Read Mofa New Testament Luke 7 Bible Online

Luke 7 - Mofa New Testament bible

Luke 7

¹Aman a ndeva ma nenga'a tèlèba a sam ndohi ma, a mdo a kokwar Capemaum.

²Ɓèl bi sojè ngiƋè, man ambaba bi nenga'a, mbelakaɓai, a woya m'metsai.

³Aman a ntsena labar ma Yèsu, bi nenga'a a nzlinde ta ndohi nhala'a te va ndohi Juif a sam na, a ntsu ria'a, aman a nƋè, a nda mbela ɓèl nenga'a.

⁴Aman tenga'a ta shkè a sam Yèsu, ta tsa na ri a vata, a ta gaƋa: Amba aman ka takaha arsa.

⁵Nenga'a a woy ndohi nga, a nrama nga gi njèngè ma Zhiklè nga.

⁶A Yèsu a ndo a nda tenga'a. Aman a zhè ndul a ntamagai, bi sojè a nzlinde ta mandalahi nenga'a a sam na, a ngaƋa na: Bai, da gaka ka matakwan ɓai, i gi huyokoko'a, i ndo man a ka shkè a gi ga ka ɓai.

⁷I ndo nƋè a tsagi ngaya ka ɓai. Sèi goƋ ma ngaya staƋ, a gol ga a mbél na.

⁸Aman iyè ba, wuƋibi ngiƋè a zhè a géƋ ga, a sojèhi ga ta zhè, man i kwor ta. Aman i gaƋa na staƋ te va tenga'a: Do! A Ƌè. Aman i gaƋa na ngiƋè: Washkè! A shkè. A sam ɓèl ga: Gu arsa! A gia'a.

⁹Aman Yèsu a ntsena ma haha, a rzl na a géƋ nenga'a a ngaƋa ta ndohi rèƋèƋèa, man ta dzodzora: I gaƋa kinè, ko te kokwar Israel i ngatsa ncè-a-ndav mbia'a ar haha ɓai.

¹⁰Aman ndohi man a zlinde ta, to do a deɓa a gai, ta ngots ɓèlè, m'mbela ma.

¹¹Te deɓ nasa, Yèsu a mdo a kokwar mbia'a ngiƋè, zlembaƋ na Nain. A golahi nenga'a kumba, a ndohi rèƋèƋè'a to do a nda nenga'a.

¹²Aman ndulndul a ma kokwar, na haha ta zuɓkoƌi nckondo auda te kokwar. Nenga'a kra nstaƌa'a, man mam na a myau. Mam na, ngwoz mazai. Ndohi kokwar kumba ta zhè a sam na.

¹³A Bai Yèsu a nrka'a, a nsau te va, a ngaƌa na: Ka kuƌ ɓai!

¹⁴A mdo, a nlama na telai, man ta manda a pa. A ndohi man ta zuɓkoƌai, ta zlatsahai. A Yèsu a ngaƌa: Masli ga, i gaƌa ka, slambaƌa!

¹⁵A ndo m'metsa'a a nslambaƌa, a n'nza a verzai, a hüno ngèƌè. A Yèsu a nco, a mva na a deɓa a mam na.

¹⁶Tèlèba ta rzl ta, a ta slubordo Zhiklè, a ta gaƌa: Ndo nhadka ma mbia'a a nslambaƌa te ndev nga. A Zhiklè a mshkè a sam ndohi na.

¹⁷A ma haha, man ta goƌ a géƌ nenga'a, a ndasseda kokwar Judée tèlèba, a tsagi kokwar tèlèba.

¹⁸A golahi Jean ta menda na ma haha tèlèba a Jean.

¹⁹A Jean a nzlinde ta golahi nenga'a cèw a sam Yèsu, aman ta gaƋa na: Ka nenga'a man ndohi ta gaƋa a da shkè Ƌè, Ƌè nga zhér ndo ngiƋè di Ƌè?

²⁰Aman ndohi ta shkè a sam Yèsu, ta gaƌa na: Jean Baptiste a nzlindeka nga a sam ngaya, a ngaƋa: Ka nenga'a man ndohi ta gaƋa a da shkè Ƌè, Ƌè nga zhér ndo ngiƋè di Ƌè?

²¹A pats nasa Yèsu a m'mbel ta ndohi kumba te ri matakwan, a skwi ndzi tsaƋ tsaƋ, a mèzhèɓhi ambaɓihia'a, a ngu aman mandazlihi ta rka dai.

²²A Yèsu a m'mbeƋa ta a ma: Vodo, a kin gaƋa na Jean skwi man kin rka'a, a kin tsena'a: Mandazlihai ta rka dai; ndohi vedal ta Ƌè a sak ta; ndohi hutsoƋ ta suƋ ta; ndaɓazlamhai ta tsena zlembaƋ; ndohi m'metsa'a ta slambaƋ ta, a ndohi ta njè ta ma mbela' a ndohi ntawassa'a.

²³Mwuffè a sam ndo man sak nenga'a a slèfèƋè azɓai a géƋ ga.

²⁴Aman ndohi sak Jean to do ta ma, Yèsu a hüno man a ngaƋa ta ndohi rèƋèƋèa a gèƋ Jean: Kin do a hèshèkèƋ, a kin da war mè? Pandar man kozlar a giƋè Ƌè?

