Read Mofa New Testament Acts 18 Bible Online

Acts 18 - Mofa New Testament bible

Acts 18

¹Te deɓa'a Paul a njèkeda kokwar Athène, a mdo a kokwarCorinthe,

²a n'ngots ndo Juif ngiƋè, nzlembaƋ na Aquilas, ta yau te kokwar Pont. Nenga'a a mshkè te Italie tok tok, ta a Priscille, ngwoz na (aman bi Claude a ngaƋa ta ndohi Juif tèlèba, aman ta jèkeda Rome).

³A mdo a sam tenga'a, te man mizlinè nenga'a lèmèlèmè ara mizlinè ta (ndohi ngi gi maslaka), a n'nza a sam ta, a ngu mizlinè a sam ta.

⁴A pats nshèk va tèlèba, Paul a njè ta ma te gi njèngè ma Zhiklè, a ndohi Juif ba, a ndohi Grec ba ta zhè, man ta fu gèƋ a ma nenga"a.

⁵Aman Silas a Timothée ta shkè te kokwar Macédoine, Paul a nfu gèƌ a njè ma Zhiklè genè, a ngreda ta ndohi Juif: Yèsu, nenga'a Kristi.

⁶Aman ta sala va ta, a ta durƋo Paul, Paul a ngégérƋè maslaka na, a ngaƋa ta: Aman kita a nda gs kinè, mali kinè! Antanta i Ƌè a ndav mpana, a sam ndohi nte deɓa.

⁷A mdo, a mshkè a gi ndo ngiƋè, nzlembaƋ na Justus, man a gi zlau Zhiklè. Gi nenga'a ndul ndul a ma gi njèngè ma Zhiklè.

⁸Crispe, bi gi njèngè ma Zhiklè, a nco Bi Zhiklè a ndav na, a gi nenga'a tèlèba, a ndohi Corinthe kumba, aman ta tsena'a, ta co a ndav, a ta gu baptême.

⁹Bi Zhiklè a ngaƋa na Paul te nshunè a vaƋ: Ka gu zlau ɓai, sèi ka geƋè, ka nza tètè ɓai!

¹⁰Aman i zhè a nda ka, a ndo ngiƋè a slaha a nga ka matakwan azɓai. Aman ndohi ga kumba te kokwar haha.

¹¹A nenga'a a n'nza a pa mvi staƋ a ki mokwa, a nsenda ta ma Zhiklè.

¹²Aman Gallion ngomna te kokwar Achaie, ndohi Juif tèlèba ta slambaƋa na va a Paul, a ta da'a a sam kita.

¹³A ta gaƋa: Ndo haha a fa ta ma a gèƋ a ndohai, aman ta jejèr ma Zhiklè, a ta jèkeda ma kita Zhiklè, man Moise a va nga.

¹⁴Aman Paul a woy a nhinè ngèƋè, Gallion a ngaƋa ta ndohi Juif: Aman ma metsar, man ma ncèkèlma, a ndohi Juif ga, i woya man i tsena ma kinè mènè.

¹⁵Aman ma haha gèjau a géƋ njèma, a géƋ nzlembaƋhai, a géƋ ma kita ndohi Juif, vaƋöl skwi kinè! l woy a i gi kita nenga'a azɓai.

¹⁶A ndzar ta auda a sam kita.

¹⁷Ta tèlèba ta gso Sosthène, bi gi njèngè ma Zhiklè, a ta tsu a sam kita, a Gallion a n'nga kita a géƋè'a ɓai.

¹⁸A Paul a n'nza a pa n'nzi a zhè. Te deɓa'a a n'nga ta mbalai a kramamhi na, a woya a nƋè a Syrie a wurom, a Priscille a Aquilas a nda nenga'a. A nenga'a a nsha gèƌ te kokwar Cenchrèes, a géƋ man a ngaƋda ma ngiƋè a hai.

¹⁹A mshkè na a kokwar Ephèse, a njèke ta a pa. A nenga'a a mdo a gi njèngè ma Zhiklè, a njè ta ma a ndohi Juif.

²⁰A ta tsu ria'a, aman a nzi a pa n'nzi kètè.

²¹Aman nenga'a nca ɓai, a n'nga ta mbalai, a ngaƋa: Sèi i Ƌè a i da gi ngolala a kokwar Jérusalem; aman Zhiklè a woya'a, i da shkè a deɓa a sam kinè. A njèkeda kokwar Ephèse,

²²a mdo a kokwar Césarée a wurom, a mdo a kokwar Jérusalem, a n'nga ta mbalai a mpi ndohi Zhiklè, a mdo a kokwar Antioche.

²³A ngu ndudoh kètè, te deɓa'a a mdo amaa nshèwèlè te Galaties, te deɓa'a a Phrygie, a mva ta wuƌai a ndohi Yèsu.

²⁴Ndo Juif ngiƋè, nzlembaƋ nenga'a Apollos, a mshkè a kokwar Ephese, ta yau te kokwar Alexandrie, ndo man a sun ngèƋè ma amba, a sun Ƌèlèwèr Zhiklè a vata.

²⁵A sun civèƋ Zhiklè, a njè ma Yèsu pèc pècèk, a mpi vogwa a ndo a ma. Aman nenga'a a sun sèi baptême Jean.

²⁶Nenga'a a hüno man a wuzhko ma auda tèlè te ndav a mwuffè te gi njèngè ma Zhiklè. Aman Aquilas a Priscille ta tsena'a, ta co a gi ta, a ta ngra na civèƋ Zhiklè a va'a.

²⁷Aman a woya a nƋè a kokwar Achaie, kramamhi nenga'a ta da na va. A ta zlündo Ƌèlèwèr, a ta tsa ta ri a ndohi Yèsu, aman ta cè'a. Aman a ndika a pa, a ntakaha ta ndohi kumba, man ta co Yèsu a ndav, a pombi Zhiklè.

²⁸Aman nenga'a a ntseda ta ma a pa a ndohi Juif, a n'ngreda ta, a sam di ndohi tèlè, a Ƌèlèwèr Zhiklè: Yèsu, nenga'a Kristi.