Read Mofa New Testament John 5 Bible Online

John 5 - Mofa New Testament bible

John 5

¹Te deɓa'a ndohi Juif ta gu ngolala. A Yèsu a ndo Jérusalem.

²A ntamagi kokwar Jérusalem, man ta baba na ntamagi tambakhai, nhèyèva iyam a zhè a pa. Ta baba na a ma Hébreu, Béthesda. Ntamagi zlam a pa,

³a ndohi matakwan kumba, ndohi mandazlai, ndohi vedal, ndohi man ta gwora [ta zhèr aman iyam a giƋè va.

⁴A pats ngiƌè, pats ngiƌè, gol Bi Zhiklè a shkèhai a sam nhèyèva iyam, a ngeda iyam. Aman iyam a giƋè va, ndo man a Ƌè a pa nshèlèkura'a, a mbél na, ko matakwan mèmè a n'nga na.]

⁵Ndo ngiƋè a zhè a pa, m'mana t'hai a matakwan, mvi 38.

⁶Aman Yesu a nrka'a, a ntsena'a, a m'mana t'hai n'nzi a zhè, a ngaƋa na: Ka woy a ka mbél ngaya te matakwan Ƌè?

⁷Ndo matakwan a ngaƋa na: Bai, i ngatsa ndo man a ndyè a iyam ɓai. Aman iyam a Ƌè giƋè va, a i shkè, ndo ngiƋè n'ngelamay ma.

⁸A Yèsu a ngaƋa na: SlambaƋa, co sam m'mènè ngaya, a ko do!

⁹A nasa nasa ndo matsa m'mbela, a nco sam m'mènè na, a ndo. A pats nasa, pats nshèk va.

¹⁰A ndohi Juif ta gaƋa na ndo man a mbel na: A patsna pats nshèk va, ambaɓai aman ka zhüɓ sam m'mènè ngaya.

¹¹A ndo matsa a ngaƋa ta: Nenga'a man a mbelyè, a ngaƋayè: Co sam m'mènè ngaya, a ko do!

¹²A ta dzhoƋo: NgaƋa ka wa, ngaƋa ka, co sam m'mènè ngaya, a ko do, wa?

¹³Aman ndo man m'mbela a sun ndo m'mbulo ɓai. A n'ngatsa Yèsu ɓai, a géƋ man ndohi kumba a sama'a.

¹⁴Te deɓa'a Yèsu a n'ngots ndo matsa te gi Zhiklè, a ngaƋa na: Na haha, ka mbela ma, anai ka gu mali asaɓai! Man ka da gau, skwi mwuƋitpa holhola'a a da ga ka.

¹⁵A ndo matsa a mdo, a n'ngreda ta ndohi Juif: Ndo man a mbelyè sa, nenga'a Yèsu.

¹⁶A ndohi Juif ta pi va a Yèsu, a géƋ man a gu skwi ar haha a pats nshèk va.

¹⁷A Yèsu a ngaƋa ta: Bab ga a gi mizlinè ani haha ba, a i ba i gi mizlinè.

¹⁸A ndohi Juif ta woy maya aman ta keƋa'a holhola'a, a géƋ man a ngu mizlinè a pats nshèk va genè ka ɓai, aman a géƋ man a baba na Zhiklè Bab ga, a lèmƋè va na a Zhiklè.

¹⁹A Yèsu a m'mbeƋa ta a ma: A vava, a vava, i gaƋa kinè: Kra a slaha man a gi skwi a ri na azɓai, ko staƋ. Sèi skwi man a rka, Bab na a gia'a. A skwi man nenga'a a gia'a, kra nenga'a ba, a gia'a.

²⁰A bab kra a woy kra nenga'a, a n'ngra na skwi tèlèba man a gia'a. A di a ngra na skwi mbia'a holhola'a, a kin da rzl kinè a pa.

²¹Ara man Zhiklè a slèmbèƋƋè ndohi m'metsa'a, a va ta nshèffè, lèmèlèmè kra nenga'a, a vi nshèffè a ndo man a woya'a.

²²Zhiklè a gi kita a ndo azɓai. Aman kita tèlèba a fèda a ri kra,

²³aman ndohi tèlèba ta da slébèrƋè kra, ara man ta slébèrƋè Bab na. Ndo man a slébèrƋè kra azɓai, a slébèrƋè Bab na man a zlindkoƋa azɓai lèmèlèmè arsa.

