te géƋè'a. Ndohi man ta shid gèƋ azɓai, a ndohi ambaɓihia'a ta si Zhiklè te va genè.

³⁶Anai, ndo da se kinè te va, lèmèlèmè ara ndohi ta si Zhiklè, Bab kinè, te va.

³⁷Kin bazla na mali a gèƋ a ndo ngiƋè ɓai, a Zhiklè a da bazla kinè mali a jgèƋ kinè azɓai. Kin pa na mali a gèƋ ndo ngiƋè ɓai, aman Zhiklè a da pa kinè mali a gèƌ azɓai. Vapra ta mali a ndohai, a ta da pre kinè.

³⁸Vavau skwai, a ta da va kinè skwai. A ta liva kinè amba, a ta erda'a, a ta giƋè'a, aman a zhüvahi a ri kinè. Aman a skwi man kin livè a vna, ta da livè a kinè ba.

³⁹A ngaƋa ta a nglèlègèƋma: Ndo mandazlai a slaha a nfiƋè ma mandazli ngiƋè Ƌè? Cèw ba ta wush ta hi a vèvèƋ azɓi Ƌè?

⁴⁰Ndo man a slebi skwai, a fena ndo nsleba na azɓai. Aman ndo staƋ staƋ tèlèba, man nslebau ma, a ndi lèmèlèmè ara ndo nsleba na.

⁴¹Ka rka kuza te di kramam ngaya, a ka rka goƋozlom wof te di ngaya azɓi èhèmè?

⁴²Ehèmè ka woy a ka gaƋa na kramam ngaya: Kramam ga, kazlaƋai, i woya man i cko ka kuza auda te di ngaya! Aman na haha ka rka goƋozlom wof te di ngaya ɓai! Ka ndo n'ngwèƋè ndo, sèi ka cko goƋozlom wof auda te di ngaya nshèlèkura'a. Te deɓa'a ka rka tsaraya'a, aman ka cko kuza auda te di kramam ngaya.

⁴³Wof man amba a yi wuda nenga'a ambaɓia'a azɓai. A wof man ambaɓai a yi wud man amba azɓai.

⁴⁴Aman ta sun wof staƋ staƋ tèlèba te nyi na. Ta ngècè vatak te wof kslor azɓai, a ta ndi kslor te wandar azɓai.

⁴⁵Ndo man amba a cko skwi man amba auda te ndav nenga'a man amba. A ndo man ambaɓai a cko skwi man ambaɓai auda te ndav nenga'a man ambaɓai. Skwi man a n'ndha te ndav, a gaƋkaƋauda te ma.

⁴⁶Kin babayè Bai, Bai èhèmè, a kin gi skwi man i gaƋa kinè, azɓai?

⁴⁷Ndo staƋ staƋ tèlèba man a shkè a sam ga, a tsena ma ga, a gia'a, i war i ngreda kinè a skwi man i lèmƋè a vna.

⁴⁸Nenga'a lèmèlèmè ara ndo man a rèm gai, a ri vèvèƌ, a pi verzi gi nenga'a a géƌ pra. A iyam mbia'a a hai, a tsi gai, a slaha man a mbèƌè azɓai, te man verzi nenga'a nra amba.

⁴⁹Aman ndo man a tsena'a, a gi arsa azɓai, nenga'a lèmèlèmè ara ndo man a ramda gi nenga'a a géƌ wyak, verzia azɓai. A iyam mbia'a a hai, a tsi gai, tsam tsam m'mbèƌa, ngedas sa tèle.