Read Mofa New Testament John 20 Bible Online

John 20 - Mofa New Testament bible

John 20

¹A pats nshèlèkura'a te pats luma, Marie Magdala a mdo, a prèk vaƋ, a sam gi dzavai, a nrka ngezlambar kwa ngudumbela auda a ma gi dzavi ma.

²A nenga'a a mhu a sam Simon Pierre, ta a gol ngiƌè, man Yèsu a woya'a, a ngaƋa ta: Ta ceda Bi nga auda te gi dzavai, a nga sun sam man ta fèda a pa ɓai.

³A Pierre a mdo, ta a gol ngiƋè, a to do a sam gi dzavai.

⁴Ta cèw man ta hu a vna; a ngiƋè n'ngelda Pierre a pa, a n'ndika a sam gi dzavi nshèlèkura'a,

⁵a mpu di a pa, a nrka maslaka gogumi t'hi te pa.

⁶Aman a nda a pa ɓai. A Simon Pierre a mshkè, a ndzodzora, a mdo a gi dzavai,

⁷a nrka mberzlèdai az a sam maslaka gogumi ɓai, mpaƋa'a a géƋ na, a sam tsaƌ.

⁸Te deɓa'a gol matsa a mdo a pa, nenga'a man a ndika a sam gi dzavi nshèlèkura'a. Nrke na, a nco a ndav na.

⁹Aman ta sun Ƌèlèwèr Zhiklè di ɓai, ara man a gaƋa: Sèi a slèmbèƋè te ndev ndohi m'metsa'a.

¹⁰A golahi to do ta a ngwai.

¹¹Aman Marie nzlatsa a sam gi dzavai, t'uda, a kuƋai. Aman a kuƋai, a nzerƋda di a gi dzavai.

¹²A nrka golahi Zhiklè cèw, a maslaka nslekaƋa'a, ta nza a ma gi dzavai man va Yèsu te pa, staƋ te géƋè'a, staƋ a sam sak na.

¹³Tenga'a ta gaƋa na: Ngwoz, ka kuƋ mè? A nenga'a a ngaƋa ta: Ta ceda Bi ga a ma, a i sun sam man ta feda a pa ɓai.

¹⁴Aman a ngoƋ ma haha, a mpu di a deɓa, a nrka Yèsu, nzlatsa a pa, aman nenga'a a sun a ngaƋa Yèsu ɓai. A Yèsu a ngaƋa na:

¹⁵Ngwoz, ka kuƋ mè? Ka woy wa? A nenga'a a nhuro, ndo mɓer gi lak, a ngaƌa: Bai, aman ka zuɓda a sam ngiƌè, ngredayè sam man ka feda a pa, aman i da ckoƌa deɓa.

¹⁶A Yèsu a ngaƌa na: Marie! A nenga'a a n'ngwoda ma a deɓa, a ngaƌa na a ma hèbreu: Rabbuni! Ara ngèƌè: Ndo njèngè ma!

¹⁷A Yèsu a ngaƌa na: Ka gsiyè a ri ɓai, aman i da a deɓa a sam Bab ga di ɓai! Aman do a sam kramamhi ga, a ka gaƌa ta: Na haha, i Ƌè a sam Bab ga, a sam Bab kinè, a sam Zhiklè ga, a sam Zhiklè kinè.

¹⁸A Marie Magdala a ndo, a njè ta ma haha a golahi Yèsu: I rka Bai, a nenga'a a ngaƌay kata kata!

¹⁹A pats nasa, dakwad ma, pats nshèlèkura'a te pats luma; gi man golahi Yèsu te pa, mpizlè'a. Ta gu zlau ndohi Juif. A Yèsu a mshkè, nzlatsa a ndev tenga'a, a ngaƋa ta: Gumi a nda kinè!

²⁰Aman a ngoƋ ma haha, a n'ngreda ta ri na, a zlazlar na. A golahi nenga'a ta wuffè a vata, aman ta rka Bi ta.

²¹A Yèsu a ngaƋa ta za'a: Gumi a nda kinè! Lèmèlèmè ara man Bab ga a nzlindekayè, i ba i zlinde kinè.

²²Aman a ngaƋa ta ma haha, a nfte ta, a ngaƋa ta: Voco., Mèzhèɓ Zhiklè nkezla'a!

²³Ndohi man kin pra ta malai, mali tenga'a mpra'a. Ndohi man kin pra ta mali azɓai, mali tenga'a ta nza.

²⁴Thomas, staƋ te va I 2, man ta baba na tsakalai, az a sam ta ɓai, a pats man Yèsu a mshkè.

²⁵A golahi ngiƋè ta gaƋa na: Nga rka Bai! Aman nenga'a a ngaƋa ta: Sèi i rka vovi züdo a ri nenga'a, a i taraha vovi züdo a ri ga, a i lama na zlazlar na a ri ga, man ɓai i cè a ndav azɓai.

²⁶Te deɓ m'mèn tsamakad, golahi nenga'a ta zhè te gi za'a; Thomas a nda tenga'a. Gi mpizlè'a. A Yèsu a mshkè, nzlatsa a ndev tenga'a, a ngaƋa: Gumi a nda kinè!

²⁷Te deɓa'a a ngaƋa na Thomas: Cko krari ngaya! Taraha rihi ga! Torko ri ngaya, a ka lama na zlazlar ga! Ambaɓai aman ka ca a ndav ɓai. Co a ndav!

²⁸A Thomas a m'mbeƋa na a ma: Bi ga, Zhiklè ga!

²⁹A Yèsu a ngaƋa na: Ka co a ndav ngaya, a géƌ man ka rkayè ma. Mwuffè a sam ndohi man ta co a ndav ta, ko ta rka'a a di ɓai.

³⁰Yèsu a ngu skwi malwuƋi tsaƋ tsaƋ a sam di golahi nenga'a, aman ta windeda Ƌèlèwèr haha ɓai.

³¹Aman skwi malwuƋihi haha ta windo, aman kin cè a ndav, Yèsu, nenga'a Kristi, kra Zhiklè. A géƌ ncè-a-ndav kinè kin da ngècè nshèffè a nzlembaƋ na.