Read Mofa New Testament John 21 Bible Online

John 21 - Mofa New Testament bible

John 21

¹Te deɓ nenga'a, Yèsu a n'ngreda ta va na a golahi nenga'a a ma woyam Tibériade, a n'ngreda ta va na arsa:

²Simon Pierre, a Thomas, man ta baba na tsakalai, a Nathanael, man a shkè te kokwar Cana te Galilée, a wudahi Zébédée, a golahi nenga'a ngiƋè cèw, ta nza a vna.

³A Simon Pierre a ngaƋa ta: I Ƌè pèr klèf di mènè! A ta gaƋa na: Nga ba, nga Ƌè a verzi ngaya. A to do, a to do a wurom. A vaƋ pats nasa ta ngatsa skwa ɓai.

⁴A prèk te gai, Yèsu nzlatsa a ma woyam. A golahi nenga'a ta suna, ta gaƋa nenga'a Yèsu ɓai.

⁵A Yèsu a ngaƋa ta: Wujdahai, kin ngatsa skwa ɓi Ƌè? A ta gaƋa na: A'ai!

⁶A nenga'a a ngaƋa ta: Vawusheda lata te wurom, a civèƋ ri mandai, a kin ngècè'a. A ta wusheda lata, a ta slaha ta ngozlkoda deɓa ɓai, n'ndha a klèf.

⁷A gol matsa, man Yèsu a woya'a a ndav na, a ngaƌa na Pierre: Nenga'a Bai! A Simon Pierre, man a ntsena'a, nenga'a Bai, a mfeda maslaka a va, aman nenga'a aƋai, a nkalda va na a iyam.

⁸A golahi ngiƋè ta shkè a wurom (ta dra a ma dzah ka ɓai a tsi ri 200), a ta ngozlkodi lata a klèfte pa.

⁹Aman ta shkè auda a dzah, ta rka ndazli vogwa, a klèfa movar a géƌè'a.

¹⁰A Yèsu a ngaƋa ta: Vahelka te va klèf man kin porkoƋi antanta!

¹¹A Simon Pierre a mdo, a ngozlkoƋi lata man n'ndha a klèfmbia'a, 153, a herkeda. Ko klèfkumba te pa, lata nkuratsa ɓai.

¹²A Yèsu a ngaƌa ta: Vowashkè, vandau skwi n'ndai! A golahi ta gu zlau aman ta jhèƋè'a: Ka wa? Aman ta suna, nenga'a Bi Yèsu.

¹³A Yèsu a mshkè, a nco movar, a mva ta. Lèmèlèmè klèf.

¹⁴Arsa Yèsu a ngudoko ta va a di a golahi nenga'a mamakara'a, te deɓ man a slambaƋkaƋauda te m'metsi ma.

¹⁵Aman ta ndau skwi n'ndi ma, Yèsu a ngaƋa na Simon Pierre: Simon, kra Jonas, ka woy iyè a ndav ngaya, a fena ndohi haha Ƌè? A nenga'aa ngaƋa na: Halau, Bai, ka suna, i woy ka.

¹⁶A Yèsu a ngaƋa na: War wud tambakihi ga! A ngaƌa na macecèwa'a: Simon, kra Jonas, ka woy iyè a ndav ngaya Ƌè? A nenga'a a ngaƋa na: Halau, Bai, ka suna, i woy ka. A ngaƌa na: War tambakihi ga!

¹⁷A ngaƌa na mamakara'a: Simon, kra Jonas, ka woy iyè Ƌè? A Pierre a kuƋi te ndav na, a géƋ man a ndzhoƋo mamakara'a: Ka woy iyè Ƌè? A ngaƋa na: Bai, ka sun skwi tèlèba, ka suna, i woy ka. A Yèsu a ngaƋa na: War tamɓakihi ga!

¹⁸A vava, a vava, i gaƋa ka: Te va man ka gola dai, ka mana skwi deɓ ngaya a ri ngaya, a ko do a sam man ndav ngaya a woya a nƋè a pa. Aman ka hala ma, ka da pelaha ri ngaya, a ndo ngiƋè a da mana ka skwi deɓ ngaya, a de ka a sam man ka woya a ka Ƌè a pa ɓai.

¹⁹Ma haha a ngaƋa na, aman a ngreda na m'metsi na, man a di a sléɓèrƋè Zhiklè a vna. Te deɓ nenga'a a ngaƋa na: Dzadzarkayè!

²⁰A Pierre a mpu di a deɓa, a nrka gol ngiƋè, man a dzodzora, gol man Yèsu a woya a ndav na, man ta ndi skwi dakwad a ndüngoƋo va a va Yèsu, man a ngaƋa na: Bai, nda ga ka ri a gèƋ wa?

²¹Aman Pierre a nrka nenga'a, a ngaƋa na Yèsu: Bai, aman nenga'a kè?

²²A Yèsu a ngaƋa: Aman i woya a n'nzai, ha pats man i shkè a deɓa, ma ngaya Ƌè? Sèi ka dzadzarkayè!

²³A kramamhi ta zlèzlèmè ma haha: Gol matsa a da metsi azɓai. Yèsu a ngaƋa na, a da metsi azɓi, ɓai. Aman a ngaƋa: Aman i woya a n'nzai, ha pats man i shkè a deɓa, ma ngaya Ƌè?

²⁴Nenga'a gol Yèsu, man a ngreda skwi haha tèlèha, nenga'a man a windo ma haha. A nga suna, malwuƋi nenga'a nzura'a.

²⁵Aman skwi ngiƋè tsaƋ tsaƋ a zhè, man Yèsu a gau. Aman ta woy a ta winƋè staƋ staƋ tèlèba, i huro, a gi kumba; herkeda sata tèlèba a slra man a ta mpi ƌèlèwèra'a a pa ɓai.