Read Mofa New Testament Acts 20 Bible Online

Acts 20 - Mofa New Testament bible

Acts 20

¹Aman nrubi klèng ma, Paul a mbaba ta ndohi Yèsu a sam na, a mbid ta, te deɓa'a a mdo, aman a Ƌè a kokwar Macédoine.

²Aman a nsawala te kokwarhi haha tèlèba ma, a mbid ta ndohi Zhiklè kumba. A nenga'a a mdo a kokwar Grèc, a n'nza a pa ki makar.

³Aman a woya a nƋè a kokwar Syrie a wurom, ndohi Juif ta vhè ma a gèƋ nenga'a. A Paul a nhuro, a nƋè a deɓa, a mbizhè a ndev kokwar Macédoine.

⁴Ndohi man to do a vna, ha ndikè a kokwar Asie: Sopater, kra Pyrrhus, te kokwar Bérée; Aristarque a Second te kokwar Thessalonique; Gaius te kokwar Derbe, a Timothée, Tychique a Trophime te kokwar Asie.

⁵Tenga'a to do a ma, a ta zhèr nga te kokwar Troas.

⁶A ngo do a wurom te kokwar Philippes, te deɓ ngolala movar man skwi nshégèrè a te di ɓai; te deɓ m'mèn zlam nga shkè a sam ta te kokwar Troas, a nga nza a pa luma staƋ.

⁷A pats nshèlèkura'a te luma, aman nga ɓücko va, a ncèkè movar, Paul a njè ta, a woya man a nƋè a ma a nshèwèlè te mangoslèma'a, a ngaƋa ta ma a ma ma, ha géƋ vaƋ.

⁸Pitirla kumba ta zhè a géƋ gai, a sam man nga ɓica va.

⁹A gol ngiƋè a n'nza a nvakavar, nzlembaƋ na Eutychus, nzhun a ngsama na dai, te man Paul a nju ma n'nzi a zhè, mɓerzla a nzhunè, a nkalahai a géƌ gi mamakara'a, a ta co, m'metsa.

¹⁰A Paul a nshkèhai, a ntuzloma na a gèƋ, a nhumbatda a ndav, a ngaƋa ta: Kin hazlawa ɓai, aman nshèffè te pa dai!

¹¹A mdo a géƋ gai, a ntsaka movar, a n'ndau, a ngaƋa ta ma kumba, ha sam nciƋa ta, a njèke ta.

¹²A ta cko gola a nshèffè, a ndav ta a wuffè.

¹³A ngo do a ma a wurom a kokwar Assos, a nga woy a nga cè Paul te pa a nda nga. Nenga'a a ntül ma a hi arsa, a woya a nƋè a sak.

¹⁴Aman nga zlü gèƋ a vna te kokwar Assos, nga co a nda nga, a nga shkè a ma kokwar Mytilène.

¹⁵Te pa ngo do a wurom, te mangoslèma'a, a nga shke a ma kokwar Milet.

¹⁶Paul a nhuro, man a Ƌè a kokwar Ephèse ɓai, a woya a ngi ndudoh te kokwar Asie ɓai, aman a woya a nvèsh va, aman a slaha a ndikè a kokwar Jérusalem a pats ngolala Pentecôte.

¹⁷Te Milet a nzlündo ndo a kokwar Ephèse, a mbaba ta ndohi nhala'a te va mpi ndohi Zhiklè. Aman ta shkè a sam na, a ngaƋa ta:

¹⁸Kin suna, te pats nshèlèkura'a, aman i shkè a kokwar Asie, ara man i zhè a sam kinè pèc pècèk, a i gu mizlinè Bi Zhiklè;

¹⁹i manda gèƋ ga a hai a kuƋa a di kumba, a matakwan a va, a géƋ ndohi Juif man ta vhèy ma a gèƋ.

²⁰Aman i ngheda skwi man a takaha kinè ɓai, a i njè kinè, a i senda kinè a sam di ndohai, te gi staƋ staƋ,

²¹a i gu malwuƋai a sam ndohi Juif a ndohi man Juif ka ɓai cèw ba, aman ta ngwodko ndav a sam Zhiklè, a ncè Bi Yèsu Kristi a ndav.

²²Na haha, i mana ndav ga te Mèzhèɓ Zhiklè, a i Ƌè a kokwar Jérusalem; i sun skwi man i Ƌè zli gèƋ a vna te pa ɓai,

²³sèi Mèzhèɓ Zhiklè nkezla'a a gi malwuƋai, aman te kokwarhi tèlèba cèlèlèu a skwi mwuƌitpa ta zhèryè.

²⁴Aman i hera ɓai, i rka nshèffè ga ara skwi mèshèlè ka ɓai, i woya man i ndeva nhi ga genè a mwuffè, a mizlinè man i ngots te ri Bi Yèsu, a i gi malwuƋi ma mbela'a a pombi Zhiklè.

²⁵Na haha, i suna, kin da rka di ga asaɓai, kin tèlèba man i beza a sam kinè, a i njè kinè ma kokwar Bi Zhiklè.

²⁶Gar haha i ngreda kinè a patsna: aman kin da zi kinè, mali ga ka ɓai. I nghedaha kinè skwa ɓai,

²⁷a i njè kinè ma tèlèba man Zhiklè a huro a gia'a.

²⁸Anai sèi kin gi maya a géƋ va kinè, a géƋ rèwè tèlèba, te ndev tenga'a Mèzhèf Zhiklè nkezla'a a n'nge kinè a ndohi nwar ta, aman kin wèr mpi ndohi Zhiklè, man a sumkaƋa deɓa a pombaz va nenga'a.

²⁹Aman i sun a vava, te deɓ man i da jèke kinè a pa ma, kdadihi dak ta da shkè a ndev kinè, a ta jèkeda rèwè azɓai.

³⁰Te ndev kiriè ba, ndohi ta da slèmbèƋè, aman ta ngwèƋè ma njèma, a ta woy a ta ngazl ta ndohi Yèsu a verzi ta.

³¹Gar haha sèi vanza a dai, a kin hur ara man i jèka ɓai, mvi makar, a pats a vaƌ, a i büd ndo staƌ staƌ a kuƌa a dai.

³²Anai, i pe kinè a ri Zhiklè, a ma pombi nenga'a. Nenga'a a n'ngots wuƋai, man a nzal kinè a ma ma, a mva ta skwi man ta da ngècè te ri Zhiklè a ndohi tèlèba man ndav ta nkezla a nenga'a.

³³I tétéka verzhègenè a guro a maslaka kinè ɓai,

³⁴a kin sun a ri kinè, ara man i gu mizlinè a ri ga, a i ngots skwi ga, a skwi ndohi mizlinè ga.

³⁵I ngreda kinè skwi tèlèba, aman sèi nga gi mizlinè arsa, a nga takaha ta ndohi man wuƌi ta azɓai, a nga hèr ma Bi Yèsu, man a gaƌa: man ka vi skwai, a wuffeƋè ndav ngaya a fena man ka ngècè skwai.

³⁶Aman a goƌ ma ar haha, a ngurɓahai, a ntsu ri a nda tenga'a.

³⁷Ta tèlèba ta kuƌai, ta kelawa na ri a da'ai a Paul, a ta ga na mbali a ri cèw.

³⁸Ndav tenga'a m'mbeƌ na, holhola'a a géƌ man a gaƌa ta: Kin da rka di ga asaɓai. A ta feda na ma a wurom.