Read Mofa New Testament John 12 Bible Online

John 12 - Mofa New Testament bible

John 12

¹M'mèn mokwa, ga ngolala Pâque, Yèsu a mshkè a kokwar Béthanie, man Lazare te pa, ndo man Yèsu a nslambaƌdekaƌauda te va ndohi m'metsa'a.

²Te pa ta tila skwi n'ndai. Marthe a ntakaha ta. Lazare te va tenga'a, man ta ndau skwi a vna.

³A Marie a nco ɓurdi, gani nenga'a kumba, a gi nƋèlèk staƌ, a nfaƌa na a sak a Yèsu, a ntokwolama na sak a gwots gèƌ nenga'a. A gi n'ndhe na a nzhkè ɓurdi.

⁴A Judas Iscariot, kra Simon, staƌ te va golahi Yèsu, nenga'a man te deɓa'a a n'nga na ri a gèƌ Yèsu, a ngaƌa:

⁵Ta preda ɓurdi haha a ma a suli 3.000, a ta va ta ndohi ntawassa'a ɓi èhèmè?

⁶Ma haha a goƋ a géƋ man a woya a ntakaha ta ndohi ntawassa'a ka ɓai, aman a géƌ man nenga'a ndo metsar, gozhèm suli te ri na, a ɓer skwi man ta ngotso.

⁷A Yèsu a ngaƋa na: Jèkeda! Skwi arsa a gu, aman a hér pats man ta da riyè a vèvèd.

⁸Ndohi ntawassa'a ta zhè a sam kinè pèc pècèk; aman iyè, i nzi a sam kinè pèc pècèk azɓai.

⁹Ndohi kumba te ndev ndohi Juif ta tsena'a, a zhè te pa. A ta shkè a sam Yèsu genè ka ɓai. Aman ta woy a ta rka Lazare ba, ndo man Yèsu a nslambaƌdekaƌauda te ndev ndohi m'metsa'a.

¹⁰Aman ndohi mvi skwi a Zhiklè mbibihia'a ta woy maya, a ta woy a ta kéƌè Lazare ba.

¹¹A géƌ Lazare ndohi Juifs kumba ta jèke ta, ta co Yèsu a ndav ta.

¹²Te mangoslèma'a, aman ndohi kumba ta Ƌè ngolala, ta tsena'a, Yèsu a Ƌè Jérusalem.

¹³A ta burzl vah gangar, a to do aman ta zli gèƌ a vna, a ta goƌ a wuƌai: Vanzala'a! Nga slèbèrƋè nenga'a man a shkè a nzlembaƋ Bi Zhiklè, bi Israel!

¹⁴A Yèsu a n'ngots gol kƋèh, a n'nza a deɓa'a, ara man ta windo:

¹⁵Ka gu zlau ɓai, kokwar Sion! Na haha, bi ngaya a shkè a deɓ gol kƋèh.

¹⁶Nshèlèkura'a, golahi Yèsu ta tsena verzi ma haha di ɓai. Aman a pats man Yèsu a ngots n'njèlè ma, ta huro, ma haha a windo a géƋ nenga'a, a ta ga na ar naha.

¹⁷Aman ndohi man ta zhè a sam man a baba na Lazare auda te dzavi na, a nslambaƌdekaƌauda te ndev ndohi m'metsa'a, ta gu malwuƋai.

¹⁸Gar haha ndohi kumba to do, aman ta zli gèƋ a vna, te man ta tsena skwi malwuƋi man a gau.

¹⁹A ndohi pharisie ta goƋ a va ta: Kin rka'a, kin slaha nenga'a ɓai! Ndohi tèlèba ta Ƌè a verzi nenga'a.

²⁰Te va ndohi man to do ngolala, aman ta tsi rai, ndohi Grec kètè ta zhè.

²¹A ta shkè a sam Philippe, te kokwar Béthsaida te Galilée, a ta gaƋa na: Bi ga, nga woy a nga rka Yèsu.

²²A Philippe a mshkè, a ngaƋa na Andrè, a nda Philippe a Andrè ta menda na a Yèsu.

²³Aman Yèsu a m'mbeƋa ta a ma: TiƋè sama ma, aman Kra-ndo a ngècè n'njèl na.

²⁴A vava, a vava, i gaƋa kinè: Sèi tser dau a kèlèhi a herkeda, a verzi na a nhusl na, man ɓai a nzi a géƌ na. Aman a husl na, a yi wuda kumba.

²⁵Ndo man a woy nshèffè na, nshèffè nenga'a a zi na. Ndo man a woya nshèffè na man a gèƌ herkeda haha ɓai, a ɓer nshèffè man a nzi a mèƋèp.

