Read Mofa New Testament Acts 24 Bible Online

Acts 24 - Mofa New Testament bible

Acts 24

¹Te deɓ m'mèn zlam, Ananias, bi ndohi mvi skwi a Zhiklè, a ndohi nhala'a, a Tertulle, ndo ngèƋ ma, ta shkèhai, a ta zlatsa a sam ngomna, aman ta pin Paul.

²Aman ta baba na Paul, Tertulle a hüno man a pin Paul, a ngaƋa: Félix man amba! Nga nza a gumai a sam ngaya, a géƋ man ka gu skwi man amba kumba a sam ndohi kokwar haha,

³a ka tila kokwar haha a mizlinè ngaya, a nga shid gèƋ a vna pèc pècèk.

⁴Nga vakeda ka a hi azɓai, a nga tsi ri a ka, aman ka tsena ma nga kètè.

⁵Nga ngots ndo haha, a gedassa kokwar, a gi nrubai te ndev ndohi Juif, a gèƌ herkeda tèlèba; ndo ncè ta ma ndohi te gi njèngè Nazarée,

⁶a woya a nlizhè gi Zhiklè ba, a nga gso.

⁸Ka slaha ka shinƋè skwi haha tèlèba a sam nen ga'a, a géƌ mè nga pinè'a, aman ka woya'a.

⁹A ndohi Juif ba ta da na va, a ta gaƌa: Narsa gokwèn!

¹⁰Aman ngomna a ngeda na ri a Paul, man a gèƋè, a Paul a m'mbeƋa na a ma: I suna, ka ndo kita ndohi haha mvi kumba, a i woy man i tsoko gèƋ ga auda a mwuffè.

¹¹Ka slaha ka shinè'a a ri ngaya. A fena m'mèn 12 azɓai, a i do a kokwar Jérusalem, aman i tsi rai.

¹²Ta ngatsyè te gi Zhiklè ɓai, a i tsa tsaval a ndo ɓai, i ruba te ndev ndohi ɓai, ko te gi njèngè ma Zhiklè, ko te kokwar.

¹³A ta slaha ta ngreda ma tenga'a man ta pinyè a géƋè'a, a malwuƋi ɓai.

¹⁴Aman i ngreda a sam ngaya, i gi mizlinè Zhiklè babhi nga arsa a civèƋ Zhiklè mɓua'a haha (man ta baba na njèngè Zhiklè tsaƋ), a i co ma tèlèba a ndav ga, man ta windo te Ƌèlèwèr ma kita Zhiklè a ndohi nhadka ma,

¹⁵a i zhèr skwi te ndav te ri Zhiklè, lèmèlèmè ara tenga'a; aman ndohi m'metsa'a a di ta slambaƋkaƋauda, ndohi nzura'a a ndohi malihi cèw ba.

¹⁶Te deɓa'a i ba i shinƋè aman mèzhèɓ ndav ga amba pèc pècèk a sam Zhiklè, a sam ndohai.

¹⁷Aman te deɓ mvi kumba i shkè, a i cèkè skwi a ndohi ga, a i va na skwi a Zhiklè.

¹⁸A ta ngatsyè a pa, aman i til ndav ga te gi Zhiklè, a nhèzlèwè ka ɓai, a nrubi ka ɓai.

¹⁹Ndohi Juif ngiƌè kètè ta zhè te kokwar Asie, a woy tenga'a ta zhè a sam ngaya haha, a ta pinyè, aman ta ngots ma a géƌ ga.

²⁰Aman anai ta azɓai, sèi ka jhèƋè a sam tenga'a haha, aman ta ngots skwi man ambaɓai a sam ga.

²¹Wa ngiƋè ba ta diyè a sam ncèmma sèi a géƋ man i gaƋa ta: nslambaƋkaƋauda te m'metsi a zhè.

²²Aman Felix a ntsena ma haha, a njèkeda kita a pats nasa, te man a sun civèƋ Zhiklè haha amba, a ngaƋa: Aman Lysias, bi sojè, a shkè, i woy a i tsena ma kinè.

²³A ngaƋa na bi sojè, aman a ɓir Paul, da nza a gumai, da gedassa civèƋ ndohi nenga'a ɓai, aman ta takaha a ta shkè a sam na.

²⁴Te deɓ m'mèn kètè Félix a mshkè a Drusille, ngwoz na, dem Juif, a ndzhoƋo Paul, a woya man a tsena ma ncè Kristi a ndav.

²⁵Aman Paul a goƋ a gèƋ ngizura'a, a gèƋ ngshè va, a gèƋ kita man adi ashkè, Fèlix angu zlau, a ngaƋa: Ka slaha ka de ngaya antanta; aman i da ngots ria'a, i da baba ka a sam ga.

²⁶A nhuro, ar Paul a va na sulai, aman a mpra'a; gar haha a mbaba na pats ngiƌè pats ngiƌè kumba, a ta goƌ a vna.

²⁷Te deɓ mvi cèw, ta menda Porcius Festus a sam n'nzi bi Fèlix. A Fèlix a woya man a gi skwi man ambaba ta ndohi Juif, a njèkeda Paul a dangai.