Read Mofa New Testament John 9 Bible Online

John 9 - Mofa New Testament bible

John 9

¹Aman Yèsu a Ƌè a civèƋ, a rka ndo mandazlai, daga nyakaƋ na.

²A golahi nenga'a ta dzhoƋo, a ta gaƋa: Rabbi, ngu mali haha wa, aman ta yu nenga'a mandazlai: Nenga'a Ƌè, bab na Ƌè, mam na Ƌè?

³A Yèsu a ngaƋa: Ko nenga'a, ko mam na, ko bab na, ta ga mali ɓai. Nenga'a mandazlai, a skwi man Zhiklè a gia'a, a ngréƋè auda a sam na.

⁴Sèi nga gi mizlinè nenga'a man a zlindekayè, aman pats ani a zhè dai. VaƋ a shkè, aman ko ndo staƋ a slaha a ngi mizlinè ɓai.

⁵Aman i zhè t'herkeda, i skwi nhél sam herkeda.

⁶Aman a goƌ ma haha, a njfeda slèslèɓ a herkeda, a mbsoma'a, a míaƌa na a di mandazlai ara madzaf,

⁷a ngaƌa na: Do a sam nhèyè va iyam Siloé (ara ngèƋè: ta zlündo) a ka pana di ngaya! A nenga'a a mdo, a mpana di na, a mshkè a deɓa, a rka di ma.

⁸A nslamagihi nenga'a, a ndohi man ta rka'a hala'a ndo njhèƌè skwai, ta gaƌa: Na haha ndo man hala'a a nza t'hai, a jhèƌ skwi ka ɓi ƌè?

⁹Ndohi ngiƌè ta gaƌa: Nenga'a. Ndohi ngiƌè: A'ai, ngal ta va. Aman nenga'a a ri na a ngaƌa: I nenga'a.

¹⁰A ta gaƌa na: Di ngaya a mwin na nkèkè?

¹¹A nenga'a a ngaƋa: Ndo ngiƋè, nzlembaƋ na Yèsu, a mbsoma herkeda, a mfaƋay a di ga, a ngaƋa: Do a sam nhèyè va iyam Siloé, a ka pana di ngaya!

¹²A i do, a i pana di ga, a i rka di ma. A ta gaƋa na: Nenga'a tema? A ngaƋa: I sun ɓai.

¹³A ta da ndo man a matsa mandazlai, a sam ndohi pharisie.

¹⁴A pats man Yèsu a mbsoma herkeda, man a winè di ndo mandazlai, pats nshèk va.

¹⁵A ndohi pharisie ta dzhoƌo za'a: Di ngaya mwin na nkèkè? A nenga'a a ngaƌa ta: A mbsoma herkeda, a mfaƌay a di ga, a i pana di ga, a i rka di ma.

¹⁶A ndohi pharisie tsaƌ tsaƌ ta gaƌa: Ndo sa a shkè te Zhiklè ka ɓai, aman a hèr pats nshèk va azɓai. Tenga'á ngiƌè ta gaƌa: Ndo malai a slaha a ngi nrkedi arsa ƌè? A ta kezla'a.

¹⁷A ta gaƌa na ndo mandazlai: Ka gaƌ kè, a gèƌ ndo mwinè di ngaya? A nenga'a a ngaƌa: Nenga'a ndo nhadka ma.

¹⁸A ndohi Juif ta ca ɓai, a ta gaƌa: Nenga'a man antanta a rka dai, hala'a ndo mandazlai ka ɓai. A ta baba na mam na a bab na.

¹⁹A ta dzhoƋo, a ta gaƋa: Na haha kra kinè, man kin gaƋa ndo mandazlai te nyakaƌ na ƌè? A gu kè aman a rka dai?

²⁰A bab na a mam na ta mbèƌa ta a ma: Nga suna, nenga'a kra nga, te nyakaƌ na mandazlai.

²¹A gèƌ man a rka di antanta a haha, a ndo man a wina na di haha, nga sun ɓai. Aman nenga'a ngra ma, vodzhoƋo a sam na! Sèi nenga'a da ngra kinè!

²²Bab a mam na ta goƋ arsa, a gèƌ man ta gi zlau ndohi Juif. Aman ndohi Juif ta tsomma, ko wawa man a gaƌa: nenga'a Kristi, ta dzomkodauda te gi njèngè ma Zhiklè tenga'a.

²³A géƌ nasa bab na a mam na ta gaƋa: Nenga'a ngra ma, vodzhoƋo a sam na!

²⁴A ta baba na ndo man a matsa mandazlai za'a, a ta gaƋa na: GoƋ skwi zura'a a sam di Zhiklè! Nga suna, ndo sa ndo malai.

²⁵A nenga'a a m'mbeƋa ta a ma, a ngaƋa: Gar nenga'a ndo malai, i sun ɓai. Skwi staƋ i sun a vava: Adatsuta i mandazlai, anai i rka di ma.

²⁶A ta gaƋa na za'a: A ga ka mè? A mwina ka di ngaya kè?

²⁷A nenga'a a ngaƌa: I gaƌa kinè antanta ma, kin tsena ɓi ƌè? Kin woy a kin cinè za'a èhèmè? Kinè ba, kin woy a kin ndi a golahi nenga'a Ƌè?

²⁸A ta ga na ndzoan a vata, a ta gaƋa na: Ka gol nenga'a! Aman nga, nga golahi Moise.

²⁹Nga suna, Zhiklè a ngaƋa na Moise. Aman sam man ndo haha a shkè te pa, nga sun ɓai.

³⁰A ndo mandazli a matsa a m'mbeƋa ta a ma: Nenga'a a mwinay di ga. N'nga kinè mè, aman kin sun sam man a shkè te pa ɓai?

³¹Aman nga suna, Zhiklè a tsena ndohi malihi azɓai, aman a tsena ndo man a pi ndav a Zhiklè, a gi skwi man nenga'a a woya'a.

³²Daga zlèzlèa ba, nga tsena ma ndo man a winè di ndo man mandazlai daga nyakad na ɓai.

³³Aman nenga'a a shkè te Zhiklè ka ɓai, a slaha a ngi ar haha ɓai.

³⁴A ta gaƌa na: Ta yeka ka t'hwaƌ malai, a ka senda nga ƌè? A ta dzardauda.

³⁵A Yèsu a ntsena'a, ta dzardauda ma. Aman a ngotso, a ngaƋa na: Ka co Kra-ndo a ndav ngaya Ƌè?

³⁶A nenga'a a m'mbeƋa na a ma: Bai, nenga'a wa, man i cè'a a ndav ga.

³⁷A Yèsu a ngaƋa na: Ka rka nenga'a. Nenga'a man kin gèƋè a vna.

³⁸A nenga'a a ngaƋa: Bai, i co a ndav ga. A nkalahai a deɓ sak nenga'a.

³⁹A Yèsu a ngaƋa: I shkè a herkeda haha, aman i gi kita, a tenga'a man ta rka di ɓai, ta rka dai; a ndohi man ta rka dai, ta ndi a ndohi mandazlai.

⁴⁰Ma haha, ndohi pharisie tsaƋ tsaƋ man ta zhè a sam na, ta tsena'a, a ta gaƋa na: Nga ba, nga ndohi mandazli Ƌè?

⁴¹Yèsu a ngaƋa ta: Aman agassa kinè ndohi mandazlai, ar mali kinè azɓai. Aman anai kin gaƋa: Nga rka dai, mali kinè a nzi dai.