Read Mofa New Testament John 14 Bible Online

John 14 - Mofa New Testament bible

John 14

¹Kin gu zlau te ndav kinè ɓai'. Voco Zhiklè a ndav kinè, vaciyè a ndav kinè ba!

²Te gi Bab ga, sam a zhè kumba. Man az arsa ɓai, ar i gaƌa kinè. I woy a i Ƌè a i tila kinè sam a hai.

³Aman i da tila kinè sam a hai, a di i shkè a deɓa, a i hil kinè a sam ga. Aman a sam man iyè a pa, kinè ba a pa.

⁴Kin sun sam man i Ƌè a pa, a kin sun civèƌ.

⁵Thomas a ngaƋa na: Bai, nga sun sam man ka Ƌè a pa ɓai, a nga slaha nga shin civèƋ Ƌè?

⁶A Yèsu a ngaƋa na: Iyè civèƋ, a ma nzura'a, a nshèffè; ndo ngiƋè a shkè a sam Bab ga azɓai, sèi a bezkaƋ a iyè.

⁷Aman kin senyè, kin sun Bab ga ba. A hinè antanta kin sun nenga'a, a kin rka nenga'a ma.

⁸Philippe a ngaƋa na: Bai, ngra nga Bab-Zhiklè, te deɓa'a Ƌè'a.

⁹Yèsu a ngaƋa na: N'nzi ga a sam kinè kumba, a ka senyè ɓi Ƌè, Philippe? Ndo man a rkayè, a rka Bab ga ma, a ka gaƋ kè: Ngra nga Bab nga?

¹⁰Ka co a ndav ngaya ɓi Ƌè? I te Bab ga, Bab ga te iyè? Ma man i gaƋa kinè, i goƋ te gèƋ ga ka ɓai. Skwi man i gau, Bab ga man a zhè te ndav ga, a ngau.

¹¹Voco ma ga, man i gaƋa: Iyè te Bab ga, Bab ga te iyè. Man ɓai, voco ma ga a géƌ skwi man i gau.

¹²A vava, a vava, i gaƋa kinè: Ndo man a ciyè a ndav na, a gi skwi lèmèlèmè ara ga, a fena ba. Aman iyè, i Ƌè a sam Bab ga.

¹³A skwi ko mèmè kin jhèƋè a nzlembaƋ ga, i gia'a, a ta slebèrƋè Bab ga te kra na.

¹⁴Aman kin jhèƋè skwi te ri ga a nzlembaƋ ga, i woya man i gia'a.

¹⁵Aman kin woy iyè a ndav kinè, vafu gèƋ a ma nkwèr ga,

¹⁶A i woy a i tsi ri a Bab ga, a va kinè ndo n'nzaka kinè a deɓa, man a nzi a sam kinè a mèƋèp,

¹⁷Mèzhèɓ nzura'a, man herkeda a slaha a ncè ɓai, te man a rka ɓai, a sun ɓai. Aman kinè, kin sun nenga'a, te man nenga'a a nzi a sam kinè, a zhè te ndav kinè.

¹⁸I jèkè kinè ara wud diki ka ɓai. I da shkè a sam kinè.

¹⁹Te deɓa kètè, herkeda a di a rkayè azɓai. Aman kinè, kin da rkayè. A géƌ man i nzi a nshèffè, kinè ba kin nzi a nshèffè.

²⁰A pats nasa kin da suna, i te Bab ga, a kinè te iyè, a iyè te kinè.

²¹Ndo man a ngots a ma nkwèr ga a fi gèƌè'a, nenga'a ndo man a woy iyè a ndav na. Ndo man a woy iyè a ndav na, Bab ga ba a woy nenga'a a ndav na, a i woya'a a ndav ga, a i da ngreda na va ga.

²²A Judas, Judas Iscariot ka ɓai, a ngaƋa na: Bai, aman ka woy a ka ngreda nga va ngaya, a ka ngreda ta ndohi herkeda azɓai, èhèmè?

²³A Yèsu a m'mbeƋa na a ma: Ndo man a woy iyè a ndav na, a fi gèƋ a ma ga. Bab ga a da woya'a a ndav na. A nga da shkè a sam na, a nga da nzi a sam na.

²⁴Ndo man a woy iyè a ndav na ɓai, a fi gèƋ a ma ga azɓai. Ma man kin tsena'a, ma ga ka ɓai, aman ma Bab ga man a zlindekayè.

²⁵Ma haha i gaƋa kinè, man i zhè a sam kinè dai.

²⁶Ndo n'nza kinè a deɓa, Mèzhèɓ Zhiklè nkezla'a, man Bab ga a da zlündkodai a nzlembaƋ ga, nenga'a a da senda kinè skwi tèlèba. Ma man i gaƋa kinè, a da hodko kinè tèlèba a gèƋ.

²⁷l jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

²⁸Kin tsena'a, ara man i gaƋa kinè: I Ƌè; aman i shkè a deɓa a sam kinè. Aman kin woy iyè a ndav kinè, kin wuffè, aman i Ƌè a sam Bab ga, te man Bab ga a fènyè.

²⁹A i gaƋa kinè te ma haha antanta ma, aman n'nga di ɓai, aman a da gai, kin da cè a ndav.

³⁰Anai i gèƋè ma kumba a sam kinè azɓai. Bi herkeda a da shkè, a ngècè skwi a sam ga azɓai.

³¹Aman ndohi herkeda da suna, i woy Bab ga a ndav ga, a i gi ara ma nkwèr Bab ga. VaslambaƋa, ngodokoya!