Read Mofa New Testament John 17 Bible Online

John 17 - Mofa New Testament bible

John 17

¹Aman Yèsu a n'ndeva ma haha, a mpu di a zhiklè, a ngaƌa: Bab ga, tiƌè sama ma! Nzala kra ngaya, aman kra ngaya ba da nzal ka!

²Ka va na wuƌibai a géƌ ndohi tèlèba, a skwi tèlè man ka va na, a va ta ndohi ba, a nshèffè a mèƋèp ba.

³Na haha nshèffè a mèƋèp, aman ta sen ka, ka Zhiklè nzura'a staƌgenè, a nenga'a man ka zlündo, Yèsu Kristi.

⁴I nzal ka a géƌ herkeda, a i ndeva mizlinè ngaya, man ka vayè a i gia'a.

⁵Antanta nzalyè, Bab ga, a n'njèlè man i ngotso, man herkeda n'nga di ɓai.

⁶I ngreda ta nzlembaƋ ngaya a ndohi man ka vayè t'herkeda. Tenga'a a ngaya, a ka pay a iyè, a ta fu gèƋ a ma ngaya.

⁷Antanta ta suna, skwi tèlèba man ka vayè, a shkè te ka.

⁸Aman ma man ka vayè, i va ta ma, a ta co. Ta sun a vava, i shkè te ka, a ta co a ndav, ka, ka nzlindekayè.

⁹I tsi ri a géƌ tenga'a. I tsi ri a géƋ ndohi herkeda ka ɓai, aman a géƌ tenga'a man ka payè, tenga'a a ngaya.

¹⁰Aman skwi ga tèlèba, skwi ngaya. Skwi ngaya, a ga ga, a n'njèl ga n'ngreda auda a sam tenga'a.

¹¹Anai iyè az t'herkeda ɓai; aman tenga'a ta zhè t'herkeda. Iyè, i Ƌè a sam ngaya. Bab ga nkezla'a, ɓer ta ndohi man ka payè, a nzlembaƋ ngaya, a ta gi a nstaƋ, lèmèlèmè ara nga.

¹²Aman i nza a sam tenga'a, i ɓer ta ndohi man ka payè, a nzlembaƋ ngaya. A i war ta, ko staƋ te va tenga'a a nze ɓai, sèi man a nzi ba, ngedassa ma, nenga'a a nze na, ara Ƌèlèwèr Zhiklè a gaƋa.

¹³Aman antanta i Ƌè a sam ngaya; aman ma haha i gèƋè t'herkeda, a ndav tenga'a da ndha a mwuffè ga.

¹⁴A i va ta ma ngaya; a ndohi herkeda ta ga ta shèwa, te man tenga'a ta a herkeda ka ɓai, lèmèlèmè ara iyè a herkeda ka ɓai.

¹⁵I tsi ri azɓai, aman ka helka ta auda t'herkeda. Aman i tsi rai, aman ka ɓer ta te ri nenga'a man ambaɓai.

¹⁶Tenga'a ta a herkeda ka ɓai, lèmèlèmè ara iyè man iyè a herkeda ka ɓai.

¹⁷Kezla ndav ta a ma nzura'a. Ma ngaya, ma nzura'a.

¹⁸Lèmèlèmè ara man ka zlindekayè a herkeda, i zlinde ta a herkeda ba.

¹⁹I kezla ndav ga a ri ga a gèƋ tenga'a, aman ndav tenga'a ba, nkezla te ma nzura'a.

²⁰Aman i tsi rai a géƌ tenga'a genè ka ɓai, aman a géƌ tenga'a ba, man ta ciyè a ndav ta, a géƋ malwuƋi tenga'a.

²¹Aman ta tèlèba ta gi a nstaƋ, lèmèlèmè ara nga, ka Bab ga, te iyè, a iyè te ka, a tenga'a ba, ta te nga; a herkeda da co a ndav na, ka nzlindekayè.

²²A n'njèlè man ka vokoyè, i va ta tenga'a, aman ta gi a nstaƋ, lèmèlèmè ara nga, nga gi a nstaƋ.

²³lyè te tenga'a, ka te iyè, aman ta gi a nstaƋ, jèlèlè'a; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

²⁴Bab ga, i woya aman tenga'a man ka pokoyè, ta zhè a sam ga, a ta rka n'njèl ga man ka vokoyè, a géƌ man ka woy iyè a ndav ngaya, aman herkeda n'nga di ɓai.

²⁵Bab nzura'a! Herkeda a sen ka ɓai; aman iyè i sen ka, a tenga'a ba ta suna, ka nzlindekayè.

²⁶A i ngreda ta nzlembaƋ ngaya; a i ngréƋè'a dai. Aman mwoy-ndo ngaya man ka woy iyè a vna, da zhè a sam ta, a iyè te tenga'a.