Read Mofa New Testament Acts 10 Bible Online

Acts 10 - Mofa New Testament bible

Acts 10

¹Ndo ngiƋè a zhè te kokwar Césarée, nzlembaƋ nenga'a Comeille, bi sojè ndohi var Italie,

²a woy Zhiklè, a gi zlau Zhiklè, a ndohi gi nenga'a tèlèba. A vi skwi a ndohi kumba, a tsi ri a Zhiklè pèc pècèk.

³A pats ngiƋè, pats nlaɓasla, gol Zhiklè a nrka na dai, a ngaƋa na: Comeille!

⁴A nenga'a a mpu dia'a, a ngu zlau, a ngaƋa: Bi Zhiklè, mè? A nenga'a a ngaƋa na: Zhiklè a nco ntsi ri ngaya, a skwi man ka va ta ndohai ambaba.

⁵Anai zlündo ndohi a kokwar Joppé, a ka baba na ndo ngiƋè, nzlembaƋ na Simon, nshibèn na Pierre, ndo mbrok te gi ndo ngürv bkwai.

⁶Simon ngiƋè, gi nenga'a a ma iyam mbia'a.

⁷Aman gol Zhiklè man a gaƋa na Corneille, kal na ma, Comeille a mbaba ta ndohi mizlinè gi nenga'a cèw, a sojè staƋ, man a gi zlau Zhiklè, te ndev sojèhi nenga'a,

⁸a n'ngreda ta ma tèlèba, a nzlinde ta a kokwar Joppé.

⁹Te mangoslèma'a, aman ta zhè a civèƋ ndul ndul a ma kokwar, Pierre a nteva a géƋ gai, géƋ pats, aman a tsi rai.

¹⁰A mi a nkeƋa'a, a woya a n'ndi skwai. Aman ta tila na skwi n'ndi nenga'a dai, skwi ngiƋè a nrka naƋai.

¹¹A nrka giƋfèk mwinè'a, a skwi mbia'a ngiƌè ara jampai man ta gso te tsagi faƋ, a mshkèhai, a ta ckoƋa herkeda.

¹²Te pa skwi a sak faƋ tsaƋ tsaƋ man a zhè t'herkeda, a meturƋihai, a Ƌiakihi t'hwaƋ giƋfèk.

¹³A ntsena ngèƋè staƋ, man a gaƋa na: Pierre, slambaƋa, keƋa'ai a ka ndau!

¹⁴A Pierre a ngaƋa: A'ai, Bi Zhiklè, i tara skwi ambalai a skwi nlizhèa di ɓai.

¹⁵A ngèƋè a ngaƋa na macecèwa'a: Skwi man Zhiklè a sla na nlizhèɓai, ka da gaƋa skwi nlizhèa ɓai!

¹⁶A ngu arsa sak makar, a ta ceda a deɓa a zhiklè.

¹⁷Aman Pierre a sun verzia ɓai, a nhur te ndav na; Skwi man a rkay a di haha mè? A ndohi man Comeille a zlinde ta, ta dzhoƋo gi Simon, a ta zlatsa a ntamagai,

¹⁸a ta dzhoƋo: Simon, man nshibèn na Pierre, na haha Ƌè?

¹⁹Aman Pierre a hérè skwi man a rka na dai te ndav na genè, Mèzhèɓ Zhiklè a ngaƌa na: Na haha, ndohi makar ta woy ka.

²⁰SlambaƋa, sulomahai, a ko do a nda tenga'a, ka pu gèƋ cèw ɓai! Iyè nzlinde ta.

²¹A Pierre a mshkèhai a sam ndohai, a ngaƋa: I ndo man kin woya'a. Kin war mè!

²²Ta gaƌa: Comeille, bi sojè, ndo nzura'a, man a gi zlau Zhiklè, ndo man ma nenga'a ambaba ta ndohi Juif tèlèba, gol Zhiklè nkezla'a a ngaƋa na, da baba ka a gi nenga'a, da tsena ma ngaya.

²³A Pierre a nhel ta a gai. Te mangoslèma'a, Pierre a mdo a nda tenga'a, a kramamhi ngiƋè kètè te kokwar Joppé to do a verzi tenga'a.

²⁴Te mangoslèma'a ngiƋè, ta shkè a kokwar Césarée. Comeille a zhèr ta, a mɓic ta gwoli nenga'a, a mandalahi nenga'a ma.

²⁵Aman Pierre a mshkè, Corneille a nhaka na ma, a nkalahi a deɓ sak nenga'a.

²⁶Aman Pierre a nslambaƋda, a ngaƋa: SlambaƋa, ko i ba i ndo.

