Read Mofa New Testament Acts 27 Bible Online

Acts 27 - Mofa New Testament bible

Acts 27

¹A ta tsomma, aman nga Ƌè a Italie a wurom, ta feda Paul a ndohi dangai ngiƌè kètè a ri bi sojè, nzlembaƋ na Julius, te ndev sojèhi mbibihia'a.

²Aman ngo do a wurom Adramytte, nga beza a tsagi Asie a gèƌ iyam, a nga jèkeda dzah. A Aristarque te Macédoine te Thessalonique a zhè a nda nga.

³Te mangoslèma'a nga ndika a kokwar Sidon, a Julius a ngau amba a sam Paul, a mpra'a, aman a Ƌè a sam mandalahi nenga'a, aman ta wara naƋai.

⁴Te pa nga jèkeda dzah, a nga beza a tsagi kokwar Chypre, a géƋ iyam.

⁵Aman kozlar a erƋe nga a deɓa, nga beza a tsagi kokwar Cilicie a Pamphylie, ngo do a géƋ iyam mbi'a'a, a nga shkè a ma kokwar Myra te Lycie.

⁶Te pa bi sojè a n'ngots wurom te kokwar Alexandrie, man a Ƌè a Italie a géƌ iyam, a ngo do a pa.

⁷Aman nga wurr zhèhèƋ zhèhèƋè'a, te deɓ m'mèn kumba, nga ndika a kokwar Cnide, aman a wuƋai (kozlar a erƋka nga a deɓa),

⁸a nga beza a tsagi Crête a sam Salmoné, a nga beza a tsagia'a a wuƌi a va, a nga ndika a sam ngiƌè, man ta baba na sam nhèyè wurom mbela'a, ndul ndul a ma kokwar Lasée.

⁹Aman nga gu ndudoh a vata, nƋè a wurom ba wuƋitpa, apats njèkeda skwi n'ndi klèng ma, Paul a mbid ta, a ngaƋa ta:

¹⁰Dalahimam ga, i rka, aman nga Ƌè a wurom antanta a matakwan, a skwi a da zi kumba, kolongwi genè ka ɓai, aman ko wurom a nshèffè nga.

¹¹Aman bi sojè a nco ma ndo nhèƋè wurom, a bi wurom, a nkwola ma Paul.

¹²Aman sam nhèyè wurom ambaɓai aman ta nzi a pa a via, matrhia'a kumba ta woya a ta Ƌè a ma, aman ta woya a ta ndikè a kokwar Phénix, a ta nzi a pa a via. Phénix sam nhèyè wurom Crête te civèƌ dukwaƌ, te civèƌ nkèl pats.

¹³A kozlar a ngu te civèƋ dukwaƋ, a ta hur skwi man ta`woy a ta gia'a, a gi amba, a ta slambaƋa, a ta herda na va a Crete.

¹⁴Aman te deɓ kètè ndombozlor a nslambaƋa te civèƋ Euraquillon, man a ngedassa skwi man nga woya a nga gia'a.

¹⁵A ngso wurom, a nga slaha nga zlècè a sam kozlar ɓai, a nga jèkeda, a ngau gaganggagang kata.

¹⁶A nga shkè a sam herkeda te ndev iyam, man ta baba na Claude, te pa nga slaha nga gshè wurom nkèshèa sèi a wuƋai.

¹⁷Nga co nenga'a, a nga mana wurom a züdo, te man nga gu zlau, a da kèl na hai, a nga preda maslaka wurom a hai, a ngo do a géƋ iyam arsa.

¹⁸Aman ndombozlor a ngu a vata, te mangoslèma'a nga wusheda skwi a va iyam.

¹⁹Tem'mèn mamakara'a nga wusheda kolongwi wurom a va iyam.

²⁰Aman m'mèn kumba ko pats ko bantai a rkè azɓai, a ndombozlor mbia'a a erƋe nga, ha nga hur a nga gaƋa nga da nzi a nshèffè ɓai.

²¹Aman n'nzi a zhè ta nda skwi ɓai, Paul a nzlatsa te ndev tenga'a, a ngaƋa: Dalahimam ga, a matsa m'mbela man ta dzodzor ma ga, a ta jèkeda Crete ɓai, matakwan a skwi ngedassa nga haha ar n'nga nga ɓai.