²⁶Ndo man a woya a ntakahayè, sèi a dzadzarkayè. A sam man iyè a pa, ndo ntakahayè ba a pa. Ndo man a takahayè, Bab ga a slébèrƋè'a.

²⁷Antanta ndav ga a kudai, a i gèƋè ma kè? Bab ga, mbelkay auda te sam nta! Aman i shkè a sam nta a gèƌ nenga'a.

²⁸Bab ga, nzala nzlembaö ngaya! A ngèƋè staƋ a ntsenkaƋi te zhiklè: I nzala'a ma, a i woya man a i nzala'a a va'a.

²⁹A ndohi man ta zlatsa a pa, ta tsena'a, a ta gaƋa: Ntsiiyam! Ndohi ngiƋè ta gaƋa: Ta goƋ a gol Bi Zhiklè!

³⁰A Yèsu a 'mbeƋa ta a ma: NgèƋè haha a gu a géƋ ga ka ɓai, aman a géƋ kinè.

³¹Aman antanta kita a gi a géƋ herkeda haha. Antanta ta da jèr bi herkeda haha.

³²A iyè, man ta zlatsedyè a géƋ herkeda, i woy man i vitka ta ndohi tèlèba a sam ga.

³³Ma haha a goƋo, a ngréƋè m'metsi nenga'a, ara man a da metsi na.

³⁴A ndohi ta gaƋa na: Nga tsena te ma kita Zhiklè, Kristi a nzi a mèƋèp. Ka, ka gad kè: Sèi ta zlècèƋè Kra-ndo. Kra-ndo haha wa?

³⁵A Yèsu a ngaƋa ta: Skwi nhél sam a zhè a sam kinè kètèdai. Vodo, manskwi nhél samazhè a sam kinè dai, ruva da ga kinè a gèƋ ɓai! Ndo man a Ƌè te ndev ruva, a sun sam mah a Ƌè a pa ɓai.

³⁶Voco skwi nhél sam a ndav kinè, a pats man ani a zhè a sam kinè, a kin ndi a wudahi skwi nhél sam! A Yèsu a ngoƋ ma ar haha, a mdo na, a n'ngheda va na a sam di ta.

³⁷Ko a ngu nrkedi arsa kumba, a sam di ta, taca a ndav ta ɓai.

³⁸A ngu ara man Esaie, ndo nhadka ma, a gaƋa: Bai, nco ma man nga njè'a, wa? WuƋi Ndo nzi pèc pècèk a ngudoko na va a di a wa?

³⁹Gar haha ta slaha a ta ca a ndav ɓai, aman a sam ngiƋè Esaie a gaƋa:

⁴⁰Nenga'a a nƋèma ta dai, a nsassaya ndav ta, a ta rka di ɓai, a ta da menkaƋa deɓa asaɓai, aman i mbel ta azɓai.

⁴¹Ma haha Esaie a goƋ a géä man a rka n'njèl nenga'a, a ngoƋ a géƌè'a.

⁴²Ko ndohi mbibihia'a kumba ta co a ndav ta. Aman a géƌ ndohi pharisie ta ngreda auda ɓai, ta gu zlau, ta da dzar ta auda te gi njèngè ma Zhiklè.

⁴³Ta woy n'njèlè a sam ndohai, a fena man a Zhiklè.

⁴⁴A Yèsu a mboho, a ngaƋa: Ndo man a ciyè a ndav na, a ciyè ka ɓai, aman nenga'a man a zlindekayè.

⁴⁵A ndo man a rkayè, a rka nenga'a man a zlindekayè.

⁴⁶I shkè a herkeda, i skwi nhél sam. Aman ko wawa man a ciyè a ndav na, a nzi te ruva azɓai.

⁴⁷Ndo man a tsena ma ga, aman a cè azɓai, iyè a ngi kita nenga'a ka ɓai. I shkè ɓai, aman i gi kita herkeda; aman i shkè, aman i mbel herkeda.

⁴⁸Ndo man a kwolyè, a ce ma ga azɓai, kita nenga'a a zhè ma. Ma man i gèƋè'a, nenga'a a gi a kita na, a pats n'ndikèma skwai.

⁴⁹I goƌ ma te gèƌ ga ka ɓai. Aman Bab ga man a zlindekayè, nenga'a a mvayè ma nkwèrè man i gèƌè'a.

⁵⁰A i suna, ma nkwèr nenga'a, nshèffè a mèƋèp. Anai, skwi man i gèƋè, i gèƋè'a ara man Bab ga a ngrayè.