²⁷Aman ta goƋ a vna, a mdo a pa, a n'ngats ta ndohi kumba, aman ta ɓica va.

²⁸A nenga'a a ngaƌa ta: Kin suna, ambaɓai a sam ndo Juif man a Ƌè a gi ndohi man verzi ta tsaƋ, aman a nzi a va tenga'a. Aman Zhiklè a ngrayè: Ka sla na ndo ambaɓai, a nlizhèa ɓai, ko staƋ!

²⁹Gar haha aman ta babkayè, i gaƋa i Ƌè azɓi ɓai. Anai i dzhaƋ kinè, kin babay èhèmè?

³⁰A Comeille a ngaƋa: M'mèn faƋ i nda skwa ɓai, ha pats nlaɓasla, i tsu ri te gi ga. Na haha, ndo ngiƋè a nzlatsa a sam ga, a maslaka nslekaƌa'a,

³¹a ngaƌa: Corneille, Zhiklè a nco ntsi ri ngaya, a nhur skwi man ka vata ndohai.

³²Zlündo ndo a kokwar Joppé, a ka da baba na Simon, nshibèn na Pierre, ndo mbrok te gi Simon, ndo ngürv bkwai, a ma iyam mbia'a.

³³A nasa nasa a i zlündo ndo a sam ngaya, a ka gu amba aman ka shkè. Ani haha nga tèlèba nga ɓica va a sam di Bi Zhiklè, aman nga tsena ma tèlèba man Bi Zhiklè a ngaƋa ka, a ka menda nga.

³⁴A Pierre a hüno ngèƋè: Anai i rka a vava, Zhiklè a pèr ndo mpèrè azɓai;

³⁵aman te ndev ndohi tèlèba, nenga'a man a gi zlaua'a, a gi zura'a, ambaba.

³⁶Kin sun ma Zhiklè man a zlinda ta ndohi Israel, a njè ta ma mbela'a, ma gumai te Yèsu Kristi (nenga'a Bai a géƋ ndohi tèlèba);

³⁷a kin suna, ara man a do a kokwar Judée tèlèba, a hüno te kokwar Galilée, te deɓ baptême man Jean a njo;

³⁸kin suna, ara man Zhiklè a va na wuƌai a Yèsu ndo Nazareth haha, te Mèzhèɓ Zhiklè nkezla'a. A nenga'a a nsawala, a ngu man amba, a m'mbel ta ndohi tèlèba man bi madzagi a ga ta, te man Bi Zhiklè a zhè a nda nenga'a.

³⁹Nga, ndohi malwuƋihi te skwi tèlèba man a gau te kokwar Judée, te kokwar Jérusalem. Nenga'a ta keƋa'a, ta gezlala'a.

⁴⁰A Bi Zhiklè a nslambaƋdeko nenga'a auda te pats mamakara'a, a ngu aman a gudko va a di a ndohi tèlè ka ɓai, aman a nga, ndohi malwuƋihi man Zhiklè a mpar nga nshèlèkura'a,

⁴¹aman nga ndau a nga sau skwai a nda nenga'a, te deɓa'a man a slambaƋkaƋauda te m'metsi ma.

⁴²A Yèsu a mfa nga ma a gèƋ, aman nga njè'a a ndohi tèlèba, aman nga ngréƋè'a, Zhiklè a n'nga Yèsu a ndo kita a géƋ ndohi a nshèffè a ndohi m'metsa'a ba.

⁴³Ndohi nhadka ma tèlèba ta gu malwuƋi a géƋ nenga'a: te nzlembaƋ na mali ndohi tèlèba man ta co a ndav, mpra'a.

⁴⁴Te ngèƋè Pierre, Mèzhèɓ Zhiklè nkezla'a a nkalkaƋahai a géƋ ndohi tèlèba man ta tsena'a.

⁴⁵A ndohi Juif man ta co a ndav, man ta shkè a nda Pierre, ta rzl ta, aman ko ndohi man verzi ta tsaƋ ba ta ngots Mèzhèɓ Zhiklè nkezla'a.

⁴⁶Aman ta tsena ara man ta goƋ nè'èn tsaƋ tsaƋ, a ta slubordo Zhiklè.

⁴⁷A ta menda na Pierre: Nga slaha nga gedassa civeƋ ndohi haha a ta gi baptême Ƌè? Ta ngots Mèzhèɓ Zhiklè lèmèlèmè ara nga!

⁴⁸A Pierre a ngaƋa, aman ta ga tabaptême a nzlembaƋ Bi Yèsu Kristi. A ta tsu ri a Pierre, aman a nzi a sam ta m'mèn kètè.