Read Mofa New Testament John 2 Bible Online

John 2 - Mofa New Testament bible

John 2

¹Te m'mèn mamakara'a ta gu ngolala nfi ngwoz a gai te kokwar Cana, te Galilée.

²A mam Yèsu a zhè a pa. A ta baba na Yèsu a golahi nenga'a ba a ngolala.

³A barassa a ndeva ta gèƌ, a mam Yèsu a ngaƌa na Yèsu:

⁴Barassa a n'ndev na. A Yèsu a ngaƌa na: Ma ngaya ƌè, ngwoz! Pats man a ga a mshkè di ɓai.

⁵A mam na a ngaƌa ta ndohi mizlinè: Skwi mèmè man a da gaƌa kinè, vagau!

⁶Kreblomhi 6 a pa. Ta peda a pa, a ndohi Juif ta pèn va a vna. Kreblom staƌ, duzlakhi te pa 5.

⁷A Yèsu a ngaƌa ta: Vandha kreblomhi a iyam! A ta ndheda.

⁸Yèsu a ngaƌa ta: Vangela'a, vada a sam bi skwi n'ndai! A ta da'a.

⁹Aman bi skwi n'ndai a ntor barassa man a matsa iyam (a sun sam man a shkè te pa ɓai, sèi ndohi mizlinè man ta ɓol iyam, ta suna), bi skwi n'ndai a mbaba na baki ngwoz sa, a ngaƌa na:

¹⁰Ndohi tèlèba ta vi barassa man a jèn nshèlèkura'a; te deɓa'a man a keƌ ta ndohi ma, ta sa na njénɓia'a a gèƌ. Aman ka ngheda barassa njéna'a, a ka ckoƌ a deɓa.

¹¹Nasa nrkedi nshèlèkura'a, man Yèsu a gau, te kokwar Cana, te Galilée, a n'ngreda n'njèl nenga'a auda. A golahi nenga'a ta co a ndav.

¹²Te deɓ skwi haha, Yèsu a mam na, a kramamhi na, a golahi na, to do a kokwar Capemaum, aman ta nza A pa a vata ɓai.

¹³Ndul ndul ar ngolala Pâque ndohi Juif. A Yèsu a mdo a kokwar Jérusalem.

¹⁴A n'ngots ndohi mpre zlè, ndohi mpre tambakhai, ndohi mpre nkudhomhai, a ndohi nhumbèƋè sulai te gi Zhiklè, man ta nza te pa.

¹⁵A Yèsu a ntsaffa mènèwèƋ teɓa, a ndzar ta tèlèba auda te gi Zhiklè, a tambakihi ba, a zlèhi ba. A wusheda suli ndohi nhumbèƋè suli aussa, a nzukda table aussa, a ngaƋa ta ndohi mpre nkuƋhomhai:

¹⁶Vahelda skwi kinè auda, kin ngwoda gi Bab ga a gi luma ɓai!

¹⁷A golahi nenga'a ta hur ma haha, ara man a windo te Ƌèlèwèr Zhiklè: Srak a keƋyè a hai a géƋ gi ngaya.

¹⁸A ndohi Juif ta mbeda na a ma: Ka nga skwi ga nga nrkedi mè aman a ka gi a haha?

¹⁹Yèsu a m'mbeƌa ta a ma: Vambeƌda gi Zhiklè nkezla'a haha aussa, te m'mèn makar i ƌizlè'a.

²⁰A ndohi Juif ta gaƌa: Ta rom gi Zhiklè nkezla'a haha mvi 46. Ka, ka woy a ka ƌizlè'a te m'mèn makar genè ƌè?

²¹Aman Yèsu a ngaƌa ta a gèƌ gi Zhiklè nkezla'a, a géƌ va na.

²²Aman a nslambaƋkaƋauda te ndev ndohi m'metsa'a ma, golahi nenga'a ta hur ma haha, ara man a gaƋa ta. A ta co ma Ƌèlèwèr Zhiklè a ndav ta, a ma man Yèsu a gaƋa ta.

²³Aman Yèsu a zhè te kokwar Jèrusalem, te ngolala Pâque, ndohi kumba ta rka nrkedi man a gau, a ta co nzlembaƋ na a ndav.

²⁴Aman Yèsu, nenga'a a nfa gèƋ a tenga"a ɓai. Aman nenga'a a sen ta tèlèba.

²⁵Ko ndo ngiƋè a n'ngra na ɓai, a sun skwi man a zhè te ndav ndo.