Read Mofa New Testament John 11 Bible Online

John 11 - Mofa New Testament bible

John 11

¹Ndo ngiƋè, nzlembaƋ na Lazare, te kokwar Béthanie, m'mana t'hai, mbelakaɓai, a sam Marie a Marthe, demamhi na.

²Marie, nenga'a man a mfaƌa na mbar a va Bai, a ntokwola na sak a gwots gèƌ na. Lazare, kramam na, mbelakaɓai.

³A ta zlündo ndo a sam Yèsu, a ta gaƋa na: Bai, na haha, ndo man ka woya'a, nenga'a mbelakaɓai.

⁴Aman Yèsu a ntsena'a, a ngaƋa: Matakwan nenga'a a géƋ a m'metsi ka ɓai. A gu aman ta shin n'njèl Zhiklè, a ta slébèrƋè kra Zhiklè.

⁵Yèsu a woy Marthe a demam na, a Lazare, a ndav na.

⁶Aman a ntsena'a, Lazare mbelakaɓai, a n'nza te deɓa m'mèn cèw.

⁷Te deɓa'a a ngaƋa ta golahi nenga'a: Ngodokoya a deɓa a kokwar-Bi Judée!

⁸A golahi nenga'a ta gaƋa na: Rabbi, aƋatsuta ndohi Juifta woy a ta kal ka a kwa, a ka woy a ka minè a deɓa a sama'a Ƌè?

⁹A Yèsu a ngaƋa: Te pats staƋ, l'heure 12 ka ɓi Ƌè? Ndo man a shèwèlè a pats, kwa a tsama na sak azɓai, te man a rka skwi nhél sam herkeda.

¹⁰Ndo man a Ƌè a vaƋ, kwa a tsama na sak, te man skwi nhèl sam az a sam na ɓai.

¹¹A ngaƋa ta ma haha. Te deɓa'a a ngaƋa ta: Lazare, mandal nga, a nzhuna. Aman i Ƌè a i da piƋèkwuda.

¹²A golahi nenga'a ta gaƋa: Bai, aman a nzhuna, dara'a.

¹³Aman Yèsu a goƋ a géƋ m'metsi nenga'a. A tenga'a ta huro, a goƌ a gèƌ nzhunè ambalai.

¹⁴A Yèsu a ngreda ta tsaraya'a. Lazare a m'mets na ma!

¹⁵I wuffè a géƌ kinè, te man iyè az a pa ɓai, a i do tsam tsam ɓai, aman kin Ƌè cè a ndav kinè. Aman ngoƋokoya a sam nenga'a!

¹⁶A Thomas, man ta baba na tsakalai, a ngaƌa ta golahi Yèsu: Ngodokoya, a nga da metsi a va nenga'a!

¹⁷A Yèsu a mshkè, a n'ngots Lazare, m'mèn faƋ te vèvèƋ.

¹⁸Kokwar Béthanie ndul ndul a ma kokwar Jérusalem, a gi km 3.

¹⁹A ndohi Juifkumba kumba ta shkè a sam Marthe a Marie, aman ta ga ta cèka a géƌ kramam ta.

²⁰Aman Marthe a ntsena'a, Yèsu a mshkè, a mdo man ta zli gèƋ a vna. Aman Marie a n'nza te ngwai.

²¹Marthe a ngaƋa na Yèsu: Bai, aman a matsa ka zhè, ar kramam ga m'metsa ɓai.

²²Aman antanta ba i suna, skwi ko mèmè ka jheƋè te ri Zhiklè, Zhiklè a da va ka.

²³Yèsu a ngaƋa na: Kramam ngaya a di a slambaƋkaäauda.

²⁴A Marthe a ngaƋa na: I suna, a da slambaƋkaƋauda a sam nslambaƋkaƋ ndohi auda te m'metsai, a pats n'ndikèma skwai.

²⁵A Yèsu a ngaƋa na: lyè, nslambaƋkaƋ ndo, a nshèffè. Ko wawa man a ciyè a ndav na, a nzi a nshèffè, ko a m'mets na.

²⁶Ko wawa man a nzi a nshèffè, a ciyè a ndav na, a da metsi azɓai a mèƋèp. Ka co a ndav ngaya arsa Ƌè?

²⁷A nenga'a a ngaƋa na: Halau, a Bai, i co a ndav ga, ka Kristi, kra Zhiklè, man a shkè a herkeda.

²⁸Aman a ngoƋ ma haha, a mdo, a mbaha na Marie, demam na, a metsar, a ngaƌa: Ndo njèngè a zhè, a baba ka.

²⁹A nenga'a man a ntsena'a, a nslambaƋa tsam tsam, a ndo a sam na.

³⁰Aman Yèsu a mshkè a kokwar di ɓai, aman a zhè a sam man ta zlü gèƋ a Marthe.

³¹Ndohi Juif te gi nenga'a, aman ta shkè a ta ga na cèka, ta rka ara man a slambaƋa tsam tsam, a n'ndo auda, a ta dzodzor te deɓa, a ta gaƌa: Marie a Ƌè a gi dzavai, man a da kuƌi a pa.