²²Anai i bid kinè, aman kin mana ndav kinè, ko nshèffè staƋ te ndev nga a da zi azɓai, sèi wurom genè.

²³Aman a vaƋ haha gol Zhiklè, man iyè a rienga'a, a i gi mizlinè nenga'a, nzlatsa a tsagi ga,

²⁴a ngaƋa: Paul, ka gu zlau ɓai, sèi ta da zlatsede ka a sam César. Na haha, Zhiklè a mva ka ndohi tèlèba man ta zhè te wurom a nda ka, a ri a ka.

²⁵Gar haha, dalahimam ga, kin gu zlau ɓai. Aman i co ma Zhiklè a ndav, aman a gi tèlèba, ara man a gaƋayè.

²⁶Aman sèi nga Ƌè a herkeda te ndev iyam.

²⁷Aman te m'mèn 14, nga zhè a géƋ iyam mbia'a Adria, a géƋ vaƋ, ndohi wurom ta huro ta ndikè a ma herkeda.

²⁸A ta wusheda ndeval a iyam, a gi drav te pa, zur pandar 20. Te deɓ kètè ta wusheda a pa za'a, a ta ngots zur pandar 15.

²⁹A ta gu zlau, gèƋ wurom a kèlè a sam nsassaya'a, a ta wusheda jir wurom faƌ te verzi wurom, a ta huro, m'mbela sam da ciƋa nga dai.

³⁰Aman ndohi wurom ta woy a ta hi ta auda te wurom, a ta da wurom nkèshèa a va iyam, a ta gaƋa ta woy a ta wusheda jir wurom a ma wurom,

³¹Paul a ngaƋa ta bi sojè a sojèhai: Aman ndohi haha ta nzi a wurom azɓai, kin slaha a kin nzi a nshèffè azɓai.

³²A sojèhi ta ratsa teɓa te wurom, a ta pra'a.

³³Aman pats guduzluzla'a, Paul a ngaƋa ta tèlèba, aman ta ndi skwi n'ndai, a ngaƋa: A patsna m'mèn 14, aman kin zhèrè'a, a kin nda skwa ɓai.

³⁴Anai i bid kinè mua, aman kin ndi skwi n'ndai, a wuƌai kinè; aman ko gwots gèƌ kinè staƌ a da kèlè azɓai.

³⁵Aman a goƌ ma haha, a nco movar, a nshüƌ gèƌ a Zhiklè, a sam di tengahi tèlèba, a ntsaka'a, a hüno a ndia'a.

³⁶A ta tèlèba ta mana ndav ta, a ta gu langlanga'a, a ta ndau skwi n'ndai.

³⁷Nga tèlèba man nga zhè te wurom, ndohi 276.

³⁸Aman ta ngeza ma, ta co skwi man a njèl te wurom auda, a ta wusheda dau a va iyam mbia'a.

³⁹Aman sam nciƋa ta ma, ta sun herkeda ɓai, aman ta rka sam nhèyè wurom a dzah, ta woy a ta wurr wurom a pa.

⁴⁰A ta hulkoƋi jir wurom, a ta jèkeda te va iyam mbia'a, ta pra teɓa skwi nwurr wurom, a ta ngwode maslaka wurom aman a civèƋ kozlar, a ta woy a ta Ƌè a dzah.

⁴¹Aman nga zhè a sam man iyam mbia'a a hi a civèƋ cèw cèw, wurom a nkol gèƋ a vna, a verzi wurom a ngedas na a wuƋi iyam.

⁴²A sojèhi ta woy a ta bazl ta ndohi dangai, aman ta slaha a ta tsi maƋandav a ta wuc ta ɓai.

⁴³Aman bi sojè a woya a mɓir Paul, a ngedassa skwi man ta woy a ta gia'a, a ngaƋa ta ndohi man ta sun ntsi maƋandav nshèlèkura'a, aman ta Ƌè a va iyam, a ta Ƌè a dzah.

⁴⁴A ndohi ngiƋè, matrhia'a a géƋ kaf, matrhia'a a géƋ njèkèƋi wurom. A gu arsa, aman ta tèlèba ta ndikè auda a herkeda, a ta mbel ta.