²⁴A vava, a vava, i gaƋa kinè: Ndo man a tsena ma ga, a nco ma nenga'a man a zlindekayè a ndav na, a n'ngotso nshèffè a mèƋèp, a ngècè kita a gèƋ na azɓai, aman a ntsoko gèƋ na auda te m'mets'ai, a n'ndo a nshèffè.

²⁵A vava, a vava, i gaƋa kinè: Patsa a di a shkè, ani a zhè ma, aman ndohi m'metsa'a ta tsena da'ai kra Zhiklè. A tengahi man ta tsena'a, ta da nzi a nshèffè.

²⁶Ara man nshèffè a zhè te ri Baba'a, lèmèlèmè a mva na kra nenga'a, a nshèffè a zhè te ri na.

²⁷A mva na wuƋibai, aman a slaha a ngi kita, te man nenga'a Kra-ndo.

²⁸Kin hur gèƋ ɓai! Pats ngiƋè ndohi dzavihai tèlèba ta da tsena da'ai nenga'a.

²⁹A ta da shkè auda. Ndohi man ta gu skwi man amba, ta slambaƋkaƋauda a nshèffè. A ndohi man ta gu skwi man ambaɓai, ta slèmbèƋè a kita.

³⁰I slaha a i gi skwi a géƋ ga ɓai; i bèzlè kita, ara man i tsena'a. Kita ga nzura'a. I woy skwi ara man iyè i woya ka ɓai, aman skwi man nenga'a man a zlindekayè a woya'a.

³¹Aman i goƋ a géƋ va ga, ar skwi man i ngreda kinè, skwi nzura ka ɓai.

³²Aman ndo ngiƋè a hodko kinè malwuƋi ga, a i suna, skwi man a ngreda kinè a géƋ ga, zura'a.

³³Kin zlündo ndo a sam Jean, a nenga'a a n'ngreda kinè ma zura'a.

³⁴I ngreda kinè ma ndo ka ɓai, aman i gaƋa kinè ma haha, a kin mbél kinè.

³⁵Nenga'a skwi nhél sam ndayndaya'a. A kin woy a kin wuffè n'nzi kètè a sam man a hela'a.

³⁶Aman ma malwuƋi ga a fena ma malwuƋi Jean. A mizlinè man Bab ga a mvayè man i gia'a, aman i ndeva'a, mizlinè sa a ngredyè a sam kinè, ara man Bab ga a nzlindekayè.

³⁷A Bab ga man a zlindekayè, a ngredyè a sam kinè. Kin tsena da'ai nenga'a ɓai, kin rka va nenga'a ɓai.

³⁸A ma nenga'a a nzi te ndav kinè azɓai, te man kin cè nenga'a man a zlündo, a ndav kinè ɓai.

³⁹Vawar te Ƌèlèwèr Zhiklè! Kin hur, kin ngècè nshèffè a mèƋèp te nenga'a. Nenga'a a ngredyè a sam kinè.

⁴⁰Kin woy a kin shkè a sam ga a kin ngècè nshèffè ɓai.

⁴¹I woy aman ndohi ta slebardyè ɓai.

⁴²Aman i sen kinè, mwoy-ndo Zhiklè a te ndav kinè ɓai.

⁴³I shkè a nzlembaƋ Bab ga, a kin cyè ɓai. Aman ndo ngiƋè a shkè a nzlembaƋ na, kin da cè nenga'a.

⁴⁴Aman kin woy aman ndohi ta sle barde kinè, kin woya man a Zhiklè ka ɓai, ncè-a-ndav kinè mè?

⁴⁵Kin hur ɓai, i da pin kinè a sam Bab ga. Ndo ngiƌè a pin kinè, nenga'a Moise, man ndav kinè a zhèr skwi te ri nenga'a.

⁴⁶Aman kin co ma Moise a ndav kinè, ar agassa kin cyè ba; aman nenga'a a windo a géƌ ga.

⁴⁷Aman kin ca ƌèlèwèr nenga'a a ndav ɓai, kin cè ma ga a ndav kinè ƌè?