³²Aman Marie a ndikè a sam Yèsu, a nrka'a, a nkalahai a deɓ sak nenga'a, a ngaƋa na: Bai, aman a matsa ka zhè, ar kramam ga m'metsa ɓai.

³³A Yèsu, a nrka'a ara man a kuƋai, a ndohi Juif man ta shkè a verzi nenga'a ta kuƋai, a kuƋa a nckoƋai,

³⁴a ngaƋa: Kin rda a ma? A ta gaƋa na: Bai, washkè a ka da rka'a.

³⁵A Yesu a nkudau, kuƋa a dai.

³⁶A ndohi Juif ta gaƋa: Na haha, a woya'a kumba!

³⁷Matrhia'a te ndev ta, ta gaƋa: Nenga'a man a va na di a ndo mandazlai, wuƋi na azɓi Ƌe, aman Lazare a m'metsi ɓai?

³⁸A Yèsu a kuƋi te ndav, a shke a ma gi dzavai a vèvèd te za, a ngezlambar mbia'a mpizlè te ma gi dzavai.

³⁹A Yèsu a ngaƋa: Vaca na ngezlambar auda! A Marthe, demam ndo m'metsa'a, a ngaƋa na: Bai, nckondo a zhkè ani ma! M'mèn faƋ te pa!

⁴⁰A Yèsu a ngaƋa na: l gaƋa ka ɓi Ƌè, aman ka co a ndav, a di ka rka n'njèl Zhiklè?

⁴¹A ta cama na ngezlam bar auda te ma gi dzavai. A Yèsu a mpu di a zhiklè, a ngaƋa: Bab ga, i shida ka gèƋ, aman ka co ma ga.

⁴²Aman i suna, ka cè ma ga pèc pècèk. Aman a géƋ ndohi man ta zlatsa haha, i gèƋè ma ar haha; aman ta cè a ndav ta, ka, ka nzlindekayè.

⁴³Aman a ngoƋ ma ar haha, a mboho a wuƋai: Lazare, washkè auda!

⁴⁴A ndo m'metsa'a a mshkè auda, mbè te maslaka ara nckondo, a mberzledai. Yèsu a ngaƋa ta: Vapra na maslaka auda a va, aman a Ƌè.

⁴⁵Ndohi Juif kumba man to do a sam Marie, ta rka skwi man Yèsu a gau, a ta co a ndav ta.

⁴⁶Aman matrhia'a ngiƋè to do a sam ndohi pharisie, a ta ngreda ta skwi teleba man Yèsu a gau.

⁴⁷A ndohi mvi skwi a Zhiklè mbibihia'a a ndohi pharisie ta ɓica va, a ta cèmma, a ta gaƌa: Nga da gi ma kè? Ndo haha a gi nrkedi kumba.

⁴⁸Aman nga jèkeda arsa, ndohi tèlèba ta da cè a ndav, a ngomnahi te Rome ta da shkè, a ta duma sam nga nkezla'a, a ndohi tèlèba.

⁴⁹Aman staƌ te va tenga'a, Caiphe, man a vi sa bi ndohi mvi skwi a Zhiklè, a ngaƌa ta: Kin sun skwa ɓai!

⁵⁰Dara a sam kinè, aman ndo staƌ a metsi na, te di man a ndohai, dara nenga'a a géƋ ndohi tèlèba man ta géƌèsh ta.

⁵¹Ma haha a goƋ te gèƋ na ka ɓai. Aman a hodko ma haha, te man nenga'a bi ndohi mvi skwi a Zhiklè a vi sa, ara man Yèsu sèi a metsi nƋèzl a géƋ ndohi Juif,

⁵²a géƋ ndohi Juif genè ka ɓai; aman a da ɓic ta ndohi Zhiklè tèlèba man ta venda gèƋ ta.

⁵³A ta hüno a pats nasa, a ta woy maya ara man ta kéƋe'a.

⁵⁴A Yèsu a shèwèlè ambali a sam di ndohi Juif azɓai. A ndo a ma, a kokwar ngiƌè, a ma hèshèkèƌ, nzlembaƌ na Ephraim, a n'nza a pa, a nda golahi nenga'a.

⁵⁵Ngolala Pâque ndohi Juif ndul ndul, a ndohi kumba a sama'a ta slambatla, a to do Jérusalem, aman ta til ndav ta nga ngolala Pâque.

⁵⁶Ta zhè, a ta woy Yèsu te pa, a ta goƌ a va ta te gi Zhiklè: Kin hur ké: a da shkè a sam ngolala azɓi ƌè?

⁵⁷A ndohi mvi skwi a Zhiklè mhibihia'a a ndohi pharisie ta fa ta ma a gèƌ a ndohi kokwar: Aman ndo ngiƌè a sun sam man a nzi a pa, da ngreda, aman nga gshè'a.