Read Mofa New Testament Acts 2 Bible Online

Acts 2 - Mofa New Testament bible

Acts 2

¹Aman pats Pentecôte a mshké ma, ta zhé téléba a sam staƋ.

²Tsam tsam skwi ngiƋé a mshké te zhiklé, a nkuƋau ara kozlar mbia'a, a n'ndha gi téléba man ta nza te pa.

³A né'énhai, ara né'én vogwa, a ta rkè, ta kezla gèƌ, a ta nza a gèƌ ndo staƋ staƋ.

⁴A ndav tenga'a tèlèba n'ndha a Mèzhèɓ Zhiklè nkezla'a, a ta hüno ngèƋè a da'ai tsaƋ tsaƋ, staƋ staƋ da'ai ngiƋè, ara Mèzhèɓ Zhiklè a va na.

⁵Te kokwar Jérusalem ndohi Juif ta zhé, man ta gi zlau Zhiklè, man ta shké te verzi ndohi herkeda tsaƋ tsaƋ.

⁶Aman ta tsena ma haha, ta haya va kumba, géƋ ta ndzakaɓa, aman ta tsena staƋ staƋ a géƋé a da'ai kokwar ta.

⁷A ta rzl ta, a ta hur a vata, a ta gaƋa: na, haha mé? Ndohi man ta géƋé a haha, ndohi Galilée ka ɓi Ƌé?

⁸A nga tsena ma tenga'a a da'ai kokwar nga éhémé?

⁹Parthes, Médes, Elamites, ndohi kokwar Mésopotamie, Judée, Cappadoce, Pont, Asie,

¹⁰Phrygie, Pamphylie, Egypte, Eibye ndul ndul a ma Cyrène, a ndohi man ta shké te kokwar Rome, ndohi Juif a gwoli Juif,

¹¹a ndohi Crête a Arabes, nga tsena ara man ta gèƋè a gèƋ nrkedi Zhiklè mbia'a a da'ai nga èhèmè?

¹²Ta tèlèba ta rzl ta, gèƋ tenga'a ndzakaɓa, a ta goƋ a va ta: Skwi haha a da ndikè ta ahngwa?

¹³Aman ndohi ngiƋè ta ngwoshè a pa, a ta gaƋa: Ndohi haha, ndohi zom.

¹⁴A Pierre a nslambaƋa a nda tengahia 11, a nhüno man a gaƋa ta: Kinè, ndohi Juif a ndohi kokwar Jérusalem tèlèba! I woy a i ngreda kinè skwi haha, vafa na zlembaƌ a ma ga!

¹⁵Zom a keƌ ta ndohi haha azɓai, ara man kin huro; prèk di genè ma!

¹⁶Aman nenga'a skwi man Joel, ndo nhadka ma, a ngaƋa:

¹⁷Zhiklè a gaƋa: A pats ndikèma skwai i woya man a i bèƋè Mèzhèɓ ga a géƋ ndohi tèlèba, a wudahi kinè a dalahi kinè ta da hèƋè ma Zhiklè; golahi kinè ta da rka skwi man a ma, a ndohi kinè nhala'a ta ngècè nshunè.

¹⁸A pats nasa i woy a i bèƋè Mèzhèɓ ga a géƋ ɓèlèlihi ga, ko ngura'a ko ngwoz, a ta hèƋè ma Zhiklè.

¹⁹I woya man a i ngréƋè nrkedi te zhiklè te géƋè'a, a i ngréƋè skwi t'hai t'herkeda, pombaz a vogwa, a vodzok.

²⁰Pats a da ngwèƋè va na a ruva, a kia a da ngwèƋè va na a pombaz; te deɓa'a pats kita Bi Zhiklè a shkè, pats mbia'a a n'njèlè.

²¹Te deɓa'a ko wawa man a tsi rai a nzlembaƋ Bi Zhiklè, a mbél na.

²²Kinè, ndohi Israel, vatsena ma ga! Yèsu ndo Nazareth, nasa ndo man Zhiklè a nfau a mizlinè a nrkedai a skwi man Zhiklè a gau a nenga'a a sam kinè (ara man kinè ba kin suna).

²³Te deɓa'a, aman ta fèda a kita ma, ara Zhiklè a nhur zlèzlèa a woya a ngia'a, kin gezlala'a, a kin va ta a ri a ndohi malihai a ta keƋa'a.