²⁵Kin do, a kin da war mè? Ndo man maslaka mbela'a a va Ƌè? Na haha, ndohi man ta fèda maslaka mbela'a a va, ta ndi skwi mbelmbela'a ntèngèlè ntèngèlè, ta te gi bihai.

²⁶A kin do, a kin da war mè? Ndo nhadka ma ƌè? I gaƌa kinè, nenga'a a fena ndo nhadka ma.

²⁷Aman nenga'a ndo man ta windeda ƌèlèwèr Zhiklè: Na haha, i zlinƋè gol ga a ma ngaya, a ntil civèƌ a ma ngaya.

²⁸I gaƌa kinè, te va ndohi man ngwozi ta yau, ndo man a fena Jean azɓai. Aman ndo man ta sla na ndo nkèshèa te kokwar Bi Zhiklè, mba nenga'a a Jean.

²⁹A ndohi tèlèba man ta tsena'a, a ndohi ncèkèlè skwai, ta gaƌa Zhiklè zura'a, a ta gau baptême Jean.

³⁰A ndohi pharisie a ndohi njèngè ma kita ta kwola skwi man Zhiklè a woya a va ta ndohai, a ta ga baptême ɓai.

³¹Yèsu a goƌ za'a: I lèmƋè ndohi a géƌ herkeda haha a mè? Ta lèmèlèmè ara me?

³²Ta lèmèlèmè ara wudahai, man ta mbehwali a luma, a ta baba ta mandalahi tenga'a, a ta gaƌa: Nga voƌ shingelèk, a kin gatsa ɓai. Nga tsu nguzlah, a kin ga wobau ɓai.

³³Aman Jean a mshkè, a n'nda movar ɓai, a nsa zom ɓai, a kin gaƋa: Madzagi a ga na.

³⁴A Kra-ndo a mshkè, a ndi skwai, a si skwai, a kin gaƋa: Na haha, ndo n'ndi skwi hamhama'a, ndo zom, mandal ndohi ncèkèlè skwai, a ndohi malihai.

³⁵Aman maya Zhiklè n'ngreda auda zura'a a sam wudahi na.

³⁶Ndo pharisie ngiƌè a ndzhoƌo, aman a Ƌè, a ndi skwi te gi nenga'a. A Yèsu a ndo a gi ndo pharisie, aman a ndi skwai.

³⁷Na haha, ngwoz ngiƋè a zhè te kokwar, fali ngwoz. Aman nenga'a a ntsena'a, Yèsu a ndi skwi n'ndai te gi ndo pharisie, a ncko koloba ɓurdi.

³⁸A nzlatsa na a deɓa, a sam sak na, a kuƋai, a hüno mpèn sak Yèsu a kuƋa, a ntokwolama na sak a gwots gèƋ nenga'a, a nsemƋama na sak, a nfaƋa na ɓurdi a pa.

³⁹Aman ndo pharisie a nrka'a, nenga'a man a baba na Yèsu a gi na, a nhuro, a ngaƌa: Man agassa ndo haha ndo nhadka ma, ar a sun ngwoz man a lama na haha. Nenga'a fali ngwoz.

⁴⁰A Yèsu a m'mbeƋa na a ma: Simon, i woya man i gaƋa ka ma ga kètè. A nenga'a a ngaƋa na: Ndo njèngè ma, goƋ genè!

⁴¹Bab skwi ngiƋè a n'ngots ndohi goƋèrè cèw, staƋ goƋèrè nenga'a suli 5.000, ngiƌe 500.

⁴²A ta ngatsa suli ɓai, aman ta pil goƋèrè, a nenga'a a njèka ta goƋèrè cèw ba. Te ndev ndohi haha, man a woya bab skwi holhola'a wa?

⁴³Simon a m'mbeƌa na a ma: I huro, nenga'a man a jèka na goƋèrè mbia'a. A Yèsu a ngaƌa na: Ka ƌölko zura'a.

⁴⁴Te deɓa'a a n'ngwoda na ma a ngwoz, a n'ngreda na Simon: Ka rka ngwoz haha Ƌè? I shkè a gi ngaya, ka vay iyam man i pènè sak ga a vna ɓai, aman nenga'a a panay sak ga a kuƌa nenga'a, a ntokwolay sak a gwots gèƌ nenga'a.

⁴⁵Ka kelaway ri a da'ai ɓai, aman nenga'a daga man i shkè a gi ngaya, ha antanta, a njèkeda ɓai, a nsemdamay sak genè.

⁴⁶Ka faƋay mbar a gèƋga ɓai, aman nenga'a a faƌda ɓurdi a sak ga.

⁴⁷Gar haha i gaƌa ka: Mali nenga'a mbia sa, mpra'a. Aman nenga'a a woy iyè a ndav a vata. Aman a ndo man ta pra na kete, nenga'a a woya a ndav kètè.

⁴⁸A Yèsu a ngaƋa na ngwoz: Malihi ngaya ta pra ma!

⁴⁹A tengahi man ta nza a sam skwi n'ndi a vna, ta hüno, a ta gèƋè te ndav ta. Nenga'a wa, man a prè malihi ba?

⁵⁰A Yèsu a ngaƋa na ngwoz: Ncè-a-ndav ngaya a m'mbel ka ma. Do ngaya a gumai!