²⁴Zhiklè a nslambaƋkoƋauda, a mprokoƋauda te matakwan m'metsai. M'metsi a slaha man a ngsa ɓai.

²⁵Aman David a goƋ a géƋ nenga'a: Bi Zhiklè a zhè a sam di ga pèc pècèk, na zhè a tsagi ga, aman i giƋè va azɓai.

²⁶Gar haha ndav ga langlanga'a, a i gèƋè ma mwuffè, a gèƋ man ko va ga a n'nza, a i zhèrè te ndav.

²⁷Aman ka jèkeda ndav ga a ri a kokwar-Bim'metsi azɓai, a ka gi aman ndo ngaya nkezla'a a huslè azɓai.

²⁸Ka ngray civèƋ nshèffè, a ka da ndha ndav ga a mwuffè a sam di ngaya.

²⁹Kinè, dalahimam ga, i woya aman i njè kinè ma auda tèlè, a géƋ David, babab nga hala'a.

³⁰Nenga'a ba a m'mets na, a ta ra'a. Gi dzavi nenga'a a zhè a sam nga, ha patsna. Nenga'a ndo nhadka ma, a suna Zhiklè a ngaƋa na a mbèƋè, a woya a ngi aman verzi nenga'a a nzi a géƋ sam n'nzi bi nenga'a.

³¹A hod ma a géƋ nslambaƋkaƋa Kristi, man a gaƋa: Zhiklè a njèkeda a sam m'metsi ɓai, a zluèƋ va nenga'a a nhusla ɓai.

³²Yèsu haha, Zhiklè a nslambaƋda. Nga tèlèba ndohi malwuƋihi a géƋ skwi sa.

³³Antanta ri mandi Zhiklè a nzala'a, a n'ngots Mèzhèɓ Zhiklè nkezla'a, man Bab Zhiklè a mpasla na rai, a foko nga skwi haha man kin rka'a, a kin tsena'a.

³⁴David a nda a zhiklè ɓai. Nenga'a a ngaƋa: Bai a ngaƋa na Bi ga: nzahai a civèƋ ri mandi ga,

³⁵ha pats man i ge ta ndohi mayamhi ngaya a skwi nfi sak ngaya.

³⁶Gar haha ndohi lsrael tèlèba sèi da suna a vava, Zhiklè a n'nga Yèsu haha, man kin gezlala`a, a Bai a Kristi.

³⁷Aman ta tsena ma haha, a m'mbeƋama ta ndav, a ta gaƋa na Pierre a ndohi sak ngiƋè: Dalahimam nga, nga da gi ma kè?

³⁸A Pierre a ngaƋa ta: Vangwoda ndav kinè, vagu baptême staƋ staƋ tèlèba a nzlembaƋ Yèsu Kristi a mpra mali kinè, a kin ngècè Mèzhèɓ Zhiklè nkezla'a.

³⁹Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaba ta.

⁴⁰Ma haha, a ma ngiƋè tsaƋ tsaƋ a n'ngreda ta, a mbid ta, a ngaƋa ta: Vagu aman kin mbél kinè te ndev ndohi ambaɓihia'a haha a géƋ herkeda!

⁴¹A ndohi man ta co ma nenga'a, ta gu baptême. A ta snkè na va va. A pats nasa ndohi ngu baptêmegozhèm makar.

⁴²A ta slebau ma ndohi sak, a to do a ma ma te pa, a ta humda va, a ta tsaka movar, a ta tsu rai.

⁴³A zlau a ndza ta ndohi tèlèba, a ta rka nrkedi kumba, a skwi man ndohi sak ta ngreda ta tsaƋ tsaƋ.

⁴⁴Aman ndohi téléba man ta co a ndav, ta nza a sam staƋ, a ta humda skwi ta tèlèba.

⁴⁵Skwi tenga'a, a kolongwi tenga'a, ta preda ma, a ta kezla ta ndohi man ta ngatsa skwa ɓai.

⁴⁶A nciƋ sam a nciƋ sam ta ɓiceda va a gi Zhiklè, ta mba ma ta, ta ndau skwi n'ndai a mwuffè te gi ngiƋè te gi ngiƋè,

⁴⁷a ta slubordo Bi Zhiklè, a ta ngots pombai a sam ndohi tèlèba. Aman a nciƋ sam a nciƋ sam Zhiklè a mpe ta ndohi man a mbel ta a va mpi ndohi Zhiklè.